2026-01-26
පුවත් කාණ්ඩ : පුවත්
2026-01-26
ශ්රී ලංකාවේ පාකිස්තානු මහ කොමසාරිස් ධුරයේ සිය සේවා කාලය අවසන් කළ විශ්රාමික මේජර් ජෙනරාල් ෆහීම් උල් අසීස් මහතා පසුගියදා (ජන. 22) ශ්රී ලංකා පාර්ලිමේන්තුවේ ගරු කථානායක වෛද්ය ජගත් වික්රමරත්න මහතා හමුවිය. මෙම අවස්ථාවට පාර්ලිමේන්තුවේ මහලේකම් කුෂානි රෝහණධීර මහත්මිය ද සහභාගී විය.එහිදී පාකිස්තානු මහ කොමසාරිස්වරයා ශ්රී ලංකාවේ තම ධුර කාලය පුරාවටම තමාට සහ තම දූත පිරිසට ලබා දුන් අඛණ්ඩ සහයෝගය සහ උණුසුම් ආගන්තුක සත්කාරය වෙනුවෙන් ශ්රී ලංකා පාර්ලිමේන්තුවේ කථානායකවරයා වෙත සිය අවංක කෘතඥතාව පළ කළ අතර, සිය සේවා කාලය තුළදී ශ්රී ලංකාව තුළ සිදු කරන ලද ප්රධාන මුලපිරීම් සහ ක්රියාකාරකම් පිළිබඳවද දැනුවත් කළේය.මෙරට ජනතාවගේ අභිවෘද්ධිය සඳහා සහ මෑත කාලීන ආර්ථික අභියෝග ජය ගැනීම සඳහා රජය විසින් ගනු ලැබූ ක්රියාමාර්ග සම්බන්ධයෙන් ශ්රී ලංකා රජයට ප්රශංසා කළ මහ කොමසාරිස්වරයා අනාගතයේදී දෙරට අතර ද්විපාර්ශ්වික සහයෝගීතාව තවදුරටත් ශක්තිමත් කිරීම සඳහා පාකිස්තානයේ කැපවීමද නැවත තහවුරු කළේය.ශ්රී ලංකාව සහ පකිස්තානය අතර දිගුකාලීන මිත්රත්වය සහ සහයෝගීතාවය වැඩි දියුණු කිරීම සඳහා මහ කොමසාරිස්වරයා විසින් දරණ ලද උත්සාහයන් ගරු කථානායකතුමා අගය කළේය. දෙරට අතර කාලාන්තරයක් තිස්සේ ශක්තිමත්ව පවත්නා ද්වී පාර්ශ්වික සබඳතා සිහිපත් කළ ඔහු, විශේෂයෙන් ජාත්යන්තර සංසදවලදී මෙන්ම ශ්රී ලංකාව මුහුණ දුන් 30 වසරක යුධ සමය තුළ අවශ්ය අවස්ථාවන්හිදී පාකිස්තානය විසින් ලබා දෙන ලද සහයෝගයට ශ්රී ලංකාවේ කෘතඥතාව පළ කළේය.තවද, ශිෂ්යත්ව වැඩසටහන්, කෘෂිකාර්මික සහයෝගීතාව සහ පශු සම්පත් කර්මාන්තයට අදාළ තාක්ෂණය බෙදා ගැනීම තුළින් උසස් අධ්යාපන ක්ෂේත්රයේ සහයෝගීතාව තවදුරටත් ශක්තිමත් කිරීම කෙරෙහිද මෙම සාකච්ඡාවේදී අවධානය යොමු විය.
