2024-04-04
වර්තමානය වනවිට ක්රියාත්මක රාජ්ය ව්යවසාය ප්රතිව්යුහගත කිරීමේ වැඩසටහන සහ ප්රතිව්යුහගත කිරීමේ ක්රියාවලියේ ප්රගතිය පිළිබඳව සලකා බැලීම ආර්ථික අර්බුදයේ බලපෑම සමනය කිරීම පිළිබඳ ආංශික අධීක්ෂණ කාරක සභාවේදී සිදු විය. ඒ එම කාරක සභාව එහි සභාපති ගරු පාර්ලිමේන්තු මන්ත්රී ගාමිණී වලේබොඩ මහතාගේ සභාපතිත්වයෙන් පසුගියදා (අප්රේල් 01) පාර්ලිමේන්තුවේදී රැස්වූ අවස්ථාවේදීය. මෙදින කාරක සභාව හමුවට රජය සතු ව්යවසායන් ප්රතිව්යුහ ගතකිරීම සඳහා පත්කළ ඒකකයේ නිලධාරීහු ඇතුළු රාජ්ය නිලධාරීහු පිරිසක් කැඳවා තිබුණි.
රාජ්ය ව්යවසාය ප්රතිව්යුහගත කිරීමේ වැඩසටහන ක්රියාත්මක කිරීම සඳහා අමාත්ය මණ්ඩලය මගින් මෙම ඒකකය පත්කර ඇති බව එම නිලධාරීහු කරක සභාවට දන්වමින් ඔවුන්ගේ කාර්ය භාරය පිළිබඳව කාරක සභාව දැනුවත් කළහ. ඒ අනුව වර්තමානය වනවිට ආයතන 07ක් ප්රතිව්යුහගත කිරීමේ වැඩසටහන සඳහා අවශ්ය ක්රියාමාර්ග ගනිමින් සිටින බව රජය සතු ව්යවසායන් ප්රතිව්යුහ ගතකිරීම සඳහා පත්කළ ඒකකයේ නිලධාරීහු කාරක සභාවට දැන්වුහ. Srilankan Airlines Ltd., Sri lanka Telecom PLC, Sri lanka Insurance Corporation Ltd , Hotel Developers Ltd, Canwill Holdings (Pvt) Ltd, Litro Gas and Litro Gas Terminals Ltd, Lanka Hospitals Corporation PLC යන ආයතනයි එලෙස ප්රතිව්යුහගත කිරීමේ වැඩසටහනට එක්කොට ඇත්තේ.ප්රතිව්යුහ ගතකිරීම යටතේ කමිටුවට පැවරී ඇති වගකීම පිළිබඳව අදහස් දක්වමින් එම නිලධාරීහු මෙම ආයතනවල අයිතිය රජයෙන් ස්වාධීන කිරීම හා ඉන්පසු ලංසු කැදවා පෞද්ගලික අංශයේ දේශීය හා විදේශීය ආයෝජකයන්ට ලබාදීම බව නිශ්චිතව ප්රකාශ කළහ. එමෙන්ම මේ වන විටත් ආයතන කීපයකට අදාළව (EOI) Expression of Interest කැදවා ඇති බවද ඔවුහු ප්රකාශ කළහ.
මෙහිදී කාරක සභා සාමාජික මන්ත්රීවරයන් විසින් මෙලෙස රජය සතු ව්යවසායන් ප්රතිව්යුහ ගතකිරීම ඔස්සේ මෙරට සමාජ , ආර්ථික හා ජාතික ආරක්ෂාව යන අංශයන්ට එල්ලවිය හැකි බලපෑම සම්බන්ධයෙන් එම ඒකකයේ නිලධාරීන්ගෙන් කරුණු විමසන ලදී. ඒ අනුව කාරක සභා සභාපතිවරයා විසින් මෙලෙස ප්රතිව්යුහ ගතකිරීම සඳහා නම් කර ඇති ආයතනවල පසුගිය වසර 10 තුළ සිදු කෙරුණු ව්යාපාර කටයුතු වල සම්පුර්ණ දත්ත වාර්තාවක් කාරක සභාවට ලබා දෙන ලෙස රජය සතු ව්යවසායන් ප්රතිව්යුහ ගතකිරීම සඳහා පත්කළ ඒකකයේ නිලධාරීන්ට උපදෙස් ලබාදෙන ලදී. එමෙන්ම මෙරට ආර්ථික අර්බුදය සමනය කිරීමට රාජ්ය ආයතන ප්රතිව්යුහ ගතකිරීමේ ක්රියාවලිය ඔස්සේ ලැබෙන දායකත්වය පිළිබඳවද වාර්තාවක් සකස් කර යොමු කරන ලෙසට කාරක සභාව විසින් උපදෙස් ලබාදෙන ලදී.
