87/’15
ගරු ඩලස් අලහප්පෙරුම මහතා,— ආරක්ෂක අමාත්යතුමාගෙන් ඇසීමට,—
(අ) (i) රක්නා ආරක්ෂණ ලංකා ලිමිටඩ්, ආරක්ෂක අමාත්යාංශයට අනුබද්ධ ආයතනයක් බව පිළිගන්නේද;
(ii) එසේ නම්, එය පිහිටවූ වර්ෂය සහ එකී වර්ෂයේ සිට 2015 දක්වා සමාගමේ ගිණුම් පිළිබඳ විගණකාධිපති වාර්තාව වෙන් වෙන් වශයෙන් ඉදිරිපත් කරන්නේද;
යන්න එතුමා මෙම සභාවට දන්වන්නෙහිද?
(ආ) (i) එම සමාගම විසින් ආරක්ෂක සේවාව ලබා දුන් රාජ්ය හා පෞද්ගලික ආයතන කවරේද;
(ii) එකී ආයතන සමග ආරක්ෂාව සැපයීම සඳහා ගිවිසුම් ගත වූ වර්ෂය, දිනය හා ආයතන වෙන් වෙන් වශයෙන් කවරේද;
යන්න එතුමා සඳහන් කරන්නෙහිද?
(ඇ) (i) 2015 ජනවාරි සිට අද දක්වා කාලය තුළ මෙම සමාගම සේවා සැපයීමෙන් ඉවත් කොට ඇති රාජ්ය ආයතන තිබේද;
(ii) එසේ නම්, ඒ කවරේද;
(iii) එලෙස ඉවත් කිරීමට හේතු කවරේද;
(iv) ඒ වෙනුවට උපයෝගී කරගෙන ඇති ආරක්ෂක සමාගම් කවරේද;
(v) එම ආදේශිත සමාගම්වල අධ්යක්ෂකවරුන්ගේ නම් වෙන් වෙන් වශයෙන් කවරේද;
යන්නත් එතුමා සඳහන් කරන්නෙහිද?
(ඈ) (i) මෙම සමාගම විසින් ආරම්භයේ සිට වාර්ෂිකව උපයා ගෙන ඇති ආදායම සහ ලාභය කොපමණද;
(ii) මහා භාණ්ඩාගාරයට වාර්ෂිකව ලබාදී ඇති මුදල වෙන් වෙන් වශයෙන් කොපමණද;
යන්නත් එතුමා මෙම සභාවට දන්වන්නෙහිද?
(ඉ) නොඑසේ නම්, ඒ මන්ද?
අසන ලද දිනය
2015-11-23
අසන ලද්දේ
ගරු ඩලස් අලහප්පෙරුම මහතා, පා.ම.
අමාත්යාංශය
ආරක්ෂක
ව්යවස්ථාදායකය
ශ්රී ලංකා ප්රජාතාන්ත්රික සමාජවාදී ජනරජයේ අටවැනි පාර්ලිමේන්තුව
සභාවාරය
1 වැනි සභාවාරය
පාර්ලිමේන්තු අත්පොත
ශ්රී ලංකාවේ මැතිවරණ ක්රමය
පාර්ලිමේන්තුවේ කටයුතු සිදුවන ආකාරය
පාර්ලිමේන්තුවේ කටයුතු
© ශ්රී ලංකා පාර්ලිමේන්තුව.
සියලු හිමිකම් ඇවිරිණි.
නිර්මාණය සහ සංවර්ධනය TekGeeks
