317/’15
ගරු ජයන්ත සමරවීර මහතා,— ආරක්ෂක අමාත්යතුමාගෙන් ඇසීමට,—
(අ) (i) 2009.05.19 වනවිට උතුරු හා නැගෙනහිර පළාත්වල පවත්වාගෙන ගිය ත්රිවිධ හමුදා කඳවුරු සංඛ්යාව කොපමණද;
(ii) එකී කඳවුරු අතරින් 2014.12.31 වනවිට පවත්වාගෙන යන ලද කඳවුරු සංඛ්යාව කොපමණද;
(iii) එම කඳවුරුවල නම් යුද, නාවික සහ ගුවන් ලෙස වෙන් වෙන් වශයෙන් කවරේද;
(iv) ඉහත (i)හි සඳහන් කඳවුරු අතරින් අධි ආරක්ෂිත කලාප සහිතව පවත්වාගෙන යන ලද කඳවුරු සංඛ්යාව කොපමණද; එම කඳවුරුවල නම් කවරේද;
(v) එක් එක් කඳවුර විසින් පවත්වාගෙන ගිය අධි ආරක්ෂිත කලාපයන්හි භූමි ප්රමාණය කඳවුර අනුව වෙන් වෙන් වශයෙන් කවරේද;
යන්න එතුමා මෙම සභාවට දන්වන්නෙහිද?
(ආ) (i) 2015.10.30 වනවිට උතුරු නැගෙනහිර දෙපළාතේ පවත්වාගෙන යන ලද ත්රිවිධ හමුදා කඳවුරු සංඛ්යාව කොපමණද;
(ii) එම කඳවුරුවල නම් යුද, නාවික සහ ගුවන් ලෙස වෙන් වෙන් වශයෙන් කවරේද;
(iii) එම කඳවුරු අතරින් අධි ආරක්ෂිත කලාප සහිතව පවත්වාගෙන යනු ලැබූ කඳවුරු සංඛ්යාව කොපමණද; එම කඳවුරුවල නම් කවරේද;
(iv) එම කඳවුරු විසින් පවත්වාගෙන යනු ලැබූ අධි ආරක්ෂිත කලාපවල භූමි ප්රමාණය කඳවුර අනුව වෙන් වෙන් වශයෙන් කවරේද;
යන්නත් එතුමා මෙම සභාවට දන්වන්නෙහිද?
(ඇ) නොඑසේ නම්, ඒ මන්ද?
අසන ලද දිනය
2016-03-08
අසන ලද්දේ
ගරු ජයන්ත සමරවීර මහතා, පා.ම.
අමාත්යාංශය
ආරක්ෂක
ව්යවස්ථාදායකය
ශ්රී ලංකා ප්රජාතාන්ත්රික සමාජවාදී ජනරජයේ අටවැනි පාර්ලිමේන්තුව
සභාවාරය
1 වැනි සභාවාරය
පාර්ලිමේන්තු අත්පොත
ශ්රී ලංකාවේ මැතිවරණ ක්රමය
පාර්ලිමේන්තුවේ කටයුතු සිදුවන ආකාරය
පාර්ලිමේන්තුවේ කටයුතු
© ශ්රී ලංකා පාර්ලිමේන්තුව.
සියලු හිමිකම් ඇවිරිණි.
නිර්මාණය සහ සංවර්ධනය TekGeeks
