03

E   |   த   |  

පනත් සහ පනත් කෙටුම්පත්

කාරක සභා

ඔබගේ මන්ත්‍රීවරයා අමතන්න

හැන්සාඩ් වාර්තා


නවතම පුවත්

සියලු පුවත් බලන්න  

දෙසැම්බර් 19, 2025

රුපියල් බිලියන 500 ක පරිපූරක ඇස්තමේන්තුවට පාර්ලිමේන්තුවේ අනුමතිය

හදිසි ආපදා තත්ත්වය හේතුවෙන් අඩාල වූ ජනජීවිත යථා තත්ත්වයට පත්කිරීම වෙනුවෙන්  2026 වර්ෂයට අදාළව ඊයේ දින පාර්ලිමේන්තුවට ඉදිරිපත් කරන ලදුව, අද දින අනුමතිය සඳහා ඉදිරිපත් කරන ලද රුපියල් බිලියන 500ක පරිපූරක ඇස්තමේන්තුව සඳහා අද (දෙසැ. 19) පාර්ලිමේන්තුවේ අනුමතිය  හිමිවිය.මෙම පරිපුරක ඇස්තමේන්තුව ගරු අග්‍රාමාත්‍යතුමිය විසින් ඊයේ (18) දින පාර්ලිමේන්තුවට ඉදිරිපත්  කරන ලදී.  ඒ අනුව අද දින  පෙ.ව.10.00 සිට ප.ව. 6.10 දක්වා ඒ සඳහා වූ විවාදය පැවැත්වීමෙන් අනතුරුව බිලියන 500 ක් සඳහා වන පරිපූරක ඇස්තමේන්තුව ජන්ද විමසීමකින් තොරව අනුමත විය. 

දෙසැම්බර් 19, 2025

රුපියල් බිලියන 500 ක පරිපූරක ඇස්තමේන්තුවට පාර්ලිමේන්තුවේ අනුමතිය

හදිසි ආපදා තත්ත්වය හේතුවෙන් අඩාල වූ ජනජීවිත යථා තත්ත්වයට පත්කිරීම වෙනුවෙන්  2026 වර්ෂයට අදාළව ඊයේ දින පාර්ලිමේන්තුවට ඉදිරිපත් කරන ලදුව, අද දින අනුමතිය සඳහා ඉදිරිපත් කරන ලද රුපියල් බිලියන 500ක පරිපූරක ඇස්තමේන්තුව සඳහා අද (දෙසැ. 19) පාර්ලිමේන්තුවේ අනුමතිය  හිමිවිය.මෙම පරිපුරක ඇස්තමේන්තුව ගරු අග්‍රාමාත්‍යතුමිය විසින් ඊයේ (18) දින පාර්ලිමේන්තුවට ඉදිරිපත්  කරන ලදී.  ඒ අනුව අද දින  පෙ.ව.10.00 සිට ප.ව. 6.10 දක්වා ඒ සඳහා වූ විවාදය පැවැත්වීමෙන් අනතුරුව බිලියන 500 ක් සඳහා වන පරිපූරක ඇස්තමේන්තුව ජන්ද විමසීමකින් තොරව අනුමත විය. 

දෙසැම්බර් 19, 2025

ක්ෂුද්‍රමුල්‍ය සහ ණය නියාමන අධිකාරිය පනත් කෙටුම්පත සඳහා යෝජිත සංශෝධන සම්බන්ධයෙන් ආංශික අධීක්ෂණ කාරක සභාවේ අවධානය