එමෙන්ම මෙම රාජ්ය ආයතන ප්රතිව්යුහ ගත කිරීමේ ක්රියාවලිය ඔස්සේ ජාතික ආරක්ෂාව හා සම්බන්ධව පවතින කරුණු ජාතික ආරක්ෂාව පිළිබඳ ආංශික අධීක්ෂණ කාරක සභාවේදී වැඩි දුරටත් සාකච්ජා කිරීමට යොමු කරන බව කාරක සභා සභාපතිවරයා පැවසුවේය. වැඩිදුරටත් අදහස් දක්වමින් කාරක සභා සභාපතිවරයා විසින් මෙම කරුණු මෙලෙස දීර්ඝ ලෙස කාරක සභා තුළ සාකච්ජා කිරීම ඔස්සේ වඩාත් විනිවිධ භාවයකින් මෙන්ම කාර්යක්ෂමව සියලුම වැඩ කටයුතු සිදු කිරීමේ හැකියව පවතින බව පෙන්වා දෙන ලදී. ඒ සඳහා උදාහරණයක් ගෙන හැර දක්වමින් කාරක සභා සභාපතිවරයා ශ්රී ලංකා මහ බැංකුවේ ණය තොරතුරු කාර්යංශයට (CRIB) ලබා දුන් නිර්දේශයක් අනුව මහජනතාවට තමන් CRIB වල සිටිනවාද නැද්ද යන්න පිළිබඳව පහසුවෙන් දැනගැනීම සඳහා දුරකථන යෙදවුමක් නිර්මාණය කර ඇති බව පෙන්වා දුන්නේය.එම කටයුතු නුදුරු දිනකදීම ක්රියාත්මක කිරීමට අවශ්ය වැඩපිළිවෙල ක්රියාත්මක කරමින් සිටින බව කාරක සභා සභාපතිවරයා වැඩි දුරටත් කරුණු දක්වමින් පෙන්වා දුන්නේය.
මේ අවස්ථාව සඳහා කාරක සභා සාමාජික පාර්ලිමේන්තු මන්ත්රීවරයන් වන ගරු (ආචාර්ය) සරත් වීරසේකර, ගරු (වෛද්ය) ගයෂාන් නවනන්ද, ගරු ඩබ්ලිව්.එච්.එම්. ධර්මසේන, ගරු සහන් ප්රදීප් විතාන ඇතුළුව පාර්ලිමේන්තු මන්ත්රී පුජ්ය අතුරලියේ රතන හිමි, ගරු (ආචාර්ය) හර්ෂ ද සිල්වා, ගරු කබීර් හෂීම් , ගරු එරාන් වික්රමරත්න, ගරු සිවඥානම් ශ්රීතරන්, ගරු අසංක නවරත්න, ගරු ජගත් ප්රියංකර යන මහත්වරුන් ද ඇතුළු රාජ්ය නිලධාරීහු පිරිසක් සහභාගී වී සිටියහ.
