ශ්‍රී ලංකා පාර්ලිමේන්තුව වෙත සංචාරයක් සිදු කිරීම, පුද්ගලිකවම පැමිණ නැරඹීම, මාර්ගගත සංචාරයක් සිදු කිරීම හෝ සංචාරයක් සැලසුම් කිරීම කරන්නේ කෙසේ ද යන්න සොයා බලන්න.
අවසර ලබා ගැනීම අත්‍යවශ්‍ය වන අතර පූර්ව අවසරයකින් තොරව පාර්ලිමේන්තුවට පිවිසිය නොහැකි ය. ඔබ පාර්ලිමේන්තුව නැරඹීමට අදහස් කරන්නේ නම් නැරඹීමට අපේක්ෂා කරන දිනයට අවම වශයෙන් සතියකට හෝ පෙර අවසර ලබා ගැනීම සඳහා ඉල්ලීමක් ඉදිරිපත් කළ යුතු ය.
ආරක්ෂක හේතු හෝ අන් කවර හෝ හේතු මත ඕනෑම අවස්ථාවකදී බලධාරීන්ට ඔබගේ ප්‍රවේශය අවලංගු කළ හැකි ය.
අවසරයකින් තොරව පාර්ලිමේන්තුවට පිවිසීම හෝ පිවිසීමට තැත් කිරීම වරෙන්තුවක් නොමැතිව අත් අඩංගුවට ගත හැකි කාරණයක් වේ.
නැරඹීමට පැමිණීම්
පාර්ලිමේන්තු නැරඹීම සඳහා ඔබට පොදු නිර්ණායක සහ උපදෙස් පිළිපැදීමට සිදුවේ.
ඔබ එකඟ වන්නේ නම් ඔබගේ සංචාරය තෝරන්න.
තනතුර — වේත්‍රධාරී, ශ්‍රී ලංකා පාර්ලිමේන්තුව, ශ්‍රී ජයවර්ධනපුර කෝට්ටේ
විද්‍යුත් තැපෑල: sa@parliament.lk
ෆැක්ස් අංකය - 0112777473
වැඩිදුර විස්තර සඳහා : 0112777100 / 5365 ධනංජනී මිය - විෂය භාර නිලධාරි
විදුහල්පතිවරයා හෝ ආයතන ප්‍රධානියා විසින් පාසලේ හෝ ආයතනයේ ලිපි ශීර්ෂය මත ඉල්ලීමක් කරමින් ලිපියක් එවීම මගින් පාර්ලිමේන්තුව නැරඹීම සඳහා අවසර ඉල්ලා සිටිය හැකිය. සිසුන්ගේ ලැයිස්තුවක් සහ ගුරුවරුන්ගේ සහ දෙමාපියන්ගේ ලැයිස්තුවක් ඇතුළත් කරන්න.
ඔබට අවසර පත්‍රයේ පිටපතක් අවශ්‍ය නම්, කරුණාකර එම ඉල්ලීම් ලිපියෙහි අවශ්‍යතාවය සඳහන් කර, විද්‍යුත් තැපැල් ලිපිනයක් සපයන්න.
සංචාරය සඳහා මාර්ගෝපදේශ
පාර්ලිමේන්තුව නැරඹීමට ඉල්ලුම් කිරීමේ ආකෘතිය
නිසි පරිදි සම්පූර්ණ කරන ලද පෝරම සමඟ අදාළ පාර්ලිමේන්තු මන්ත්‍රීවරයා වේත්‍රධාරී හට ඉල්ලීමක් සිදු කළ යුතුය. (ආකෘතිය සඳහා මෙතැන ක්ලික් කරන්න.)
පාර්ලිමේන්තු කාර්යය මණ්ඩලය සිය දෙපාර්තමේන්තු හෝ අංශ ප්‍රධානීන් හරහා විධිමත් ලිපියක් මාර්ගයෙන් වේත්‍රධාරීගෙන් අවසර ඉල්ලා සිටිය යුතු ය.
එම ලිපියෙහි අමුත්තන්ගේ නම්, ජාතික හැඳුනුම්පත් අංක මෙන්ම නැරඹීමට පැමිණෙන දිනය සහ වේලාව ද සඳහන් කර තිබිය යුතුය.
විදේශික අමුත්තන් ශ්‍රී ලංකාවේ සංචාරක ඒජන්සියක් හරහා අවසර ඉල්ලා සිටිය යුතු ය. එම ඒජන්සිය, අදාළ සෑම විදේශික අමුත්තෙකුගේම නම, විදේශ ගමන්බලපත්‍ර අංකය සහ රට ඇතුලත් කළ විස්තරයක් සිය ලිපි ශීර්ෂය සහිත විධිමත් ලිපියක සඳහන් කර වේත්‍රධාරී හට එවිය යුතුය.
රාජකාරි කටයුතු සඳහා පාර්ලිමේන්තුවට පැමිණෙන රජයේ නිලධාරීන් සඳහා වන ආරක්ෂක විධිවිධාන සහ පහසුකම් පිළිබඳ මාර්ගෝපදේශය.
