1344/2025
ගරු ලුතිනන් කොමාණ්ඩර් (විශ්‍රාමික) ප්‍රගීත් මධුරංග මහතා,— ප්‍රවාහන, මහාමාර්ග සහ නාගරික සංවර්ධන අමාත්‍යතුමාගෙන් ඇසීමට,—
(අ) (i) කොළඹ-රඹුක්කන ප්‍රධාන දුම්රිය මාර්ගයේ, එඬේරමුල්ල උප දුම්රිය ස්ථානයේ, දුම්රිය වේදිකාව හා ගොඩනැගිලි අලුත්වැඩියා කිරීමේ ව්‍යාපෘතියක් 2018 වර්ෂයේදී සිදු කර ඇති බව දන්නේද;
(ii) ඒ සඳහා වැය කර ඇති මුළු මුදල කොපමණද;
(iii) එහිදී නිසි ප්‍රසම්පාදන ක්‍රමවේදයක් අනුගමනය කර තිබේද;
(iv) ඊට අදාළ කොන්ත්‍රාත්කරු කවුරුන්ද;
(v) ඒ සඳහා තාක්ෂණික සහාය සහ අධීක්ෂණය කරන ලද ආයතන කවරේද;
(vi) මේ වනවිට අනතුරුදායක තත්ත්වයක පවතින තෙවන වේදිකාව සංවර්ධනය කිරීම සහ අබලන් තත්ත්වයේ පවතින ප්‍රධාන ගොඩනැගිල්ල අලුත්වැඩියා කිරීම ඉහත ව්‍යාපෘතියට ඇතුළත්ව තිබුණේද;
(vii) ඉහත ව්‍යාපෘතියේ අරමුණ සාක්ෂාත්වී තිබේද;
යන්න එතුමා මෙම සභාවට දන්වන්නෙහිද?
(ආ) නොඑසේ නම්, ඒ මන්ද?
අසන ලද දිනය
2025-10-23
අසන ලද්දේ
ගරු ලුතිනන් කොමාණ්ඩර් (විශ්‍රාමික) ප්‍රගීත් මධුරංග මහතා, පා.ම.
අමාත්‍යාංශය
ප්‍රවාහන, මහාමාර්ග සහ නාගරික සංවර්ධන
ව්‍යවස්ථාදායකය
ශ්‍රී ලංකා ප්‍රජාතාන්ත්‍රික සමාජවාදී ජනරජයේ දසවැනි පාර්ලිමේන්තුව
සභාවාරය
1
පිළිතුරු දුන් දිනය
0000-00-00
පාර්ලිමේන්තු අත්පොත
ශ්‍රී ලංකාවේ මැතිවරණ ක්‍රමය
පාර්ලිමේන්තුවේ කටයුතු සිදුවන ආකාරය
පාර්ලිමේන්තුවේ කටයුතු
© ශ්‍රී ලංකා පාර්ලිමේන්තුව.
සියලු හිමිකම් ඇවිරිණි.
නිර්මාණය සහ සංවර්ධනය TekGeeks