2026-09-25
නව තානාපතිවරයෙක්, මහ කොමසාරිස්වරයෙක් සහ ආයතන සභපතිවරයෙක් පත් කිරීම සඳහා පාර්ලිමේන්තුවේ උසස් නිලතල පිළිබඳ කාරක සභාවේ අනුමැතිය පසුගියදා හිමි විය. උසස් නිලතල පිළිබඳ කාරක සභාව ගරු අග්රමාත්ය ආචාර්ය හරිනි අමරසූරියගේ සභාපතීත්වයෙන් රැස් වූ අවස්ථාවේ උක්ත පත්වීම් සඳහා අනුමැතිය ලබා දෙන ලදී. ඒ අනුව, පිලිපීනයේ නව ශ්රී ලංකා තානාපතිනිය ලෙස අන්සුල් බානු ජාන් මහත්මියගේ පත්වීමට සහ කැනඩාවේ නව ශ්රී ලංකා මහ කොමසාරිස්වරයා ලෙස චන්දන රෝහණ කුමාර අඹගොල්ල මහතාගේ පත්වීමට උසස් නිලතල පිළිබඳ කාරක සභාවේ අනුමැතිය හිමි විය.එමෙන්ම, ශ්රී ලංකා ඉන්ෂුවරන්ස් කෝපරේෂන් ලිමිටඩ්හි නව සභාපතිවරයා ලෙස නුසිත් කුමාරතුංග මහතාගේ පත් කිරීමටද උසස් නිලතල පිළිබඳ කාරක සභාව විසින් අනුමැතිය ලබා දෙන ලදී.
2026-09-24
ළමයින් සම්බන්ධ පුවත් වාර්තා කිරීමේදී ඔවුන්ගේ ගෞරවය, පෞද්ගලිකත්වය සහ රහස්යභාවය ආරක්ෂා කිරීම සඳහා ජාතික මාධ්ය මාර්ගෝපදේශ සංග්රහයක් සකස් කර ඇති බව කාන්තා සහ ළමා කටයුතු පිළිබඳ අමාත්යාංශයීය උපදේශක කාරක සභාවේදී අවධාරණය කෙරිණි. කාන්තා සහ ළමා කටයුතු අමාත්ය ගරු සරෝජා සාවිත්රි පෝල්රාජ් මහත්මියගේ සභාපතිත්වයෙන් පසුගියදා (සැප්. 22) පාර්ලිමේන්තුවේදී රැස් වූ කාරක සභාවේදී මේ පිළිබඳව සාකච්ඡා විය.මුද්රිත, විද්යුත් සහ සමාජ මාධ්ය ඔස්සේ ළමයින් සම්බන්ධ පුවත් වාර්තා කිරීමේදී ඔවුන්ගේ උපරිම යහපත සැලසීම, සත්යතාව සහ සාධාරණත්වය ආරක්ෂා කිරීම මෙන්ම ළමයින් හා ඔවුන්ගේ පවුල් අනවශ්ය ලෙස නිරාවරණය වීම වැළැක්වීම මෙම මාර්ගෝපදේශ සංග්රහයේ ප්රධාන අරමුණු ලෙස හඳුනාගෙන තිබේ.එමෙන්ම, ආබාධිත දරුවන් සම්බන්ධයෙන් මාධ්ය වාර්තාකරණයේදී ඔවුන්ගේ ගෞරවය සහ අයිතිවාසිකම් ආරක්ෂා වන පරිදි කටයුතු කිරීමේ අවශ්යතාව ද මෙහිදී අවධාරණය විය.