ක්ෂුද්‍රමුල්‍ය සහ ණය නියාමන අධිකාරිය පනත් කෙටුම්පත පිළිබඳ සහ ඊට යෝජිත සංශෝධන සම්බන්ධයෙන්  ආර්ථික සංවර්ධනය සහ අන්තර් ජාතික සබඳතා පිළිබඳ ආංශික අධීක්ෂණ කාරක සභාවේ අවධානය යොමු විය.ඒ එම කාරක සභාව එහි සභාපති ගරු පාර්ලිමේන්තු මන්ත්‍රී (නීතිඥ) ලක්මාලි හේමවන්ද්‍ර මෙනවියගේ ප්‍රධානත්වයෙන් ඊයේ (18) පාර්ලිමේන්තුවේදී රැස්වූ අවස්ථාවේදී ය. මෙම රැස්වීම සඳහා ශ්‍රී ලංකා මහ බැංකුව, මුදල්, ක්‍රමසම්පාදන සහ ආර්ථික සංවර්ධන අමාත්‍යාංශයේ සංවර්ධන මූල්‍ය දෙපාර්තමේන්තුව සහ නීති කටයුතු දෙපාර්තමේන්තුව නියෝජනය කරමින් නිලධාරීහු පිරිසක් සහභාගී වී සිටියහ.‍ක්ෂුද්‍රමුල්‍ය සහ ණය නියාමන අධිකාරිය පනත් කෙටුම්පත පළමුවර කියවීම සඳහා 2025.11.26 දින පාර්ලිමේන්තුවට ඉදිරිපත් කරන ලදි. මේ අනුව පනත් කෙටුම්පත සම්බන්ධයෙන් ඉදිරිපත් වී ඇති සංශෝධන පිළිඳව දීර්ඝ වශයෙන් කාරක සභාවේදී සාකච්ඡා කිරීම සිදු විය. එසේම මෙම පනත් කෙටුම්පත සම්බන්ධයෙන් වඩාත් හොදින් අවධානය යොමු කිරීම වැදගත් බවත් ඒ අනුව ඉදිරි දිනයකදී නැවතත් මෙම සංශෝධන සම්බන්ධයෙන් සාකච්ඡා කිරීම සිදු කරනු ලබන බවත් කාරක සභාවේ සභාපති ගරු පාර්ලිමේන්තු මන්ත්‍රී (නීතිඥ) ලක්මාලි හේමවන්ද්‍ර මෙනවිය පැවසීය.මෙම කාරක සභා රැස්වීම සඳහා ගරු පාර්ලිමේන්තු මන්ත්‍රීවරුන් වන ලක්ෂ්මන් නිපුණ ආරච්චි, තිළින සමරකෝන්, (නීතිඥ) නිලන්ති කොට්ටහච්චි, (නීතිඥ) සාගරිකා අතාවුද, සුරංග රත්නායක සහ විජේසිරි බස්නායක යන මහත්ම මහත්මීහු සහභාගී වූහ. 

දෙසැම්බර් 19, 2025

ආපදා හේතුවෙන් අඩාල වූ ජනජීවිතය යථා තත්ත්වයට පත් කිරීම සඳහා වන රුපියල් බිලියන 500 ක පරිපූරක ඇස්තමේන්තුවට රජයේ මුදල් පිළිබඳ කාරක සභාවේ අනුමතිය

