2023-01-05
ආහාර සුරක්ෂිතභාවය සහ ග්රාමීය ආර්ථික පුනර්ජීවනය උදෙසා ප්රමුඛත්වය දෙමින් අනෙක් සෑම ක්ෂේත්රයක ම සංවර්ධනයට සක්රියව කටයුතු කිරීමට එක්වන්නැයි අග්රාමාත්ය දිනේෂ් ගුණවර්ධන මහතා, රජය සහ පාර්ලිමේන්තුව වෙනුවෙන් සියලු පාර්ශවයන්ගෙන් ඉල්ලීමක් කළේය. ඔහු කියා සිටියේ, ජන ජිවිතයට බලපාන දේශීය ආර්ථිකය ශක්තිමත් කිරීම සඳහා වන උපායමාර්ග තුළ කටයුතු කළ යුතු බවයි. අග්රාමාත්යවරයා මේ බව පැවසුවේ 2023 නව වසරේ ආරම්භක පාර්ලිමේන්තු දිනය වන, 2023.01.05 දින පාර්ලිමේන්තුව රැස්වූ අවස්ථාවේ කතානායකතුමා ඇතුළු සියලු මන්ත්රීවරුන්ට සුභාශිංසන එක්කරමින් විශේෂ ප්රකාශයක් කරමිනි.
නිදහසේ 75 වන වසර සැමරීමට ආසන්නව සිටින අවස්ථාවේ, සර්ව ජන ඡන්ද බලය 91 වසරක් භුක්ති විඳින ශ්රී ලංකාව තවදුරටත් පාර්ලිමේන්තු ප්රජාතන්ත්රවාදය ඉදිරියට ගෙන යාමට පාර්ලිමේන්තුවේ සියලු මන්ත්රීවරුන්ගේ සහය පතන බවද ඔහු සඳහන් කළේය.
ජනාධිපතිතුමා ඇතුළු රජය, රට ආර්ථික, සමාජීය, නීතිය, ජාත්යන්තර සබඳතා සම්බන්ධයෙන් පියවර රාශියක් ගෙන ඇති බවත්, විවේචනයන්ට ඉඩ දෙමින් ප්රජාතන්ත්රවාදය ශක්තිමත් කර ඇති බවත් කියා සිටි අගමැති දිනේෂ් ගුණවර්ධන මහතා, ජිවන වියදමේ ගැටළු ඇතත් මේ වසර අභියෝග ජයගත හැකි වසරක් බවට පරිවර්තනය කර ගැනීමට පාර්ලිමේන්තුව වශයෙනුත් එක්සත්ව එකමුතුව කටයුතු කළ යුතු බවද කිය.
පසුගිය කාලයේ ප්රධාන ඉල්ලීමක් වූ, පාර්ලිමේන්තු කාරක සභා ක්රමය ශක්තිමත් කිරීමට රජය පියවර ගෙන ඇති බවත්, 21 වන ව්යවස්ථාව සම්මත කරගැනීම තුළ ඒ අනුව ඉදිරියට යාමට කටයුතු කරන බවත්, පාර්ලිමේන්තුවේ සර්ව පාක්ෂික එකඟතාව මත ඇති කළ ජාතික සභාවේ කටයුතු ඉදිරියට ගෙනයාමට සියලු පාර්ශවයන්ගේ සහය ලබාදීම අවශ්ය බවත් ඔහු ප්රකාශ කළේය.
අග්රාමාත්යවරයා මෙසේද පැවසීය.
“ගරු කතානායකතුමනි, පළමුවෙන් 2023 වසර සඳහා අප රැස්වෙන පළවෙනි අවස්ථාවේ රජය වෙනුවෙන් කතානායකතුමාට, උප කතානායකතුමාට සහ සියලුම ගරු මන්ත්රීතුමන්ලාට අපේ සුභාශිංසන මේ අවස්ථාවේ පිරිනමන්න කැමතියී. ඒ වාගේම ශ්රී ලංකා පාර්ලිමේන්තුව හමුවේ ජනාධිපති රනිල් වික්රමසිංහ මැතිතුමා විසින් කරන ලද ප්රකාශයන් පරිදි ඉදිරි වසර හැටියට අප මේ අභියෝග ජයගත හැකි වසරක් බවට පරිවර්තනය කිරීමට කැප වී කටයුතු කිරීමට රජය වශයෙනුත්, පාර්ලිමේන්තුව වශයෙනුත් එක්සත්ව එකමුතුවෙන් කටයුතු කිරීමේ අවස්ථාව සඳහා එකට වැඩ කිරීමේ අභිලාෂය මේ අවස්ථාවේ යළිත් ප්රකාශ කර සිටිනවා.
