464/2025
ගරු රවී කරුණානායක මහතා,— ධීවර, ජලජ සහ සාගර සම්පත් අමාත්‍යතුමාගෙන් ඇසීමට,—
(අ) (i) 2021 වර්ෂයේ සිට මේ දක්වා ශ්‍රී ලංකාව මාළු ආනයනය කර තිබේද;
(ii) එසේ නම්, 2021 වර්ෂයේ සිට මේ දක්වා එක් එක් වර්ෂයේදී ආනයනය කරන ලද මාළු වර්ගය, ප්‍රමාණය, ඒවායෙහි වටිනාකම සහ ගෙන්වන ලද රට වෙන් වෙන් වශයෙන් කවරේද;
(iii) එසේ ආනයනය කරන ලද්දේ දේශීය පරිභෝජනය සඳහාද, නැතහොත් ප්‍රතිඅපනයනය සඳහාද;
යන්න එතුමා මෙම සභාවට දන්වන්නෙහිද?
(ආ) (i) එසේ ආනයනය කරන ලද්දේ දේශීය පරිභෝජනය සඳහා නම්, උපයන ලද තීරු බදුවල වටිනාකම කොපමණද;
(ii) ආනයනය කරන ලද්දේ ප්‍රතිඅපනයනය කිරීම සඳහා නම්, එකතු කළ අගය සහ උපයන ලද විදේශ විනිමය ප්‍රමාණය කොපමණද;
(iii) ආනයනය කරන ලද කරවල, හාල්මැස්සන් සහ උම්බලකඩ ප්‍රමාණය, වටිනාකම සහ ගෙන්වන ලද රටවල් කවරේද;
(iv) ශ්‍රී ලංකාවේ නිෂ්පාදනය කරන ලද කරවල, හාල්මැස්සන් සහ උම්බලකඩ ප්‍රමාණය කොපමණද;
(v) ශ්‍රී ලංකාවට ආනයනය කරන ලද ටින් මාළු ප්‍රමාණය සහ එහි වටිනාකම කොපමණද;
(vi) ශ්‍රී ලංකාවේ නිෂ්පාදනය කරන ලද ටින් මාළු ප්‍රමාණය කොපමණද;
යන්නත් 2021 වර්ෂයේ සිට මේ දක්වා එක් එක් වර්ෂය අනුව වෙන් වෙන් වශයෙන් මෙම සභාවට දන්වන්නෙහිද?
(ඇ) නොඑසේ නම්, ඒ මන්ද?
අසන ලද දිනය
2025-11-17
අසන ලද්දේ
ගරු රවී කරුණානායක මහතා, පා.ම.
අමාත්‍යාංශය
ධීවර, ජලජ සහ සාගර සම්පත්
ව්‍යවස්ථාදායකය
ශ්‍රී ලංකා ප්‍රජාතාන්ත්‍රික සමාජවාදී ජනරජයේ දසවැනි පාර්ලිමේන්තුව
සභාවාරය
1
පිළිතුරු දුන් දිනය
0000-00-00
පාර්ලිමේන්තු අත්පොත
ශ්‍රී ලංකාවේ මැතිවරණ ක්‍රමය
පාර්ලිමේන්තුවේ කටයුතු සිදුවන ආකාරය
පාර්ලිමේන්තුවේ කටයුතු
© ශ්‍රී ලංකා පාර්ලිමේන්තුව.
සියලු හිමිකම් ඇවිරිණි.
නිර්මාණය සහ සංවර්ධනය TekGeeks
