2950/’12
ගරු අජිත් කුමාර මහතා,— ආර්ථික සංවර්ධන අමාත්යතුමාගෙන් ඇසීමට,—
(අ) (i) ශ්රී ලංකා සමෘද්ධි අධිකාරියේ සමෘද්ධි නිලධාරී සුභසාධක අරමුදල ආරම්භ කළ දිනය කවරේද;
(ii) ආරම්භයේ සිට මේ දක්වා එම අරමුදලට බැරවී ඇති මුළු මුදල කොපමණද;
(iii) 2012 ජුනි 30 දිනට එම අරමුදලින් ගෙවීම් කර ඇති නිලධාරීන් සංඛ්යාව, ඔවුන්ට ගෙවා ඇති මුළු මුදල සහ අරමුදලේ ශේෂය වෙන් වෙන් වශයෙන් කොපමණද;
යන්න එතුමා සඳහන් කරන්නෙහිද?
(ආ) එම අරමුදලෙහි,
(i) මුදල් භාවිතා කළ හැකි කාර්යයන්;
(ii) නීතිමය තත්ත්වය විග්රහ කරන පනත් හා රෙගුලාසි;
(iii) සාමාජිකයෙකුගේ සුභසාධක ඉල්ලීමකට අදාළ ගෙවීම සිදුකිරීමට ගතවන කාලය;
(iv) සමාජිකයෙකුට හිමි ගෙවීම සිදුකිරීමේදී නියමිත කාලය ඉක්ම යන්නේ නම්, ඊට හේතු;
කවරේද යන්න එතුමා මෙම සභාවට දන්වන්නෙහිද?
(ඇ) (i) සමෘද්ධි නිලධාරී සුභසාධක අරමුදල භාවිත කර වෙනත් ආයෝජන සිදුකරනු ලබන්නේද;
(ii) එසේ නම්, ආරම්භයේ සිට මේ දක්වා සිදුකළ ආයෝජනයන්ගෙන් උපයාගෙන ඇති ලාභය කොපමණද;
(iii) එම ලාභ බෙදීයන පාර්ශ්වයන් කවරේද;
(iv) එම එක් එක් පාර්ශ්වයන් වෙත බෙදීයන මුදල වෙන් වෙන් වශයෙන් කොපමණද;
යන්නත් එතුමා සඳහන් කරන්නෙහිද?
(ඈ) නොඑසේ නම්, ඒ මන්ද?
අසන ලද දිනය
2012-11-15
අසන ලද්දේ
ගරු ගරු අජිත් කුමාර මහතා, පා.ම., මහතා, පා.ම.
අමාත්යාංශය
ආර්ථික සංවර්ධන
ව්යවස්ථාදායකය
ශ්රී ලංකා ප්රජාතාන්ත්රික සමාජවාදී ජනරජයේ හත්වැනි පාර්ලිමේන්තුව
සභාවාරය
1 වැනි සභාවාරය
ගරු ලක්ෂ්මන් යාපා අබේවර්ධන මහතා
(மாண்புமிகு லக்ஷ்மன் யாப்பா அபேவர்தன )
(The Hon. Lakshman Yapa Abeywardena )
ගරු නියෝජ්ය කථානායකතුමනි, ආර්ථික සංවර්ධන අමාත්යතුමා වෙනුවෙන් මා එම ප්රශ්නයට පිළිතුරු දෙනවා.
(අ) (i) 1998.03.01 දින මෙම අරමුදල සමෘද්ධි කොමසාරිස් ජනරාල් දෙපාර්තමේන්තුව විසින් ආරම්භ කර ඇත. 2006.04.18 වන දින ශ්රී ලංකා සමෘද්ධි අධිකාරියට පවරා ඇත.
(ii) ආරම්භයේ සිට 2012 ජූනි 30 දින දක්වා එම අරමුදලට බැර වී ඇති මුළු මුදල රුපියල් මිලියන දෙසිය විසිඑකයි දශම හතරයි නවයකි. (රු.මි. 221.49)
(iii) ආරම්භයේ සිට 2012 ජූනි 30 දින දක්වා එම අරමුදලින් ගෙවීම් කර ඇති නිලධාරින් සංඛ්යාව 22,488කි.