මේ අතර, දෙමළ භාෂාව කතා කරන ප්රදේශවල කාන්තා සහ ළමා ඒකක ශක්තිමත් කිරීම සඳහා දෙමළ භාෂාව හැසිරවිය හැකි කාන්තා පොලිස් නිලධාරිනියන් බඳවා ගැනීම සහ පුහුණු කිරීම පිළිබඳව ද සාකච්ඡා කෙරිණි. යාපනය ඇතුළු ප්රදේශවල කාන්තාවන්ට සහ ළමයින්ට තම පැමිණිලි ඉදිරිපත් කිරීමේදී පවතින භාෂාමය අපහසුතා මගහරවා ගැනීම මෙහි අරමුණ විය.දිවයින පුරා පවතින ළමා නිවාස පාලනය සහ අධීක්ෂණය විධිමත් කිරීම සඳහා මධ්යගත තොරතුරු පද්ධතියක් හඳුන්වා දීමේ අවශ්යතාව ද කාරක සභාවේදී අවධානයට ලක් විය. දරුවන්ට සිදු වන හිංසන වැළැක්වීම සඳහා එම ආයතනවල කළමනාකාරීත්වයේ වගකීම තහවුරු කිරීමේ අවශ්යතාවද මෙහිදී කාරක සභාව විසින් පෙන්වා දෙන ලදී.තවද, වයස අවුරුදු පහට අඩු දරුවන් සිටින මව්වරුන් විදේශ රැකියා සඳහා පිටත් වීම සම්බන්ධයෙන් පවතින කරුණු පිළිබඳව ද සාකච්ඡා වූ අතර, ඒ සම්බන්ධයෙන් තාක්ෂණික කමිටුවක් මගින් අවසන් තීරණයක් ගැනීමට නියමිත බව සඳහන් විය. විදේශ රැකියාවල නිරත කාන්තාවන්ගේ දරුවන් සඳහා අධ්යාපනික වියදම් ප්රතිපූරණය කිරීමේ වැඩසටහනක් ක්රියාත්මක කිරීම පිළිබඳව ද අවධානය යොමු විය.එමෙන්ම, 2027 වසර වන විට සියලු පෙර පාසල් සඳහා පොදු ප්රමිතීන් හඳුන්වා දීම, පෙර පාසල් ගුරුවරුන් සඳහා පොදු පුහුණු හා සහතික ක්රමවේදයක් ඇති කිරීම සහ පෙර පාසල්වල පවතින යටිතල පහසුකම්වල ගැටලු විසඳීම පිළිබඳව ද සාකච්ඡා කෙරිණි.ළමා අපයෝජන නඩු විභාග කිරීමේදී පවතින ප්රමාදයන් අවම කිරීම සඳහා අධිකරණ වෛද්ය වාර්තා සහ රජයේ රස පරීක්ෂක වාර්තා ලබා දීම කඩිනම් කිරීම, නීතිපති දෙපාර්තමේන්තුවේ කාර්ය මණ්ඩල හිඟයට විසඳුම් ලබා දීම සහ ළමා අපයෝජන නඩු කඩිනමින් විභාග කිරීම සඳහා විශේෂ ක්රමවේදයක් සකස් කිරීම පිළිබඳවද කාරක සභාවේ අවධානය යොමු විය.ළමයින්ට සිදු කරන ශාරීරික දණ්ඩනය නීතියෙන් තහනම් කිරීම සඳහා අවශ්ය නීතිමය සංශෝධන පිළිබඳවද මෙහිදී සාකච්ඡා කෙරිණි.කාන්තා සහ ළමා කටයුතු ගරු නියෝජ්ය අමාත්ය වෛද්ය නාමල් සුදර්ශන මහතා ඇතුළු නියෝජ්ය අමාත්යවරුන්, ගරු පාර්ලිමේන්තු මන්ත්රීවරයන් සහ කාන්තා සහ ළමා කටයුතු අමාත්යාංශයේ නිලධාරීන් ඇතුළු පිරිසක් සහභාගි විය.