ඒ වෙනුවෙන් මේ අවස්ථාවේදී නව අවුරද්දේ සුභාශිංසන පමණක් නොව, සකලවිධ අභියෝග රැසක් අභිමුව වඩවඩාත් යහපත් රටක් ගොඩ නඟන්නට අප කැප වී කටයුතු කරමු. විශේෂයෙන් ආහාර සුරක්ෂතභාවය හා ග්රාමීය ආර්ථික පුනර්ජීවනය උදෙසා ප්රමුඛත්වය දෙමින් අනිත් සෑම අංශයක් සඳහාම සංවර්ධනාත්මක ව්යායාමයන් තුළ සක්රීයව කටයුතු කරමු. ජන ජීවිතයට බලපාන දේශීය ආර්ථිකය ශක්තිමත් කිරීම සඳහා වන උපාය මාර්ග තුළ කටයුතු කරමින් නව වසරේ වඩාත් සුබදායී රටක නැඟීමේ රටවැසි ජනතාවගේ ඒ බලාපොරොත්තුව සමඟ එකට අත්වැල් බැඳගෙන වැඩ කරන්ට රජය වෙනුවෙන් යළිත් අප ආයාචනා කරනවා.
ඒ වගේම අප රට 75වෙනි නිදහස් දින සංවත්සරයට මසක් ඇතුළතදී ගමන් කරනවා. ශ්රී ලංකාව, ප්රජාතන්ත්රවාදී පාර්ලිමේන්තු ක්රමය ආරක්ෂා කර ගනිමින් සර්වජන ඡන්ද බලය ජනතාව විසින් තමන්ගේ අභිමතය ප්රකාශ කිරීම සඳහා ආණ්ඩු ඇති කිරීමට, ආණ්ඩුවල ගමන් මාර්ග තිරණය කිරීමට ගත්තා වූ ක්රියාදාමය අතර ලෝකයේ සර්වජන ඡන්ද බලයක් 91 වසරක් පාවිච්චි කළ ප්රජාතන්ත්රවාදය සක්රීය කිරීම සඳහා පාර්ලිමේන්තුවේ ගරු සියලු මන්ත්රිතුමන්ලාගේ සහාය මේ ඉතාම වැදගත් අවස්ථාවේ 75වෙනි නිදහස් සැමරු අවස්ථාවට පිවිසෙන අප යළිත් සිහිපත් කරන්න කැමතියී.
පසුගිය කාල පරිච්ඡේදය නියෝජ්ය කතානායකතුමනි, ඇතිවුණු අර්බුද හරහා ජනාධිපති රනිල් වික්රමසිංහ මැතිතුමා ප්රධාන රජය ආර්ථික වශයෙන්, සමාජීය වශයෙන් නීතිය පිරිහී යාම අතින්, ඒ වාගේම රට ජාත්යන්තරව ඇති කළ යුතු විශ්වාසය හා ශක්තිමත්භාවය වෙනුවෙන් පියවර රාශියක් ගෙන ප්රගතියක් ඇති කර තිබෙන බවම විශේෂයෙන් සඳහන් කරන්න කැමතියී.
විවේචනයන්ට ඉඩ දෙමින්, විවේචනයන්ද සලකා බලමින් ප්රජාතන්ත්රවාදී සමාජය ශක්තිමත් කොට තිබෙනවා. විශේෂයෙන් ආර්ථික අවුලක තිබුණු ජූලි මාසය වෙනස් කර ගෙන අද එදිනෙදා මහජනතාවගේ අවශ්යතාවන් ඇති කර දීමට පුළුවන් කත්ත්වය ඇති කර තිබෙන බව ඒ විශ්වාසය රට පුරාම පවතිනවා.
ජීවන වියදමේ ගැටලු ඇති, ජීවන වියදම වැඩිවීම පිළිබඳ බර ඇති, නමුත් රජය මේ අභියෝගයෙන් ගොඩ නැඟීම සඳහා සියලු දෙනාට එකමුතුවෙන් කාරණා හරහා ගමන් කරන්ටත්, විසදුම් සෙවීමටත් අපි යළිත් විශ්වාසය සඳහන් කරන්නට කැමතියි.