පරිපූරක ඇස්තමේන්තුවට පාර්ලිමේන්තුවේදී අද අනුමතිය ලබා ගැනීමට නියමිතයිහදිසි ආපදා තත්ත්වය හේතුවෙන් අඩාල වූ ජනජීවිතය යථා තත්ත්වයට පත් කිරීම සඳහා 2026 වර්ෂයට අදාළව රුපියල් බිලියන 500 ක පරිපූරක ඇස්තමේන්තුවට රජයේ  මුදල් පිළිබඳ කාරක සභාවේ අනුමතිය හිමිවිය. ඒ අනුව, එම පරිපූරක ඇස්තමේන්තුව සඳහා අද (දෙසැ. 19) පාර්ලිමේන්තුවේ දී අනුමතිය ලබා ගැනීමට නියමිතය.ගරු පාර්ලිමේන්තු මන්ත්‍රී ආචාර්ය හර්ෂ ද සිල්වා මහතාගේ සභාපතිත්වයෙන් ඊයේ (18) පැවති රජයේ  මුදල් පිළිබඳ කාරක සභා රැස්වීමේදී මෙම අනුමැතිය හිමිවිය.2026 වර්ෂය සඳහා වූ විසර්ජන පනත් කෙටුම්පත (අයවැය) දෙසැම්බර් 5 වන දින පාර්ලිමේන්තුවේදී සම්මත වුවද, පසුගියදා ඇතිවූ ආපදා තත්ත්වය හේතුවෙන් අයවැය යටතේ අනුමත කරන ලද මුදල් ප්‍රමාණයන්ට වඩා අමතර අරමුදල් අවශ්‍ය වී ඇති බව පැමිණ සිටි නිලධාරීහු ප්‍රකාශ කළහ. ඒ අනුව, බලපෑමට ලක් වූ ප්‍රජාවන්ට සහාය වීම, බලගැන්වීම සහ අත්‍යවශ්‍ය යටිතල පහසුකම් ප්‍රතිසංස්කරණය කිරීම සඳහා ඇස්තමේන්තුගත රුපියල් බිලියන 500 ක පරිපූරක මුදලක් යෝජනා කර ඇත.යෝජිත පරිපූරක ඇස්තමේන්තුවට ව්‍යසනයෙන් විනාශ වූ නිවාස ප්‍රතිසංස්කරණය සහ නැවත ඉදිකිරීම සඳහා රුපියල් බිලියන 100 ක්, හානියට පත් යටිතල පහසුකම් ප්‍රතිසංස්කරණය සඳහා රුපියල් බිලියන 250 ක් සහ බලපෑමට ලක් වූ ප්‍රජාවට ජීවනෝපාය ආධාර සැපයීම සඳහා රුපියල් බිලියන 150 ක් ඇතුළත් වේ.මෙම පරිපූරක ඇස්තමේන්තුවේ ප්‍රතිඵලයක් ලෙස 2026 සඳහා ප්‍රාථමික වියදම්, රාජ්‍ය මූල්‍ය කළමනාකරණ (PFM) පනත මගින් පනවන ලද දළ දේශීය නිෂ්පාදිතයෙන් 13% ක සීමාවට වඩා 1.5% ක් පමණ ඉහළ යන බව කාරක සභාව විසින් නිරීක්ෂණය කරන ලදී. රාජ්‍ය මූල්‍ය කළමනාකරණ පනතේ 16 වන වගන්තිය ප්‍රකාරව ජාතික ආර්ථිකයේ ආරක්ෂාවට හෝ මහජන සෞඛ්‍යයේ ආරක්ෂාවට තර්ජනයක් සිදුකළ හැකි අනපේක්ෂිත සිදුවීමක් හෝ  ස්වාභාවික ආපදාවකදී, අමාත්‍ය මණ්ඩලයේ මතය අනුව එවැනි සීමාව උල්ලංඝනය කිරීමකට අවසර තිබෙන බව නිලධාරීහු මෙහිදී කරුණු දැක්වූහ.මෙම අරමුදල්වල ප්‍රතිලාභීන් තෝරා ගැනීම පිළිබඳව ද කාරක සභාව විමසා සිටියේය. ජාතික ගොඩනැගිලි පර්යේෂණ ආයතනය (NBRO) නිවාස 15,000ක් හඳුනාගෙන ඇති බවත්, ප්‍රගතිය මන්දගාමී වුවද 2017 සිට සැලැස්මක් ක්‍රියාත්මක කර ඇති බවත් නිලධාරීහු මෙහිදී පැවසූහ. 2026 අයවැය මඟින් දැනටමත් හඳුනාගෙන ඇති නිවාස 3,000ක් පමණ ඉදිකිරීම සඳහා රුපියල් බිලියන 5,000ක් වෙන් කර ඇති බව නිලධාරීහු තවදුරටත් ප්‍රකාශ කළහ. ඊට අමතරව, ප්‍රතිසංස්කරණ සහ නැවත පදිංචි කිරීම සඳහා අරමුදල් වෙන් කර ඇත. ව්‍යසනයෙන් සැබවින්ම පීඩාවට පත් වූවන්ට සහාය වීම සඳහා නිවැරදි දත්ත ලබා ගත යුතු බවත් නිසි සැලැස්මක් ක්‍රියාත්මක කළ යුතු බවත් කාරක සභාව මෙහිදී අවධාරණය කළේය.එසේම, ‘Rebuilding Sri Lanka’ අරමුදල වඩාත්  විනිවිදබවකින් යුතුව භාවිතා කරන බව සහතික කිරීම සඳහා පාර්ලිමේන්තුවේ අනුමැතිය සහිත ව්‍යවස්ථාපිත අරමුදලක් ලෙස විධිමත් ආකාරයෙන් ස්ථාපිත කිරීමේ අවශ්‍යතාවය ද  කාරක සභාව විසින් පෙන්වා දෙන ලදී.දීර්ඝ සාකච්ඡාවකින් අනතුරුව හදිසි ආපදා තත්ත්වය හේතුවෙන් අඩාල වූ ජනජීවිතය යථා තත්ත්වයට පත් කිරීම සඳහා 2026 වර්ෂයට අදාළව රුපියල් බිලියන 500 ක පරිපූරක ඇස්තමේන්තුවට  රජයේ  මුදල් පිළිබඳ කාරක සභාවේ අනුමතිය හිමිවිය.මෙම කාරක සභා රැස්වීමට ගරු නියෝජ්‍ය අමාත්‍යවරුන් වන ආචාර්ය කෞෂල්‍යා ආරියරත්න සහ නිශාන්ත ජයවීර යන මහත්ම මහත්මීහු ද ගරු පාර්ලිමේන්තු මන්ත්‍රීවරුන් වන රවී කරුණානායක, නීතීඥ රවුෆ් හකීම්, හර්ෂණ රාජකරුණා, විජේසිරි බස්නායක, තිළිණ සමරකෝන් සහ නීතීඥ චිත්‍රාල් ප්‍රනාන්දු යන මහත්වරුද සහභාගී වූහ. 