2026-09-23
සැප්තැම්බර් 24 සහ 25 දෙදින පාර්ලිමේන්තුවේදී විවාදයට ගැනීමට නියමිත “විසි දෙවන ආණ්ඩුක්රම ව්යවස්ථා සංශෝධනය” සහ “අධිකරණ සංවිධාන (සංශෝධන)” පනත් කෙටුම්පත්, රාජ්ය පාලනය, යුක්තිය සහ සිවිල් ආරක්ෂණය පිළිබඳ ආංශික අධීක්ෂණ කාරක සභාවේදී සලකා බැලීමෙන් අනතුරුව අනුමැතිය ලබා දීම සිදු විය. ගරු පාර්ලිමේන්තු මන්ත්රී වෛද්ය නජිත් ඉන්දික මහතාගේ සභාපතිත්වයෙන් පාර්ලිමේන්තුවේදී ඊයේ (සැප්. 22) එම කාරක සභාව රැස් වූ අවස්ථාවේදී මේ පිළිබඳව සලකා බැලිණි. නීතිපති, ජනාධිපති නීතිඥ පාරින්ද රණසිංහ මහතා ඇතුළු නීතිපති දෙපාර්තමේන්තුවේ නිලධාරීන් සහ අධිකරණ හා ජාතික ඒකාබද්ධතා අමාත්යාංශයේ නිලධාරින් හා නීති කෙටුම්පත් සම්පාදක දෙපාර්තමේන්තුවේ නිලධාරීන් පිරිසක් මෙම කාරක සභාවට සහභාගී වූහ. ගරු කථානායක වෛද්ය ජගත් වික්රමරත්න මහතා විසින් 2026.09.22 දින පාර්ලිමේන්තුවට නිවේදනය කළ පනත් කෙටුම්පත් ද්විත්වයට අදාළ ශ්රේෂ්ඨාධිකරණයේ තීරණය පිළිබඳව ද නිතිපතිවරයා කාරක සභාවට පැහැදිළි කිරීමක් සිදු කළේය. එසේම පනත් කෙටුම්පත් ද්විත්වයට අදාළ කරුණු සම්බන්ධයෙන් කාරක සභා මන්ත්රීවරු සිය අදහස් පළ කළහ. යෝජිත සංශෝධන මගින් අධිකරණ ධාරිතාව පුළුල් කිරීම, අභියාචනා යුක්තිය සඳහා ප්රාදේශීය මට්ටමින් ප්රවේශය ප්රවර්ධනය කිරීම, විභාග වෙමින් පවතින නඩු වේගවත්ව අවසන් කිරීම, විනිසුරුවරුන්ගේ අත්දැකීම් රඳවා ගැනීම සහ විනිසුරුවරුන් පත් කිරීමේ ආයතනික ක්රියාවලිය වැඩි දියුණු කිරීම අරමුණු කරගෙන තිබේ.ඒ අනුව, අභියාචනාධිකරණයේ විනිසුරුවරුන් සංඛ්යාව 19 සිට 24 දක්වා ඉහළ නැංවීම සඳහා ආණ්ඩුක්රම ව්යවස්ථාවේ 137 වන වගන්තිය සංශෝධනය කිරීමට යෝජනා කර ඇත. ප්රාදේශීය අභියාචනාධිකරණ පිහිටුවා ක්රියාත්මක කිරීම මඟින් විභාග කිරීමට පවතින නඩු කඩිනමින් අවසන් කිරීමටත්, නඩුවල පාර්ශවකරුවන්ට කොළඹට පැමිණීමට ඇති අවශ්යතාව අඩු කිරීමටත් මෙමගින් අපේක්ෂා කෙරේ.