ගෙවා ඇති මුළු මුදල රුපියල් මිලියන දෙසිය දහඅටයි දශම නවයයි අටකි. (රු.මි. 218.98)
2012 ජූනි 30 දින අරමුදලේ ශේෂය රුපියල් මිලියන දෙකයි දශම පහයි එකකි. (රු.මි.2.51කි)
(ආ) (i) අරමුදල භාවිත කළ හැකි කාර්යයන්
ස්වාභාවික හේතුවක් නිසා සාමාජිකයා මිය යෑම වෙනුවෙන් - රු. 25,000
හදිසි අනතුරක් නිසා සාමාජිකයා මිය යෑම වෙනුවෙන් - රු. 100,000
සාමාජිකයාගේ පූර්ණ අකර්මන්යතාවක් සඳහා - රු. 100,000
සාමාජිකයාගේ අර්ධ අකර්මන්යතාවක් සඳහා - රු. 50,000
හදිසි අනතුරක් නිසා සාමාජිකයා රෝහලට ගෙන යෑම වෙනුවෙන් ප්රවාහන ගාස්තු - රු. 1,000
සාමාජිකයා රෝහල් ගතවීම වෙනුවෙන් දිනක රු. 200 බැගින් දින 30ක උපරිමයකට යටත්ව වසරක් සඳහා - රු. 6,000
සාමාජිකයාගේ මව/ පියා මිය යෑම වෙනුවෙන් - රු. 25,000
සාමාජිකයාගේ කලත්රයා හෝ අවිවාහක දරුවෙකු මියයෑම වෙනුවෙන් - රු. 25,000
සාමාජිකයාගේ දරුවකුගේ අධ්යාපන කටයුතු සඳහා පළමුවරට ඇතුළත් කිරීමට එක් දරුවකුට - රු. 500
ශල්යකර්ම හා නිර්වින්දන ගාස්තු සඳහා - රු. 1,000
(ii) නීතිමය තත්ත්වය විග්රහ කරන පනත් හා රෙගුලාසි නම්, චක්රලේඛ උපදෙස්.
සමෘද්ධි නිලධාරි සුබසාධක අරමුදල මාර්ගෝපදේශ අංක 98/1- ස.ආ.අ. 8-1
සමෘද්ධි නිලධාරි සුබසාධක අරමුදල මාර්ගෝපදේශ අංක 2000/1- ස.ආ.අ. 8-2
සමෘද්ධි නිලධාරි සුබසාධක අරමුදල මාර්ගෝපදේශ අංක 2000/1 - ස.ආ.අ. 8-3 සමෘද්ධි නිලධාරි සුබසාධක අරමුදල මාර්ගෝපදේශ අංක 2004/1
සමෘද්ධි නිලධාරි සුබසාධක අරමුදල ස.කො.ජ. චක්රලේඛ 2004/02
සමෘද්ධි නිලධාරි සුබසාධක අරමුදල සමෘද්ධි චක්රලේඛ අංක 2006/26
(iii) සමෘද්ධි නිලධාරි සුබසාධක අරමුදලින් ප්රතිලාභ ලබා ගැනීම සඳහා නිවැරදි අයදුම්පත් අවශ්ය ලේඛන සමඟ ඉදිරිපත් කළ පසු චක්රලේඛ උපදෙස් පරිදි ගෙවීම් කරනු ලැබේ.
(iv) එම ගෙවීම් ප්රමාද වනුයේ අඩු පාඩු සහිතව අයදුම්පත් ඉදිරිපත් කරන ලද අවස්ථාවලදී සහ ගෙවීම් කිරීමට අරමුදලේ මුදල් ප්රමාණවත් නොවූ අවස්ථාවලදීය.