2026-01-23
• පාර්ලිමේන්තුව පෙබරවාරි 3,5 සහ 6 රැස්වෙයිපෙබරවාරි මාසයේ පළමු පාර්ලිමේන්තු සතියට අදාළ පාර්ලිමේන්තු කටයුතු අද (ජන. 23) ගරු කථානායක වෛද්ය ජගත් වික්රමරත්න මහතාගේ ප්රධානත්වයෙන් පැවති පාර්ලිමේන්තු කටයුතු පිළිබඳ කාරක සභා රැස්වීමේදී තීරණය වූ බව පාර්ලිමේන්තුවේ මහලේකම් කුෂානි රෝහණදීර මහත්මිය පැවසුවාය.ඒ අනුව පාර්ලිමේන්තුව පෙබරවාරි 3,5 සහ 6 දිනවල රැස්වීමට නියමිතව ඇත.පාර්ලිමේන්තුව රැස්වන මෙම දින ත්රිත්වයේදීම පෙ.ව. 9.30 - පෙ.ව. 10.00 කාලය ස්ථාවර නියෝග 22හි 1 සිට 6 දක්වා සඳහන් පාර්ලිමේන්තු කටයුතු සඳහා වෙන්කර ඇත. පෙ.ව. 10.00 – 11.00 කාලය වාචික පිළිතුරු අපේක්ෂා කරන ප්රශ්න සඳහා වෙන් කර ඇති අතර පෙ.ව. 11.00 -11.30 කාලය ස්ථාවර නියෝග 27(2) යටතේ ප්රශ්න සඳහා වෙන් කර තිබේ. 2026 පෙබරවාරි 3 වැනි අඟහරුවාදා පෙ. ව 11.30 සිට ප.ව. 5.00 දක්වා ශ්රී ලංකා විදුලි සංදේශ පනත යටතේ අංක 2396/32 දරන අතිවිශේෂ ගැසට් පත්රයේ පළ කරන ලද රෙගුලාසි විවාදයට ගැනීමට නියමිතව ඇත.ඉන්පසු ප.ව. 5.00 සිට ප.ව. 5.30 දක්වා සභාව කල්තබන අවස්ථාවේ යෝජනාව (ආණ්ඩු පක්ෂය) විවාදයට ගැනේ.2026 පෙබරවාරි 5 වැනි බ්රහස්පතින්දා ශ්රී ලංකා තත්ය දේපළ වෘත්තීකයන්ගේ ආයතනය පනත් කෙටුම්පත දෙවැනිවර කියවීමේ විවාදය පැවැත්වීමටත් තීරණය වී ඇත. එසේම පාර්ලිමේන්තුවේ දැනට පළමුවර කියවා ඇති කන්ටේනර් ඩිපෝ මෙහෙයුම්කරුවන්ට බලපත්ර ලබාදීමේ පනත් කෙටුම්පත සහ නැව් නියෝජිතයන්ට, නැව් බඩු ගෙනයන්නන්ට, යාත්රා ක්රියාකරුවන් නොවන පොදු ප්රවාහකයන්ට සහ කන්ටේනර් මෙහෙයුම්කරුවන්ට බලපත්ර ලබාදීමේ (සංශෝධන) පනත් කෙටුම්පත යන පනත් කෙටුම්පත් ආණ්ඩුක්රම ව්යවස්ථාවේ 121 ව්යවස්ථාව ප්රකාරව ශ්රේෂ්ඨාධිකරණයේදී අභියෝගයට ලක් නොවුණහොත් එම පනත් කෙටුම්පත් දෙකට අදාළ දෙවැනිවර කියවීමේ විවාදය පෙ.ව. 11.30 සිට ප.ව. 5.00 දක්වා පැවැත්වීමටත් මෙහිදී තීරණය වී ඇත.අනතුරුව ප.ව. 5.00 සිට ප.ව. 5.30 දක්වා සභාව කල්තබන අවස්ථාවේදී අසනු ලබන ප්රශ්න සඳහා කාලය වෙන්කර තිබේ. 2026 පෙබරවාරි 6 වැනි සිකුරාදා පෙ. ව 11.30 සිට ප.ව. 5.00 දක්වා පෞද්ගලික මන්ත්රී යෝජනා විවාදයට ගැනීමට කාලය වෙන්කිරීමට මෙහිදී තීරණය වී තිබේ. ඒ අනුව පහත සඳහන් පෞද්ගලික මන්ත්රී යෝජනා විවාදයට ගැනීමට නියමිතව ඇත. ගරු පාර්ලිමේන්තු මන්ත්රීවරයාගේ නමපෞද්ගලික මන්ත්රී යෝජනාවේ නමහේෂා විතානගේ මහතාජාතික ක්රීඩා කණ්ඩායමක් නියෝජනය කරනු ලබන හෝ ජාතික මට්ටමේ වාර්තාවකට හිමිකම් කියනු ලබන ක්රීඩක ක්රීඩිකාවන්ට ක්රීඩා ක්ෂේත්රයට අදාළ ඕනෑම උපාධි පාඨමාලාවක් හැදෑරීම සඳහා අවකාශ සලසා දීම.චමින්ද විජේසිරි මහතාශ්රී ලංකා විදේශ සේවයේ පත්වීම් ලබාදීම විධිමත් කිරීම සඳහා වැඩසටහනක් සකස් කිරීම.