තවද, පළාත්බද මහාධිකරණ මට්ටමේ අධිකරණ ධාරිතාව වැඩි කිරීම කෙරෙහි අවධානය යොමු කර ඇත. පළාත්බද මහාධිකරණ විසින් බරපතළ අපරාධ සම්බන්ධයෙන් මුල් අධිකරණ බලය ක්රියාත්මක කරනු ලබන අතර, 2006 වසරේ සිදු කරන ලද සංශෝධනවලින් අනතුරුව පළාත්බද සිවිල් මහාධිකරණ මඟින් අභියාචනා අධිකරණ බලය ද ක්රියාත්මක කරනු ලැබේ. මෙහි ප්රතිඵලයක් ලෙස නඩු ගොඩ ගැසීම සහ ඒවා අවසන් කිරීමේදී සිදු වන ප්රමාදයන් හේතුවෙන් අතිරේක අධිකරණ සහ විනිසුරුවරුන්ගේ අවශ්යතාවය මතු වී ඇත. ඒ අනුව; අතිරේක පළාත්බද මහාධිකරණ සහ පළාත්බද සිවිල් අභියාචනා මහාධිකරණ පිහිටුවීමට හැකි වන පරිදි උපරිම මහාධිකරණ විනිසුරුවරුන් සංඛ්යාව 110 සිට 120 දක්වා වැඩි කිරීම සඳහා අධිකරණ සංවිධාන පනතේ 4 වන වගන්තිය සංශෝධනය කිරීමට යෝජනා කර ඇත.ව්යවස්ථාපිත විශ්රාම ගැන්වීමේ වයස් සීමාවන් සංශෝධනය කිරීම මඟින් පළපුරුදු අධිකරණ නිලධාරින්ගේ සේවය අඛණ්ඩව ලබා ගැනීම සහතික කිරීම ද මෙම සංශෝධන මගින් අපේක්ෂා කර ඇත. ශ්රේෂ්ඨාධිකරණ විනිසුරුවරුන්ගේ විශ්රාමයාමේ වයස අවුරුදු 65 සිට 67 දක්වාත්, අභියාචනාධිකරණ විනිසුරුවරුන්ගේ විශ්රාම යාමේ වයස අවුරුදු 63 සිට 65 දක්වාත්, මහාධිකරණ විනිසුරුවරුන්ගේ විශ්රාම යාමේ වයස අවුරුදු 61 සිට 63 දක්වාත්, දිසා විනිසුරුවරුන්ගේ සහ මහේස්ත්රාත්වරුන්ගේ විශ්රාම යාමේ වයස අවුරුදු 60 සිට 62 දක්වාත් ඉහළ නැංවීමට යෝජනා කර තිබේ.කාරක සභා සාමාජික ගරු පාර්ලිමේන්තු මන්ත්රීවරුන් වන අජිත් පී. පෙරේරා, එම්.කේ.එම්. අස්ලම්, නීතිඥ තුෂාරි ජයසිංහ, (වෛද්ය) සෙල්ලතම්බි තිලකනාදන්, ධර්මප්රිය විජේසිංහ, විශ්රාමික මේජර් ජනරාල් ජී.ඩී. සූරියබණ්ඩාර සහ චන්දන සූරියආරච්චි යන මහත්ම මහත්මීහු ද මීට අමතරව කාරක සභික නොවන මන්ත්රීවරුන් වන නියෝජ්ය කාරක සභා සභාපතිනි හේමාලි වීරසේකර, නීතීඥ යූ.පී. අබේවික්රම හා ගයාන් ජනක යන මහත්ම මහත්මීහු ද මෙම කාරක සභා රැස්වීමට සහභාගී වූහ.
2026-09-23
ආබාධ සහිත පුද්ගලයන්ට රියදුරු බලපත්ර ලබා ගැනීමේ ක්රියාවලිය වඩාත් පහසු හා විධිමත් කිරීම සඳහා ගත යුතු ඉදිරි ක්රියාමාර්ග පිළිබඳව විශේෂ අවධානය යොමු කරමින්, ප්රවාහන, මහාමාර්ග සහ නාගරික සංවර්ධන කටයුතු පිළිබඳ අමාත්යාංශයීය උපදේශක කාරක සභාව මගින් පත් කරන ලද, රියදුරු බලපත්ර ලබා ගැනීමේදී ආබාධ සහිත තැනැත්තන් මුහුණ පාන ගැටලු සම්බන්ධයෙන් පියවර ගැනීම සඳහා පිහිටුවන ලද විශේෂ කමිටුව පාර්ලිමේන්තුවේදී පසුගියදා පළමු වරට රැස්විය.ගරු පාර්ලිමේන්තු මන්ත්රීවරුන් වන සුගත් වසන්ත ද සිල්වා, දිනේෂ් හේමන්ත සහ එම්.