ඒ වගේම ගරු කතානායකතුමනි, ඒ කාල පරිච්ඡේදයේ වූ ප්රධාන ඉල්ලීමක් තමයි අපි පාර්ලිමේන්තු කාරක සභා ක්රමය ඇති කොට වෙනස් කොට අලුත් මඟක් ගත යුතු බව. ඒ වෙනුවෙන් රජය ඇති කළ කාරක සභා ක්රමය උපරිම ක්රියාකාරී බවට පත් කරන්න 2023 වසර පාර්ලිමේන්තුව කටයුතු කරයි කියන එක අපි මේ අවස්ථාවේදී යළිත් ප්රාර්ථනය කරනවා. කතානායකතුමා විසින් මේ වන විට ප්රකාශයට පත් කර තිබෙන එම කාරක සභාවල්වල කටයුතු එලෙසම සක්රීයව කරගෙන යාමට පාර්ලිමේන්තුවේ සියලුම පාර්ශවයන්ගේ සහයෝගය අපි මේ අවස්ථාවේදී අපේක්ෂා කරන බව සඳහන් කරන්ට කැමැතියි.
ඒ වගේම පසුගිය කාල පරිච්ඡේදයේ ඇති වුණු මහත් වූ ආණ්ඩුක්රම ආන්දෝලනය වූ 21 වෙනි ආණ්ඩුක්රම ව්යවස්ථාව පාර්ලිමේන්තුවට ඉදිරිපත් කොට සම්මත කොට එය ක්රියාත්මක කිරීම සඳහා අවශ්ය නීති, ප්රතිපාදනයක් ඇති කිරීම සඳහා වු ක්රියාවේදී 21 වෙනි ආණ්ඩුක්රම ව්යවස්ථාව ප්රකාරව ඇති කළ යුතු ක්රියාමාර්ග සාර්ථකව ඉදිරියට ගෙන යන්නට රජය කැප වී තිබෙන බවත්, ඒ වෙනුවෙන් සියලු පාර්ශවයන් ව්යවස්ථාව අනුව කටයුතු කිරීමට එකඟතාවයෙන් හා කැපවීමෙන් එක්ව ක්රියා කරන ලෙස පාර්ලිමේන්තුවට මම යළිත් වරක් ආයාචනය කරන්න කැමැතියි.
එපමණක් නොව පාර්ලිමේන්තුවේ හා සර්ව පාක්ෂික එකඟතාවයෙන් ඇති කරන ලද ජාතික සභාව, සියලු පාර්ශවයන් නියෝජනය වන පරිදි ඇති කරන ලද ජාතික සභාව ද එලෙස සක්රීය කිරීමට රජය හා විපක්ෂයේ සියලු දෙනාගේ සහයෝගය ගරු කතානායාකතුමාගේ මූලාසනයෙන් ඇති වී ඇති කොට තිබෙන ජාතික සභාවේ කටයුතුත් එලෙස ඉදිරියට ගෙනියන්න සහභාගීත්වය හා සහයෝගය ලබා දීම ඉතාම වැදගත් බවත් මේ අවස්ථාවේ සඳහන් කරමින් අපේ රටේ අනාගතය ගොඩනගන්නට අපේ රටේ ආර්ථිකය වඩාත් ශක්තිමත් භාවයට පරිවර්තනය කිරීම සඳහා ජාත්යන්තරව ඇති කරගෙන තිබෙන සාකච්ඡා, ජාත්යන්තර මූල්ය අරමුදලත්, ලෝක බැංකුවත් ඒ වාගේම අපට ආධාර දෙන කණ්ඩායම්, රටවල් ගණනාවක් විශේෂ ඉන්දියාවත්, මහජන චීනය සමඟ ඒ කරගෙන යන සාකච්ඡාවල් සාර්ථකව ප්රතඵල ගෙන ඒමට හැකි ක්රියාමාර්ගයට අප කැප වී තිබෙනවා.
එය ඉතා ඉක්මණින් සාර්ථක කර ගැනීම සඳහා සියලු පාර්ශවයන්ගේ සහයෝගය අපි මේ අවස්ථාවේ බලාපොරොත්තු වෙමින් රටේ සියලු පුරවැසියන්ට සිංහල, දෙමළ, මුස්ලිම් සියලු පුරවැසියන්ගේ එහකඟතාවයෙන් අපේ රටේ අනාගතය ගොඩනඟන ඒ ගෞරවාන්විත අභියෝගය ජයගත හැකි ගමනක් සඳහා අපි කටයුතු කරමු. අපේ රටේ මේ වන විට එම අර්බුදයට කර දී ඒ අභියෝග හරහා ගමන් කිරීමට කැප වී සිටින ගොවි ජනතාවත්, ධීවර ජනතාවත් ඒ වගේම අපේ ජාතික ව්යාපාරික ජනතාව මූණ දෙන අමාරුකම් මධ්යයේ ජාතික ප්රජාව ව්යාපාරික ප්රජාවගේ ද සහයෝගයෙන් මත ඒ ආර්ථික ශක්තිමත්භාවය ඵලදායී අනාගතයකට පරිවර්තනය කරන ආර්ථීක නිෂ්පාදනය, අපනයනයන් ජාත්යන්තරව අපට දිනා ගත හැකි අතිරේක මූල්ය විදේශ විනිමය දිනා ගැනීමේ කටයුත්තට අපි එක්ව කටයුතු කරමු.