දෙසැම්බර් 18, 2025

ප්‍රංශ සෙනට් සභාවේ සාමාජික ගරු සමන්තා කැසබෝන් මහත්මිය ගරු කථානායක වෛද්‍ය ජගත් වික්‍රමරත්න මහතා හමුවෙයි

ප්‍රංශ සෙනට් සභාවේ සාමාජික ගරු සමන්තා කැසබෝන් (Samantha Cazebonne) මහත්මිය ගරු කථානායක  වෛද්‍ය ජගත් වික්‍රමරත්න මහතා පසුගිය දා (16) පාර්ලිමේන්තුවේදී  හමු විය.මෙම හමුව සඳහා පාර්ලිමේන්තුවේ මහලේකම් කුෂානි රෝහණදීර මහත්මිය සහ ශ්‍රී ලංකාවේ ප්‍රංශ තානාපති රෙමී ලැම්බර්ට් (Rémi Lambert) මහතා ඇතුළු ප්‍රංශයේ නියෝජිත පිරිසක් සහභාගී වූහ. මෙහිදී ප්‍රථමයෙන් අදහස් දක්වමින් ගරු කථානායක වෛද්‍ය ජගත් වික්‍රමරත්න මහතා, අයහපත් වූ කාලගුණය හේතුවෙන් ශ්‍රී ලංකාව මුහුණ දුන් විශාලතම අපදා තත්ත්වයට මුහුණ දී යථා තත්ත්වයට නැවත පිවිසීමට අවශ්‍ය ක්‍රියාමාර්ග රජය විසින් කඩිනමින් ගනිමින් සිටින බව පැවසුවේය. එමෙන්ම මෙම අපදා තත්ත්වය හේතුකොටගෙන ශ්‍රී ලංකාවට ප්‍රංශ රජය විසින් ලබාදෙන සහයෝගයට කථානායකවරයා සිය ස්තුතිය ප්‍රකාශ කර සිටියේය.මෙම ආපදාව හමුවේ ශ්‍රී ලාංකිකයින්ගේ එකමුතු භාවය නැවත වරක් ලොවට විදහා දක්වන ලද බවද ගරු කථානායකවරයා වැඩි දුරටත් අදහස් දක්වමින් ප්‍රංශ නියෝජිත පිරිසට පැවසුවේය. එමෙන්ම “ Rebuild Sri Lanka ” වැඩසටහන ඔස්සේ ශ්‍රී ලංකාව නැවත ගොඩනැගීම සඳහා ජාත්‍යන්තරයේ සිටින පිරිස්වලටද අවස්ථාව උදාවී තිබෙන බවද ගරු කථානායකවරයා පැවසීය.ශ්‍රී ලංකාව සහ ප්‍රංශය අතර දිගුකාලයක සිට පවතින මිත්‍රත්වය සිහිපත් කළ ගරු කථානායකවරයා 2023 වසරේදී ප්‍රංශ ජනාධිපතිවරයා ශ්‍රී ලංකාවේ සිදුකළ නිල සංචාරයෙන් එම මිත්‍රත්වය තවදුරටත් ශක්තිමත් වූ බවද පෙන්වා දුන්නේය.මෙහිදී අදහස් දක්වමින් ප්‍රංශ සෙනට් සභාවේ සාමාජික ගරු සමන්තා කැසබෝන් (Samantha Cazebonne) මහත්මිය මෙරට ඇතිවූ  හදිසි අපදා තත්ත්වය  පිළිබඳව සිය සංවේගය ප්‍රකාශ කරමින් ප්‍රංශ රජයේ සහයෝගය ශ්‍රී ලංකාව වෙත ලබාදෙන බව පැවසුවාය. ප්‍රංශය, යුරෝපා සංගමය සමග එක්ව ශ්‍රී ලංකාවට අවශ්‍ය මානුෂිය ආධාර ලබාදීමට මේ වනවිටත් කටයුතු කර ඇති බවත් ප්‍රංශ රජය විසින් ලබාදෙන අනෙක් මානුෂිය ආධාර ඉදිරි දින කිහිපයේදී ශ්‍රී ලංකාවට ලබාදීමට නියමිත බවත් ඇය වැඩි දුරටත් අදහස් දක්වමින් ප්‍රකාශ කළාය.