රවී කරුණානායක මහතාශ්රී ලංකාවේ ක්රීඩා ආයතන දේශපාලනීකරණයෙන් තොර කිරීම.ලාල් ප්රේමනාත් මහතාබිම් මට්ටමේ පවතින සියලුම පළාත් පාලන ආයතන සම්බන්ධයෙන් ඇති ජනතා අප්රසාදය වළක්වා ගැනීමට කටයුතු කිරීම.ගරු රෝහණ බණ්ඩාර මහතාමහාචාර්ය, ආචාර්ය තනතුරු අවභාවිත කිරීම වළක්වා ගැනීමට වැඩ පිළිවෙළක් සකස් කිරීම.නලින් බණ්ඩාර ජයමහ මහතාඛනිජ තෙල්, ඉන්ධන හා ජලය පිළිබඳ කර්මාන්ත ශ්රී ලංකා මහජන උපයෝගීතා කොමිෂන් සභාවේ නියාමනයට යටත් කිරීම.රවීන්ද්ර බණ්ඩාර මහතාෆයිනස් වගාවන් හේතුවෙන් ජල මූලාශ්ර වලට සහ පරිසරයට සිදුවන හානිය වැළැක්වීමට ක්රමවේදයක් සකස් කිරීම.අනතුරුව ප.ව. 5.00 සිට ප.ව. 5.30 දක්වා සභාව කල්තබන අවස්ථාවේ යෝජනාව (විපක්ෂය) විවාදයට ගැනීමටත් මෙහිදී තීරණය වී තිබේ. තවද ආණ්ඩුක්රම ව්යවස්ථා සභාවේ පාර්ලිමේන්තු මන්ත්රීවරයන් නොවන සාමාජිකයන් තිදෙනාගේ ධුර කාලය පසුගියදා අවසන්වී ඇති බැවින් ආණ්ඩුක්රම ව්යවස්ථාවේ 41 අ (4) සහ (5) ව්යවස්ථා අනුව පාර්ලිමේන්තු මන්ත්රීවරයන් නොවන සාමාජිකයන් තිදෙනාගේ නව පත්කිරීමට අදාළ යෝජනා සම්මතය, පාර්ලිමේන්තුවේ අනුමතිය ලබාගැනීම සඳහා සභාවේ විශේෂ අවසරය සහිතව අද දිනයේම (23) පාර්ලිමේන්තුවට ඉදිරිපත් කිරීමට ද මෙහිදී එකඟත්වය පළවී තිබේ.
2026-01-23
ආණ්ඩුක්රම ව්යවස්ථා සභාවට පත්කළ යුතු පාර්ලිමේන්තු මන්ත්රීවරයන් නොවන සාමාජිකයින් තිදෙනාගේ නම් ත්රිත්වය ඇතුළත් යෝජනා සම්මතය සඳහා පාර්ලිමේන්තුවේ අනුමතිය. විශ්වවිද්යාල (සංශෝධන) පනත් කෙටුම්පත සංශෝධන සහිතව ඡන්ද විමසීමකින් තොරව අද (ජන. 23) පාර්ලිමේන්තුවේදී සම්මත වීම සිදු විය. මෙම පනත් කෙටුම්පත, 1978 අංක 16 දරන විශ්වවිද්යාල පනත සංශෝධනය කිරීම සඳහා වන පනත් කෙටුම්පතක් වන අතර මීට අදාළ ගැසට් නිවේදනය නොවැම්බර් 21 වන දින ප්රකාශයට පත් කරන ලද අතර අග්රාමාත්යතුමිය සහ අධ්යාපන, උසස් අධ්යාපන සහ වෘත්තීය අධ්යාපන අමාත්යතුමිය විසින් 2025 දෙසැම්බර් 3 වන දින පළමු කියවීම සඳහා පාර්ලිමේන්තුවට ඉදිරිපත් කරන ලදී.තවද ආණ්ඩුක්රම ව්යවස්ථා සභාවේ පාර්ලිමේන්තු මන්ත්රීවරයන් නොවන සාමාජිකයන් තිදෙනාගේ ධුර කාලය පසුගිය ජනවාරි 19 වැනිදා අවසන්වී ඇති බැවින් ආණ්ඩුක්රම ව්යවස්ථාවේ 41 අ (4) සහ (5) ව්යවස්ථා අනුව පාර්ලිමේන්තු මන්ත්රීවරයන් නොවන සාමාජිකයන් තිදෙනාගේ නව පත්කිරීමට අදාළ නාමයෝජනා ත්රිත්වය ඇතුළත් යෝජනා සම්මතය සඳහා පාර්ලිමේන්තුවේ අනුමතිය ලබා ගැනීමද අද සිදු විය. මේ අනුව 01. ඔස්ටින් ප්රනාන්දු මහතා02. මහාචාර්ය වසන්තා සෙනෙවිරත්න මහත්මිය03. රංජිත් ආරියරත්න මහතායන නාමයෝජනා ත්රිත්වය සඳහා පාර්ලිමේන්තුවේ අනුමතිය හිමි වූ අතර අනුමත කරන ලද නම් ත්රිත්වය ගරු කථානායකවරයා විසින් ජනාධිපතිවරයාට ඉදිරිපත් කිරීම සිදු කරනු ලැබේ.
