17/’15
ගරු සුනිල් හඳුන්නෙත්ති මහතා,— මහානගර හා බස්නාහිර සංවර්ධන අමාත්යතුමාගෙන් ඇසීමට,—
(අ) (i) ඉඩම් ගොඩකිරීමේ හා සංවර්ධනය කිරීමේ සංස්ථාව විසින් 2014.02.17 ආරම්භ කොට 2014.11.06 අවසන් කළ වීරකැටිය ව්යාපෘතිය යනු කුමක්ද;
(ii) එම ව්යාපෘතියට අදාළ එක් එක් අනුකාර්යයන් කවරේද;
(iii) එක් එක් අනුකාර්ය සඳහා දරන ලද වියදම වෙන් වෙන් වශයෙන් කොපමණද;
(iv) ඉඩම් ගොඩකිරීමේ හා සංවර්ධනය කිරීමේ සංස්ථාවේ අරමුණ හා පරමාර්ථයන්ට වීරකැටිය ව්යාපෘතිය අයත්වේද;
යන්න එතුමා සඳහන් කරන්නෙහිද?
(ආ) (i) මේ සඳහා නාවික හමුදාව ශ්රම දායකත්වය ලබා දී තිබේද;
(ii) ඒ වෙනුවෙන් ගෙවීම් කර තිබේ නම්, එම මුදල කොපමණද;
(iii) මේ සම්බන්ධයෙන් එවකට නාගරික සංවර්ධන අමාත්යාංශය මගින් හෝ ඉඩම් ගොඩකිරීමේ හා සංවර්ධනය කිරීමේ සංස්ථාව මගින් ආයතනික විමර්ශනයක් සිදුකර තිබේද;
(iv) එසේ නම්, එහි වර්තමාන තත්ත්වය කවරේද;
යන්න එතුමා මෙම සභාවට දන්වන්නෙහිද?
(ඇ) (i) මෙම ව්යාපෘතිය සම්බන්ධයෙන් මූල්ය අපරාධ විමර්ශන කොට්ඨාශය මගින් විමර්ශනයක් සිදුකරන්නේ නම්, එහි ප්රගතිය කවරේද;
(ii) මෙමගින් අහිමි වූ රුපියල් මිලියන 61කට අධික මුදල අය කර ගන්නේ කෙසේද;
යන්නත් එතුමා මෙම සභාවට දන්වන්නෙහිද?
(ඈ) නොඑසේ නම්, ඒ මන්ද?
අසන ලද දිනය
2015-10-20
අසන ලද්දේ
ගරු සුනිල් හඳුන්නෙත්ති මහතා, පා.ම.
අමාත්යාංශය
----
ව්යවස්ථාදායකය
ශ්රී ලංකා ප්රජාතාන්ත්රික සමාජවාදී ජනරජයේ අටවැනි පාර්ලිමේන්තුව
සභාවාරය
1 වැනි සභාවාරය
පාර්ලිමේන්තු අත්පොත
ශ්රී ලංකාවේ මැතිවරණ ක්රමය
පාර්ලිමේන්තුවේ කටයුතු සිදුවන ආකාරය
පාර්ලිමේන්තුවේ කටයුතු
© ශ්රී ලංකා පාර්ලිමේන්තුව.
සියලු හිමිකම් ඇවිරිණි.
නිර්මාණය සහ සංවර්ධනය TekGeeks