කැබිනට් අමාත්‍යවරුන්ගේ පෞද්ගලික කාර්ය මණ්ඩලය සඳහා වාර්ෂික අවසර පත්‍ර
ඉහත ඡේදයේ දක්වා ඇති රාජ්‍ය නිලධාරීන්ට නිකුත් කෙරෙන අවසරපත්‍රවලට අමතරව පාර්ලිමේන්තු ගොඩනැගිල්ලේ අමාත්‍ය කාමර සඳහා හිමිකම් ඇති කැබිනට් අමාත්‍යවරුන්ගේ පුද්ගලික කාර්ය මණ්ඩලයට වාර්ෂික අවසර පත්‍ර පහත ආකාරයට නිකුත් කරනු ලැබේ.
මෙම අවසර පත්‍ර සඳහා සිදු කරන ඉල්ලීම් අදාළ අමාත්‍යවරයා හෝ ලේකම් විසින් අත්සන් කොට වේත්‍රධාරී වෙත ලබා දිය යුතුය.
අදාළ කැබිනට් අමාත්‍යවරයාට පාර්ලිමේන්තු ගොඩනැගිල්ලේ අමාත්‍ය කාමරයක් හිමි වන්නේ නම්, අමාත්‍යවරයාගේ අවශ්‍යතාව මත රැස්වීම් දිනවල හෝ රැස්වීම් නොමැති දිනවල කාර්යාල වේලාවන් තුළ රාජ්‍ය නිලධාරීන්ට හෝ අමාත්‍ය කාර්ය මණ්ඩලයට එම කාමරය වෙත පිවිසිය හැකිය.
රැස්වීම් නොමැති දිනවලදී අදාළ අමාත්‍යවරයා පාර්ලිමේන්තුවේ නොසිටින විට, රාජ්‍ය නිලධාරීන් හෝ අමාත්‍යවරයාගේ පෞද්ගලික කාර්ය මණ්ඩලයේ නිලධාරීන් හෝ වෙනත් කිසිදු පුද්ගලයෙකු සඳහා අමාත්‍ය කාමර විවෘත නොකෙරේ.
පාර්ලිමේන්තු ස්ථාවර නියෝග යටතේ පිහිටුවා ඇති කාරක සභා සඳහා ප්‍රමුඛත්වය දෙනු ලබන බැවින්, කාමර ලබාගත හැකි බව අනුව කැබිනට් අමාත්‍යවරයෙකුට කාරක සභා කාමරයක් වෙන් කරවා ගත හැකිය.
කාරක සභා කාමර වෙන් කරවා ගැනීම සඳහා කැබිනට් අමාත්‍යවරයා විසින් අත්සන් කරන ලද හෝ අදාළ අමාත්‍යාංශ ලේකම් හෝ අතිරේක ලේකම් විසින් අනුමත කරන ලද ඉල්ලීම් වේත්‍රධාරිවරයා වෙත ඉදිරිපත් කිරීමෙන් සිදු කෙරේ.
අමාත්‍යාංශවල මාධ්‍ය කණ්ඩායම් ගරු අමාත්‍යවරුන්ගේ ඉල්ලීම මත වේත්‍රධාරිවරයා හරහා පාර්ලිමේන්තුවට පිවිසීමට ඉල්ලුම් කළ යුතුය. එම ඉල්ලීමෙහි පැමිණීමට අපේක්ෂිත පුද්ගලයින්, ජාතික හැඳුනුම්පත් අංක, රැගෙන එන මාධ්‍ය උපකරණ, වාහන අංක සහ මාධ්‍ය සාකච්ඡාව පැවැත්වෙන ස්ථානය (මාධ්‍ය කාමරය, කාරක සභා කාමරය, මාධ්‍ය මධ්‍යස්ථානය) පිළිබඳ තොරතුරු ඇතුළත් විය යුතුය.
ප්‍රමාදයන් වළක්වා ගැනීම සඳහා අවම වශයෙන් විනාඩි 45කට කලින් පැමිණ ආරක්ෂක පරීක්ෂාවෙන් පසු රාජ්‍ය නිලධාරී පිවිසුම හරහා ඇතුළු විය යුතුය.
ඔවුන් වෙනත් ස්ථාන වෙත පිවිසීමෙන් සහ අවසර නොමැති ස්ථානවල මාධ්‍ය ආවරණයේ යෙදීමෙන් සම්පූර්ණයෙන්ම වැළකී සිටිය යුතුය.
පෙන්වන්න
පෙන්වන්න
පෙන්වන්න
පාර්ලිමේන්තු අත්පොත
ශ්‍රී ලංකාවේ මැතිවරණ ක්‍රමය
පාර්ලිමේන්තුවේ කටයුතු සිදුවන ආකාරය
පාර්ලිමේන්තුවේ කටයුතු
© ශ්‍රී ලංකා පාර්ලිමේන්තුව.
සියලු හිමිකම් ඇවිරිණි.
නිර්මාණය සහ සංවර්ධනය TekGeeks