ආරම්භයේ සිට මේ දක්වා සාමාජිකයන්ගෙන් අය කරනු ලබන සාමාජික මුදල රු.50කි. නමුත් 2006/26 චක්රලේඛය මඟින් ගෙවන ප්රතිලාභ මුදල වැඩි කිරීමත්, ප්රතිලාභ ඉල්ලුම් කිරීම් වැඩිවීමත්, සුබසාධන අරමුදලට නිලධාරින්ගෙන් අය වන වාරික මුදල් වැඩි නොවීමත් නිසා මෙම අරමුදලේ මුදල් නොමැති වීමෙන් ඉල්ලුම් කරන අයදුම්පත් සඳහා මාසිකව ලැබෙන අයවීම් ප්රමාණය මත ගෙවීම් කිරීමට සිදුව ඇත. සංශෝධිත ප්රතිලාභ පිළිබඳ තොරතුරු පහත දැක්වේ.
|
විස්තරය |
1998 සිට 2006 දක්වා ගෙවීම් කළ ආකාරය (රුපියල්) |
2006 සිට සංශෝධිත ගෙවීම් (රුපියල්) |
|
ස්වාභාවික හේතුවක් නිසා සාමාජිකයා මිය යෑම වෙනුවෙන් |
25,000 |
25,000 |
|
හදිසි අනතුරක් නිසා සාමාජිකයා මිය යෑම වෙනුවෙන් |
75,000 |
100,000 |
|
සාමාජිකයාගේ පූර්ණ අකර්මන්යතාවක් සඳහා |
75,000 |
100,000 |
|
සාමාජිකයාගේ අර්ධ අකර්මන්යතාවක් සඳහා |
- |
50,000 |
|
හදිසි අනතුරක් නිසා සාමාජිකයා රෝහලට ගෙන යෑම වෙනුවෙන් ප්රවාහන ගාස්තු |
- |
1,000 |
|
සාමාජිකයා රෝහල් ගතවීම වෙනුවෙන් දිනක රු. 200 බැගින් දින 30ක උපරිමයකට යටත්ව වසරක් සඳහා |
3,000 |
6,000 |
|
සාමාජිකයාගේ මව/ පියා මිය යෑම වෙනුවෙන් |
5,000 |
25,000 |
|
සාමාජිකයාගේ කලත්රයා හෝ අවිවාහක දරුවකු මිය යෑම වෙනුවෙන් |
5,000 |
5,000 |
|
සාමාජිකයාගේ දරුවකුගේ අධ්යාපන කටයුතු සඳහා පළමුවරට ඇතුළත් කිරීමට එක් දරුවකුට |
- |
500 |
|
ශල්යකර්ම හා නිර්වින්දන ගාස්තු සඳහා |
5,0000 |
10,000 |
(ඇ) (i) සමෘද්ධි නිලධාරි සුභසාධන අරමුදල භාවිතා කර මේ වන විට කිසිදු ආයෝජනයක් සිදු නොකරයි.
(ii) වර්ෂ 1998 සිට 2012 දක්වා මෙම අරමුදලේ මුදල් ආයෝජනය කර උපයාගෙන ඇති ලාභය රුපියල් මිලියන විසිනවයයි දශම හතයිදෙකකි. (රු.මි. 29.72කි)
(iii) එම ලාභ බෙදී යන පාර්ශ්වයන් නම්, මෙහි සාමාජිකත්වය ලබා ඇති සමෘද්ධි අධිකාරියෙන් වැටුප් ලබන සියලු සේවකයන් වේ.
(iv) එසේ ලාභ බෙදීමක් වෙන් වෙන් වශයෙන් සිදු නොකරයි. පොදුවේ ප්රතිලාභ ගෙවීම් සඳහා යොදා ගනු ලැබේ.
දැනට සියලු වෘත්තිය සමිති කැඳවා නව ව්යවස්ථාවක් සකස් කර මෙම සුභසාධන අරමුදල, සාමාජිකයන්ගෙන් සැදුම්ලත් කමිටුවකට පැවරීමට කටයුතු කර ගෙන යනු ලැබේ.
(ඈ) අදාළ නොවේ.
පිළිතුරු දුන් දිනය
2013-01-24
විසින් පිළිතුරු දෙන ලදී
ගරු ලක්ෂ්මන් යාපා අබේවර්ධන මහතා, පා.ම.
පාර්ලිමේන්තු අත්පොත
ශ්රී ලංකාවේ මැතිවරණ ක්රමය
පාර්ලිමේන්තුවේ කටයුතු සිදුවන ආකාරය
පාර්ලිමේන්තුවේ කටයුතු
© ශ්රී ලංකා පාර්ලිමේන්තුව.
සියලු හිමිකම් ඇවිරිණි.
නිර්මාණය සහ සංවර්ධනය TekGeeks
