193/’15
ගරු ජයන්ත සමරවීර මහතා,— ආරක්ෂක අමාත්යතුමාගෙන් ඇසීමට,—
(අ) (i) ප්රගීත් එක්නැලිගොඩ අතුරුදහන්වීමේ සිද්ධියට අදාළව, හමුදා බුද්ධි අංශයේ සේවයේ නියුතු හා විශ්රාමික නිලධාරීන් 11ක් අත්අඩංගුවට ගෙන ප්රශ්න කරමින් සිටින බවත්;
(ii) මීට අදාළව, හෝමාගම මහේස්ත්රාත් අධිකරණයේ නියෝගයක් මත, ගිරිතලේ හමුදා කඳවුරේ තිබූ රහසිගත ලේඛන, ඡායාරූප හා වාර්තා රහස් පොලීසිය විසින් පරීක්ෂා කිරීම සඳහා එම කඳවුරෙන් බැහැර කර ඇති බවත්;
(iii) මෙම ක්රියාමාර්ග නිසා බුද්ධි අංශය සතු, ජාතික ආරක්ෂාවට අතිශය වැදගත් තොරතුරු හෙළිදරව්වීමේ අනතුරක් තිබෙන බවත්;
(iv) මෙමගින් බුද්ධි අංශ නිලධාරීන් දුර්මුඛවීම හා අධෛර්යයට පත්වීමෙන් බුද්ධි ක්රියාවලි දුර්වලවීම මගින් ජාතික ආරක්ෂාවට නිෂේධනාත්මක බලපෑමක් සිදුවිය හැකි බවත්;
(v) මෙම ක්රියාවලිය නිසා බුද්ධි අංශ නිලධාරීන්ගේ අනන්යතාවයන් හෙළිවීමෙන් 2002 මිලේනියම් සිටි සිද්ධියේදී මෙන් එම නිලධාරීන්ගේ ජීවිත දැඩි අවදානමකට ලක්වන බවත්;
එතුමා දන්නෙහිද?
(ආ) (i) අ(i) හි සඳහන් බුද්ධි අංශ නිලධාරීන් දැනට රඳවා තිබෙන ස්ථානය කවරේද; ඔවුන් භාරව සිටින නිලධාරියා කවුරුන්ද;
(ii) ඉහත ක්රියාවලිය නිසා බුද්ධි අංශ නිලධාරීන්ට එල්ල විය හැකි ජීවිත අවදානම් වළක්වා ඔවුන් ආරක්ෂා කිරීම සඳහා ගෙන ඇති පියවර කවරේද;
යන්න එතුමා මෙම සභාවට දන්වන්නෙහිද?
(ඇ) නොඑසේ නම්, ඒ මන්ද?
අසන ලද දිනය
2015-12-15
අසන ලද්දේ
ගරු ජයන්ත සමරවීර මහතා, පා.ම.
අමාත්යාංශය
ආරක්ෂක
ව්යවස්ථාදායකය
ශ්රී ලංකා ප්රජාතාන්ත්රික සමාජවාදී ජනරජයේ අටවැනි පාර්ලිමේන්තුව
සභාවාරය
1 වැනි සභාවාරය
පාර්ලිමේන්තු අත්පොත
ශ්රී ලංකාවේ මැතිවරණ ක්රමය
පාර්ලිමේන්තුවේ කටයුතු සිදුවන ආකාරය
පාර්ලිමේන්තුවේ කටයුතු
© ශ්රී ලංකා පාර්ලිමේන්තුව.
සියලු හිමිකම් ඇවිරිණි.
නිර්මාණය සහ සංවර්ධනය TekGeeks