පාර්ලිමේන්තුවට අපි ප්රතිඥා දී ඇති පරිදි පාර්ලිමේන්තුවට 2023 ජනාධිපතිතුමා එකඟ වූ සෑම නීතියක්ම ඉදිරිපත් කිරීමේ කටුයුතුවලට අපි කාලසටහන අනුව ඉතා පැහැදිලි ක්රියාමාර්ගයකට ඉදිරිපත් කර කටයුතු කරන බව යළිත් පාර්ලිමේන්තුවට සඳහන් කරමින් අවසාන වශයෙන් ගරු කතානායකතුමනි, ඒ සමඟම මේ අවස්ථාවේ ජනාධිපතිතුමා කර තිබෙන ප්රකාශයට අතිරේකව, පාර්ලිමේන්තුව වෙනුවෙන් 16 වෙනි බෙනඩික් හිටපු පාප් වහන්සේගේ ස්වර්ගස්ථ වීම පිළිබඳ අපගේ ශෝකයේ පණිවිඩය මේ අවස්ථාවේදී විශේෂයෙන් සටහන් කොට දන්වන ලෙස ද ගරු කතානායකතුමාගෙන් ඉල්ලා සිටිනවා. ස්තූතියි.”
2026-11-16
කොරියානු ජනරජයේ ජාතික සභාව නියෝජනය කරමින්, ළමා, ජනගහන හා පරිසරය පිළිබඳ කොරියානු පාර්ලිමේන්තු ලීගයේ (CPE) දූත පිරිසක් පසුගියදා ශ්රී ලංකා පාර්ලිමේන්තුවේ ගරු නියෝජ්ය කථානායක (වෛද්ය) රිස්වි සාලි මහතා හමුවූහ.පාරිසරික ඔරොත්තු දීමේ හැකියාව, ජනගහන ප්රතිපත්ති, අධ්යාපනය සහ ආර්ථික හුවමාරු යන ක්ෂේත්රයන්හි දෙරට අතර ද්විපාර්ශ්වික සහයෝගීතාව තවදුරටත් ශක්තිමත් කරගැනීම පිළිබඳව මෙහිදී සාකච්ඡා කෙරිණි. පාර්ලිමේන්තුවේ මහලේකම් කුෂානි රෝහණදීර මහත්මිය ද මෙම අවස්ථාවට එක්ව සිටියාය.කොරියානු දූත පිරිස කොරියානු ජාතික සභාවේ බුද්ධි කමිටුවේ සභාපති සහ ළමා, ජනගහන හා පරිසරය පිළිබඳ කොරියානු පාර්ලිමේන්තු ලීගයේ උප සභාපති ගරු ලී යැං-සු (Lee Yang-soo) මහතාගේ ප්රධානත්වයෙන් පැමිණියහ. එම දූත පිරිසට එම ලීගයේ සාමාජික ගරු ක්වාක් සෑං-ඊඔන් (Kwak Sang-eon) මහතා, කොරියානු – ශ්රී ලංකා පාර්ලිමේන්තු මිත්රත්ව සංගමයේ උප සභාපති ගරු කිම් සෝ-හී (Kim So-hee) මහත්මිය සහ ශ්රී ලංකාවේ කොරියානු ජනරජයේ තානාපති ගරු යූන්-ජුං කිම් (Youn-Jung Kim) මහත්මිය ද ඇතුළත් වූහ. 1989 වසරේදී පිහිටුවන ලද ළමා, ජනගහන හා පරිසරය පිළිබඳ කොරියානු පාර්ලිමේන්තු ලීගය, දේශගුණික විපර්යාස, ජනගහනය සහ ළමා සුබසාධනය සම්බන්ධ ගෝලීය අභියෝගවලට මුහුණදීම සඳහා ජාත්යන්තර පාර්ලිමේන්තු සහයෝගීතාව ප්රවර්ධනය කිරීම වෙනුවෙන් කටයුතු කරයි.2027 වසරේදී ශ්රී ලංකාව සහ කොරියානු ජනරජය අතර රාජ්යතාන්ත්රික සබඳතාවලට වසර 50 ක් සපිරීම සැලකිල්ලට ගනිමින්, දෙරට අතර පවතින දිගුකාලීන මිත්රත්වය සහ සහයෝගීතාව තවදුරටත් ශක්තිමත් කිරීමේ අපේක්ෂාව දෙපාර්ශ්වයම මෙහිදී අවධාරණය කළහ.