තවද ශ්‍රී ලංකාවේ පුරවැසියන් තුළ ඉහළ මානුෂිය ගුණාංග පවතින බව මෙහිදී පෙන්වා දුන් ප්‍රංශ සෙනට් සභාවේ සාමාජික ගරු සමන්තා කැසබෝන් මහත්මිය ඒ ඔස්සේ මෙරට සංචාරක ක්‍ෂේත්‍රයේ ප්‍රවර්ධනය කළ හැකි ආකාරය පෙන්වා දුන්නාය. එමෙන්ම මෙහිදී ශ්‍රී ලංකාව තුළ පවතින ප්‍රංශ ජාත්‍යන්තර පාසල තවදුරටත් ශක්තිමත් කරමින් එය ඉදිරියට ගෙනයාමට අවශ්‍ය සහයෝගය ලබාදෙන ලෙස එම මහත්මිය ගරු කථානායකවරයාගෙන් ඉල්ලා සිටියාය. ඊට පිළිතුරු ලබාදෙමින් ගරු කථානායකවරයා අධ්‍යාපන අමාත්‍යංශයට එම ඉල්ලීම සළකා  බැලීම සඳහා ඉදිරිපත් කරන බව සඳහන් කළේය.තවද මෙරට සමාජයේ කාන්තාවන් පිළිබඳව සාමාජයේ  පවතින ආකල්ප පිළිබඳවද ප්‍රංශ සෙනට් සභාවේ සාමාජික ගරු සමන්තා කැසබෝන් මහත්මිය විමසීමක් කළාය. ඊට පිළිතුරු ලබාදෙමින් ගරු කථානායකවරයා ශ්‍රී ලංකාව තුළ කාන්තාව පිළිබඳව යහපත් වූ ආකල්ප පවතින බවත් කාන්තාවන්ට ශක්තිමත්ව ඉදිරියට පැමිණීමට අවශ්‍ය සියලු ක්‍රියාමාර්ග ගනිමින් සිටින බවත් පැවසුවේය. එමෙන්ම ප්‍රථම වරට කාන්තාවන් සඳහා වූ ස්වාධීන කොමිෂන් සභාවක්ද ස්ථාපිත කොට ඇති බව වැඩි දුරටත් අදහස් දක්වමින් ගරු කථානායකවරයා පැවසුවේය.මෙහිදී ප්‍රංශ සෙනට් සභාවේ සාමාජික ගරු සමන්තා කැසබෝන් මහත්මිය විසින් 2026 වර්ෂයේ පැරිසියේ පැවැත්වීමට නියමිත ගෝලීය සාම සමුළුවට සහභාගි වීමටත්, ප්‍රංශයේ සංචාරයක නිරතවීමටත් කථානායකවරයාට ආරාධනා කළාය. එමෙන්ම ප්‍රංශ පාර්ලිමේන්තුවේ ක්‍රියාකාරිත්වය හා පාර්ලිමේන්තු ක්‍රමවේද නිරීක්ෂණය කිරීමටත් ආරාධනා කළ එම මහත්මිය එය  ප්‍රංශයේ ව්‍යවස්ථාදායක සම්ප්‍රදායන් සෘජුවම දැක බලා ගැනීමට ලැබෙන වටිනා අවස්ථාවක් වනු ඇති බවත් පැවසුවාය.



