ගරු විදුර වික්රමනායක මහතා,— සමාජ සවිබලගැන්වීම් හා සුභසාධන අමාත්යතුමාගෙන් ඇසීමට,—
(අ) (i) රාජගිරියේ පිහිටි, වික්ටෝරියා නිවාසය වාට්ටු 14කින් සමන්විත වන අතර සුවකළ නොහැකි ආබාධිතයන් 153දෙනෙකු නේවාසිකව සිටින බවත්;
(ii) මෙම නිවාසයේ නේවාසිකයන්ගේ සියලු කටයුතුවලට මෙන්ම ජල, විදුලි, සේවක වැටුප් ඇතුළු පරිපාලන වියදම් සඳහා රජය මඟින් වාර්ෂිකව රුපියල් මිලියන 08ක පමණ මුදලක් ලබාදෙන බවත්;
(iii) එම මුදල එම කටයුතු සඳහා ප්රමාණවත් නොවන බවත්;
(iv) සේවකයන්හට ගෙවනු ලබන වැටුප් ප්රමාණවත් නොවීම නිසා අලුතින් සේවකයන් බඳවා ගැනීමට හැකියාවක් නොමැතිවීමෙන් සේවක මණ්ඩලයද ප්රමාණවත් නොවන බවත්;
(v) සේවක මණ්ඩලය සඳහා ප්රමාණවත් නිල නිවාස පහසුකම් නොමැති වීම සහ ප්රමාණවත් වැටුපක් නොලැබීම හේතුවෙන් මානසිකව පීඩාවට පත් වී සිටින සේවකයන්ගෙන්, ප්රශස්ත මට්ටමේ සේවයක් ලබා ගැනීම ගැටලුවක්ව පවතින බවත්;
එතුමා දන්නෙහිද?
(ආ) (i) වත්මන් සේවකයන්ගෙන් උපරිම සේවයක් ලබා ගැනීම සඳහා ඔවුන්ගේ වැටුප් වැඩි කිරීම සහ පහසුකම් ලබාදීමට පියවර ගන්නේද;
(ii) අලුතින් සේවකයන් බඳවා ගැනීම සඳහා පියවර ගන්නේද;
යන්න එතුමා මෙම සභාවට දන්වන්නෙහිද?
(ඇ) නොඑසේ නම්, ඒ මන්ද?
අසන ලද දිනය
2016-09-06
අසන ලද්දේ
ගරු විදුර වික්රමනායක මහතා, පා.ම.
අමාත්යාංශය
සමාජ සවිබල ගැන්වීම් හා සුභසාධන
ව්යවස්ථාදායකය
ශ්රී ලංකා ප්රජාතාන්ත්රික සමාජවාදී ජනරජයේ අටවැනි පාර්ලිමේන්තුව
සභාවාරය
1 වැනි සභාවාරය
පාර්ලිමේන්තු අත්පොත
ශ්රී ලංකාවේ මැතිවරණ ක්රමය
පාර්ලිමේන්තුවේ කටයුතු සිදුවන ආකාරය
පාර්ලිමේන්තුවේ කටයුතු
© ශ්රී ලංකා පාර්ලිමේන්තුව.
සියලු හිමිකම් ඇවිරිණි.
නිර්මාණය සහ සංවර්ධනය TekGeeks
