1614/’17
ගරු හේෂාන් විතානගේ මහතා,— අග්රාමාත්යතුමා සහ ජාතික ප්රතිපත්ති හා ආර්ථික කටයුතු අමාත්යතුමාගෙන් ඇසීමට,—
(අ) (i) ශ්රී ලංකා මහවැලි අධිකාරියට අයත් ඉඩම්වල වැලි කැනීම් කටයුතු සඳහා අවසර ලබාදීමේ ක්රමවේදය කවරේද;
(ii) වලව කලාපය තුළ වැලි කැනීම් බලපත්රලාභීන්ගේ නාම ලේඛනයක් ඉදිරිපත් කරන්නේද;
(iii) මෙම කලාපය තුළ අනවසර වැලි කැනීම් විශාල ප්රමාණයක් සිදුවන බව පිළිගන්නේද;
(iv) එම තත්ත්වය වැළැක්වීම සඳහා මේ වනවිට ගෙන ඇති පියවර කවරේද;
යන්න එතුමා මෙම සභාවට දන්වන්නෙහිද?
(ආ) නොඑසේ නම්, ඒ මන්ද?
අසන ලද දිනය
2017-08-23
අසන ලද්දේ
ගරු හේෂා විතානගේ අංකුඹුර ආරච්චි මහතා, පා.ම.
අමාත්යාංශය
අග්රාමාත්යතුමා සහ ජාතික ප්රතිපත්ති හා ආර්ථික කටයුතු අමාත්යතුමා
ව්යවස්ථාදායකය
ශ්රී ලංකා ප්රජාතාන්ත්රික සමාජවාදී ජනරජයේ අටවැනි පාර්ලිමේන්තුව
සභාවාරය
1 වැනි සභාවාරය
(අ) (i) ශ්රී ලංකා මහවැලි අධිකාරි පනතේ 3(1) වගන්තිය යටතේ විශේෂ බල ප්රදේශයක් ලෙස ප්රකාශයට පත් කර ඇති බල ප්රදේශයන්, කැලෑ ආඥා පනත ක්රියාත්මක කිරීමේ දී, කැලෑ නිෂ්පාදන ලබා ගන්නා ඉඩම හා ප්රවේශ මාර්ග ඇතුළු අනෙකුත් භෞතික සම්පත් පරිහරණය වෙනුවෙන් ඉඩම් පරිහරණ ගාස්තු අය කිරීම හා අදාළ ඉඩම්වලින් බදු අය කිරීමේ බලය ශ්රී ලංකා මහවැලි අධිකාරි පනතේ 22 වන වගන්තිය හා 13 වන වගන්තීන්වල බලතල ප්රකාරව ශ්රී ලංකා මහවැලි අධිකාරියට හිමි වන අතර, එම ඛනිජ ද්රව්ය ඉවත් කිරීමට අවසර ලබා දීමේ දී දැනට අනුගමනය කරන ක්රියාමාර්ග පහත පරිදි වේ.
සියලුම ඛනිජ ද්රව්ය ඉවත් කිරීම සඳහා ලැබෙන ඉල්ලීම් අදාළ මහවැලි බලප්රදේශයේ කලාපීය භෞතික සැලසුම් කමිටුව සඳහා යොමු කරනු ලබන අතර, එහිදී මූලිකව අදාළ ඉඩම් කොටස් අයත් ප්රදේශයේ ඒකක කළමනාකාර / ඉඩම් නිලධාරි විසින් යෝජිත ඉඩම් පිළිබඳ මූලික තොරතුරු ඉඩමේ වර්තමාන තත්ත්වය හා යෝජිත ඉඩමට ආසන්නව පිහිටි ඉඩම් කොටස්වල ඉඩම් පරිහරණය පිළිබඳව පරීක්ෂා කර බලා නිර්දේශ ඉදිරිපත් කරනු ලබයි.
· ඉන් අනතුරුව අදාළ මහවැලි බල ප්රදේශයේ කලාපීය කමිටු නිර්දේශ ලබා දීම සඳහා යොමු කරවනු ලබන අතර, කලාපයේ තාක්ෂණ සේවා, මානව හා ආයතනික සංවර්ධන, කෘෂි, ඉඩම්, ඉඩම් පරිහරණ සැලසුම්, ව්යාපාර සංවර්ධන යන අංශවලට අයත් විෂයය පිළිබඳ දැනුවත් නිලධාරින් විසින් අදාළ ඉඩම් කොටස් පෞද්ගලිකව පරීක්ෂා කර බලා ඒ ඒ නිර්ණායකයන් පිළිබඳව අධ්යයනය කොට ඉල්ලීම් කර ඇති ඉඩම් කොටස ලබා දීම පිළිබඳව ඔවුන්ගේ යෝජනා හා නිර්දේශ ලබා දේ.
· එසේම, මහවැලි බල ප්රදේශයේ කලාපීය භෞතික සැලසුම් ශිල්පී විසින් අදාළ බිම් කොටස මූලික සැලසුම්වල වෙන් කර ඇති ඉඩම් පරිහරණය සහ දැනට එහි පවතින යාබද ඉඩම් පරිහරණයට වන අනුකූලතා හා බලපෑම් ආදී තොරතුරු පදනම් කර ගනිමින් අදාළ ඉඩම් කොටස් බැහැර කිරීම පිළිබඳව ශ්රී ලංකා මහවැලි අධිකාරියේ අධ්යක්ෂ (ඉඩම් පරිහරණ සැලසුම්)ගේ නිර්දේශය ලබා දීම ප්රධාන කාර්යාලයේ ඉඩම් පරිහරණ සැලසුම් අංශය මගින් සිදු කරනු ලබයි.
(ii) වලව කලාපය තුළ වැලි කැනීම් බලපත්රලාභීන්ගේ නාම ලේඛනය ඇමුණුම (01) ලෙස අමුණා ඇත.
මම එම ඇමුණුම සභාගත* කරනවා.
(iii) මෙම කලාපය තුළ අනවසර වැලි කැනීම් සිදු වේ.
(iv) වලව කලාපය තුළ සිදුවන අනවසර වැලි කැනීම් පාලනය කිරීම සඳහා අදාළ සියලුම චක්රලේඛ හා උපදෙස් අනුව කටයුතු කළ යුතු බවට ශ්රී ලංකා මහවැලි අධිකාරියේ අධ්යක්ෂ ජනරාල්වරයා විසින් වලව නේවාසික කළමනාකරු වෙත දන්වා ඇති අතර, නිසි අධීක්ෂණ ක්රියාවලියක් ස්ථාපිත කිරීම පිළිබඳව ද උපදෙස් නිකුත් කර ඇත.
(ආ) පැන නොනඟී.
පිළිතුරු දුන් දිනය
2017-08-23
විසින් පිළිතුරු දෙන ලදී
ගරු නීතිඥ අනුරාධ ජයරත්න මහතා, පා.ම.
පාර්ලිමේන්තු අත්පොත
ශ්රී ලංකාවේ මැතිවරණ ක්රමය
පාර්ලිමේන්තුවේ කටයුතු සිදුවන ආකාරය
පාර්ලිමේන්තුවේ කටයුතු
© ශ්රී ලංකා පාර්ලිමේන්තුව.
සියලු හිමිකම් ඇවිරිණි.
නිර්මාණය සහ සංවර්ධනය TekGeeks