ක්ෂණික පිවිසුම්

පරිපූරක

න්‍යාය පත්‍ර

ආණ්ඩුක්‍රම ව්‍යවස්ථාව

පාර්ලිමේන්තුව ගැන දැනගමු

පාර්ලිමේන්තු විදු පියස

පාර්ලිමේන්තු සේයාරූ එකතුව

න්‍යාය පුස්තක

මධ්‍යගත සම්පත් ද්වාරය

ආණ්ඩුක්‍රම ව්‍යවස්ථා සභාව

විසර්ජන පනත් කෙටුම්පත (අයවැය)

අයවැය 2026

තොරතුරු දැනගැනීමේ අයිතිවාසිකම

මහ මැතිවරණය 2024

පර්යේෂණ සඟරා

බාගත කිරීම්

ආශ්‍රිත සබැඳි


සභාවේ කටයුතු

2025 දෙසැම්බර් මස 19 වැනි දින සභාවේ කටයුතු

කථානායක ගරු (වෛද්‍ය) ජගත් වික්‍රමරත්න මහතා මූලසනාරූඪ විය.කථානායකවරයා විසින් කරනු ලබන නිවේදන1 : ශ්‍රේෂ්ඨාධිකරණය වෙත ඉදිරිපත් කරන ලද පෙත්සම්වල පිටපත් ලැබී ඇති බවලිපිලේඛනාදිය පිළිගැන්වීම(i)    1985 අංක 4...

තවදුරටත් කියවන්න  

2025 දෙසැම්බර් මස 18 වැනි දින සභාවේ කටයුතු

කථානායක ගරු (වෛද්‍ය) ජගත් වික්‍රමරත්න මහතා මූලසනාරූඪ විය.පාර්ලිමේන්තුවේ ස්ථාවර නියෝග 16 ප්‍රකාරව, ගරු අග්‍රාමාත්‍යතුමියගේ ඉල්ලීම පරිදි පාර්ලිමේන්තුවේ රැස්වීමක් කැඳවීමේ නිවේදනය පාර්ලිමේන්තුවේ මහ ලේකම්ව...

තවදුරටත් කියවන්න  

2025 දෙසැම්බර් මස 05 වැනි දින සභාවේ කටයුතු

කථානායක ගරු (වෛද්‍ය) ජගත් වික්‍රමරත්න මහතා මූලසනාරූඪ විය.අභිනව මන්ත්‍රීවරයන්ගේ නිල ප්‍රතිඥාව හෝ දිවුරුමගරු නෙයිනා තම්බි මරික්කාර් මොහමඩ් තාහිර් මහතා පාර්ලිමේන්තු මන්ත්‍රීවරයෙකු වශයෙන් ගරු කථානායකතුමා ...

තවදුරටත් කියවන්න  

සියල්ල  

සභාවේ ඉදිරි කටයුතු (පසුගිය)

දෙසැම්බර් 17, 2025

පාර්ලිමේන්තුව 2025 දෙසැම්බර් 18 සහ 19 රැස්වේ

2025 දෙසැම්බර් 17 වන දින රැස්වූ පාර්ලිමේන්තු කටයුතු පිළිබඳ කාරක සභාව විසින්, 2025 දෙසැම්බර් 18 වන බ්‍රහස්පතින්දා සහ 19 වන සිකුරාදා යන විශේෂ රැස්වීම් දිනවලට නියමිත සභාවේ කටයුතු සාකච්ඡා කර පහත සඳහන් පරි...

තවදුරටත් කියවන්න  

දෙසැම්බර් 02, 2025

2025 දෙසැම්බර් මස 3 සහ 5 යන දිනවල සංශෝධිත පාර්ලිමේන්තුවේ කටයුතු

2025 දෙසැම්බර් 1 වන දින රැස්වූ පාර්ලිමේන්තු කටයුතු පිළිබඳ කාරක සභාව, 2025 දෙසැම්බර් 3 සහ 5 යන දිනවල පාර්ලිමේන්තුවේ සභාවේ කටයුතු පහත පරිදි සංශෝධනය කිරීමට තීරණය කළේය:-   2025 දෙසැම්බර් මස 3 වැනි බදා...