2026-01-22
දසවැනි පාර්ලිමේන්තුව සඳහා ශ්රී ලංකා - බෙල්ජියම් පාර්ලිමේන්තු මිත්රත්ව සංගමයේ සභාපති ධුරයට ගරු නිවාස, ඉදිකිරීම් සහ ජල සම්පාදන අමාත්ය (වෛද්ය) සුසිල් රණසිංහ මහතා තේරී පත් විය.මෙම සංගමය දසවැනි පාර්ලිමේන්තුව සඳහා පිහිටුවීමේ රැස්වීම 2026.01.21 දින පාර්ලිමේන්තු පරිශ්රයේදී ගරු කථානායක වෛද්ය ජගත් වික්රමරත්න මහතාගේ ප්රධානත්වයෙන් පැවැත්විණි. ශ්රී ලංකාවේ බෙල්ජියම් ගරු කොන්සල්වරයා වන කොන්රාඩ් ප්රින්ගර්ස් (Koenraad Pringiers) මහතා ගෞරවනීය ආරාධිත අමුත්තා ලෙස රැස්වීමට සහභාගී විය. අමාත්යවරුන්, නියෝජ්ය අමාත්යවරුන්, පාර්ලිමේන්තු මන්ත්රීවරුන් සහ පාර්ලිමේන්තු මහලේකම් කුෂානි රෝහණධීර මහත්මිය ද මෙම අවස්ථාවට සහභාගී වූහ.ගරු පාර්ලිමේන්තු මන්ත්රිනි නීතිඥ සාගරිකා අතාවුද මහත්මිය සංගමයේ ලේකම් ධුරයට තේරී පත් වූ අතර, ගරු පාර්ලිමේන්තු මන්ත්රීවරුන් වන පද්මසිරි බණ්ඩාර සහ ජී.ජී. පොන්නම්බලම් යන මහත්වරු සංගමයේ සම භාණ්ඩාගාරික ධුරයට තේරී පත් වූහ.මෙම හමුව අතරතුර, දෙපාර්ශ්වයම ශ්රී ලංකාව සහ බෙල්ජියම අතර අන්යෝන්ය අවබෝධය සහ සහයෝගීතාවය මත පදනම් වූ දිගුකාලීන හා මිත්රශීලී සබඳතා සිහිපත් කළහ. පාර්ලිමේන්තු කටයුතු සහ ද්විපාර්ශ්වික සහයෝගීතාව ශක්තිමත් කිරීම අවධාරණය කරමින්, දෙපාර්ශ්වයම උනන්දුවක් දක්වන බහුවිධ ක්ෂේත්රවල සහයෝගීතාව වැඩි දියුණු කිරීමේ පියවර සම්බන්ධයෙන් ද සාකච්ඡාවලදී අවධානය යොමු විය.එසේම මෙම රැස්වීමට පෙර, බෙල්ජියමේ ගරු කොන්සල්වරයා ගරු කථානායක වෛද්ය ජගත් වික්රමරත්න මහතා හමුවූ අතර, එහිදී ද ශ්රී ලංකාව සහ බෙල්ජියම අතර සබඳතා තවදුරටත් ශක්තිමත් කිරීම පිළිබඳව සාකච්ඡා පැවැත්විණි.
පාර්ලිමේන්තු අත්පොත
ශ්රී ලංකාවේ මැතිවරණ ක්රමය
පාර්ලිමේන්තුවේ කටයුතු සිදුවන ආකාරය
පාර්ලිමේන්තුවේ කටයුතු
© ශ්රී ලංකා පාර්ලිමේන්තුව.
සියලු හිමිකම් ඇවිරිණි.
නිර්මාණය සහ සංවර්ධනය TekGeeks