ඒ.සී.එස්. චතුරි ගංගානි යන මහත්ම මහත්මීන්ගේ සහභාගීත්වයෙන් පැවති මෙම රැස්වීමේදී, ආබාධ සහිත පුද්ගලයන්ට රියදුරු බලපත්ර ලබා ගැනීමේදී මෙන්ම ඔවුන්ගේ ආබාධිත තත්ත්වයට ගැළපෙන පරිදි වාහන සකස් කර භාවිත කිරීමේදී මුහුණ පාන ප්රායෝගික හා නෛතික ගැටලු පිළිබඳව දීර්ඝ ලෙස සාකච්ඡා කෙරිණි.මෙහිදී ජාතික ප්රවාහන වෛද්ය ආයතනය (NTMI) මගින් සිදු කරන වෛද්ය පරීක්ෂණ, ආබාධිත තත්ත්වය අනුව ලබා දෙන වෛද්ය නිර්දේශ සහ ඒ අනුව රියදුරු බලපත්ර නිකුත් කිරීමේ ක්රමවේදය පිළිබඳව අවධානය යොමු විය. විශේෂයෙන්, වෛද්ය පරීක්ෂණ දිස්ත්රික් මට්ටමින් ලබා දීම, දෘශ්යාබාධ සහිත පුද්ගලයන් සඳහා පෙනීමේ පරාසය ඇතුළු වෛද්ය නිර්ණායක සලකා බලමින් රියදුරු බලපත්ර ලබා දෙන වාහන වර්ග පුළුල් කිරීම,වාහනවලට ගැළපෙන ආරක්ෂිත උපකරණ සවි කිරීම සහ ඉදිරි ගැසට් සංශෝධන පිළිබඳව ද සාකච්ඡා කෙරිණි..ශ්රවණාබාධ සහිත පුද්ගලයන්ට රියදුරු බලපත්ර ලබා දීමේදී පවතින නීතිමය තත්ත්වය, විශේෂ සලකුණු භාවිතය සහ සංඥා භාෂා පරිවර්තකයන්ගේ සහාය පිළිබඳව ද සාකච්ඡා කෙරිණි. එමෙන්ම, ආබාධිත තත්ත්වයට ගැළපෙන පරිදි වාහන නවීකරණය කිරීමේ ක්රමවේද පිළිබඳව ද අවධානය යොමු විය.එක් පුද්ගලයෙකුට වාහන කිහිපයක් සඳහා බලපත්ර ලබා දීම, වෛද්ය පරීක්ෂණ ක්රමවේදය සරල කිරීම සහ ජාතික ප්රවාහන වෛද්ය ආයතනය හා මෝටර් රථ ප්රවාහන දෙපාර්තමේන්තුව අතර මාර්ගගත පද්ධතිය වැඩිදියුණු කිරීම සම්බන්ධයෙන් ද යෝජනා ඉදිරිපත් විය.ආබාධ සහිත පුද්ගලයන්ට රියදුරු බලපත්ර ලබා ගැනීමේ ක්රියාවලිය වඩාත් පහසු හා විධිමත් කිරීම සඳහා අවශ්ය ගැසට් සංශෝධන, ප්රාදේශීය මට්ටමින් සේවා පුළුල් කිරීම සහ අදාළ ආයතන දැනුවත් කිරීමේ අවශ්යතාව ද මෙහිදී අවධාරණය කෙරිණි. මාර්ග ආරක්ෂාව තහවුරු කරමින් ආබාධ සහිත පුද්ගලයන්ගේ ප්රවාහන අයිතිවාසිකම් තහවුරු කිරීම සඳහා ඉදිරි පියවර ගැනීමේ වැදගත්කම ද අවධාරණය විය.මෙම රැස්වීමට ප්රවාහන, මහාමාර්ග සහ නාගරික සංවර්ධන අමාත්යාංශයේ නිලධාරීහු ඇතුළු පිරිසක් සහභාගී වූහ.
පාර්ලිමේන්තු අත්පොත
ශ්රී ලංකාවේ මැතිවරණ ක්රමය
පාර්ලිමේන්තුවේ කටයුතු සිදුවන ආකාරය
පාර්ලිමේන්තුවේ කටයුතු
© ශ්රී ලංකා පාර්ලිමේන්තුව.
සියලු හිමිකම් ඇවිරිණි.
නිර්මාණය සහ සංවර්ධනය TekGeeks