තවදුරටත් කියවන්න  

සියල්ල  

දෙසැ

23

පාර්ලිමේන්තු දින දර්ශනය

රැස්වීම් දින

සම්පූර්ණ දින දර්ශනය

පාර්ලිමේන්තුව සජීවීව

ශ්‍රී ලංකා පාර්ලිමේන්තුව
Youtube

Youtube නාලිකාව  

පුවත් හසුන සඳහා ලියාපදිංචි වන්න

පාර්ලිමේන්තු සිදුවීම්, ව්‍යවස්ථාදායක වර්ධනයන් සහ අදාළ පුවත් පිළිබඳව යාවත්කාලීනව සිටීම



Parliament of Sri Lanka




පාර්ලි‌මේන්තුව නරඹන්න

දැනුමට

දැනුමට

පාර්ලිමේන්තුවේ කාන්තා නියෝජනය

ජාත්‍යන්තර සහ කලාපීය පාර්ලි‌මේන්තු සංගම්


පාර්ලිමේන්තු අත්පොත

රාජ්‍ය නායකයින්

අග්‍රාමාත්‍යවරු

කථානායකවරු

නි‌යෝජ්‍ය කථානායක සහ කාරක සභා සභාපතිවරු

නියෝජ්‍ය කාරක සභා සභාපතිවරු

සභානායකවරු

විපක්ෂ නායකවරු

ආණ්ඩු පක්ෂයේ ප්‍රධාන සංවිධායකවරු

විපක්ෂයේ ප්‍රධාන සංවිධායකවරු

පාර්ලි‌මේන්තු කාල පරිච්ඡේද

පාර්ලිමේන්තු සැසිවාර

මැතිවරණ දිනයන්

ජනමත විචාරණ

පාර්ලි‌මේන්තු ක්‍රම‌යේ විකාශය


ශ්‍රී ලංකාවේ මැතිවරණ ක්‍රමය

ඡන්ද බලය

පාර්ලි‌මේන්තු මන්ත්‍රීවරයකු වශයෙන් තේරී පත්වීම සඳහා සුදුසුකම්

නාම ‌යෝජනා සඳහා අවශ්‍යතා

මැතිවරණ පැවැත්වීම

මැතිවරණ ක්‍රමය


පාර්ලිමේන්තුවේ කටයුතු සිදුවන ආකාරය

ස්ථාවර නියෝග

පාර්ලිමේන්තුවේ ව්‍යවස්ථාදායක බලය

පාර්ලිමේන්තුවේ වාරාවසාන කිරීම

පාර්ලිමේන්තුව උත්සවාකාරයෙන් විවෘත කිරීම

රජයේ පනත් ‌කෙටුම්පත්

පෞද්ගලික මන්ත්‍රීන්ගේ පනත් කෙටුම්පත්

ව්‍යවස්ථාදායක ස්ථාවර කාරක සභාව සහ වි‌ශේෂ කාරක සභා වලට අදාළ කටයුතු

විසර්ජන පනත් කෙටුම්පත (අයවැය)

සභාවේ අසුන් පැනවීම

පාර්ලිමේන්තු (බලතල හා වරප්‍රසාද) පනත

ආණ්ඩුක්‍රම ව්‍යවස්ථා සභාව


පාර්ලිමේන්තුවේ කටයුතු

පාර්ලි‌මේන්තු‌වේ කටයුතු පිළිබඳ අනුපිළිවෙළ

පාර්ලිමේන්තුව රැස්වන දින සහ වේලාවන්

පාර්ලි‌මේන්තු විවාදයන් පිළිබද රීති

ඡන්දය ප්‍රකාශ කරන අයුරු

ඡන්දය ප්‍රකාශ කිරී‌මේ පරමාර්ථය

කල් තැබී‌මේ ‌යෝජනා

කල් තැබී‌මේ ‌යෝජනා - රීති හා ක්‍රියා පටිපාටිය

පෞද්ගලික මන්ත්‍රීවරයන්ගේ යෝජනා

සම්බන්ධ වන්න

පාර්ලි‌මේන්තුවේ මන්ත්‍රීවරු

මුල් පිටුව

පාර්ලිමේන්තුවේ කටයුතු

පාර්ලිමේන්තු මහලේකම් කාර්යාලය

පාර්ලිමේන්තුව සජීවීව

පාර්ලිමේන්තු ජංගම යෙදුම

අප හා සම්බන්ධ වී සිටින්න :  

සම්මාන  

© ශ්‍රී ලංකා පාර්ලි‌මේන්තුව.

සියලු හිමිකම් ඇවිරිණි.

නිර්මාණය සහ සංවර්ධනය  TekGeeks