ශ්රී ලංකාවට මෑතකදී බලපෑ අයහපත් කාලගුණික තත්ත්වයන් පිළිබඳව නියෝජ්ය කථානායකවරයා මෙහිදී අවධානය යොමු කළේය. විශේෂයෙන්ම, දැඩි ගංවතුර සහ නායයෑම් හේතුවෙන් යටිතල පහසුකම්වලට සහ කෘෂිකාර්මික ඉඩම්වලට සිදුවූ සැලකිය යුතු හානි පිළිබඳව ඔහු සඳහන් කළේය.එමෙන්ම, උපත් අනුපාතය පහළ යාම සහ වේගයෙන් වයස්ගත වන ජනගහනය ඇතුළු ශ්රී ලංකාව මුහුණ දෙන ජනගහන අභියෝග පිළිබඳව ද ඔහු කරුණු පැහැදිලි කළේය. මෙම තත්ත්වයන් අනාගතයේදී යැපෙන්නන්ගේ අනුපාතයට සහ ශ්රම බලකාය සපයා ගැනීමේදී සැලකිය යුතු බලපෑමක් ඇති විය හැකි බව ද පෙන්වා දුන්නේය. ශ්රී ලංකාවේ නිදහස් අධ්යාපන ක්රමය සහ එය ශක්තිමත් කිරීමේදී පවතින අභියෝග පිළිබඳව ද මෙහිදී සාකච්ඡා විය.කොරියානු ජනරජය තුළ පහළ යන උපත් අනුපාතයට මුහුණදීම සඳහා ගෙන ඇති ක්රියාමාර්ග පිළිබඳව අදහස් දක්වමින්, කොරියානු නියෝජිතයෝ අලුත විවාහ වූ යුවළ සඳහා දැරිය හැකි කුලී නිවාස යෝජනා ක්රම, අඩු පොලී ණය සහ නිවාස දිරිගැන්වීම් ඇතුළු ප්රතිපත්තිමය ක්රියාමාර්ග කිහිපයක් පැහැදිලි කළහ.විශ්රාම වැටුප් ආවරණයේ පවතින හිඩැස් අවම කිරීම සඳහා විශ්රාම යන වයස අවුරුදු 60 සිට 65 දක්වා දීර්ඝ කිරීමේ යෝජනා පිළිබඳව ද දූත පිරිස අදහස් පළ කළහ. එවැනි ප්රතිපත්ති ක්රියාත්මක කිරීමේදී තරුණ පරපුරට ප්රමාණවත් රැකියා අවස්ථා සහතික කිරීමේ වැදගත්කම ද ඔවුහු අවධාරණය කළහ.ආර්ථික සංවර්ධනය සමඟ පරිසර ආරක්ෂාවට ද ප්රමුඛත්වය ලබාදීමේ වැදගත්කම දෙපාර්ශ්වයම අවධාරණය කළහ. ස්වාභාවික ආපදා හේතුවෙන් වසර ගණනාවක් පුරා අත්කරගත් ආර්ථික ප්රගතියට හානි සිදුවිය හැකි බව ද මෙහිදී පෙන්වා දෙන ලදී.ශ්රී ලංකාව තුළ කොරියානු සංස්කෘතිය, විශේෂයෙන්ම කොරියානු පොප් සංගීතය ජනප්රිය වීම සහ දෙරට අතර සංචාරක කටයුතු තවදුරටත් පුළුල් කිරීමේ හැකියාව පිළිබඳව ද සාකච්ඡා කෙරිණි.තවද, දකුණු කොරියාවේ රැකියාවල නිරත ශ්රී ලාංකික තරුණ තරුණියන්ට ලබාගත හැකි තාක්ෂණික හා වෘත්තීය පුහුණු අවස්ථාවල ප්රතිලාභ පිළිබඳව දෙපාර්ශ්වයම අවධානය යොමු කළහ. එම පුහුණු අවස්ථා මඟින් වෘත්තීය කුසලතා වර්ධනය වන අතර, ශ්රී ලංකාවට ද ආර්ථික ප්රතිලාභ හිමිවන බව මෙහිදී සඳහන් විය.ලබන වසරේදී දකුණු කොරියාවේ පැවැත්වීමට නියමිත පරිසරය හා සංවර්ධනය පිළිබඳ ආසියා – පැසිෆික් පාර්ලිමේන්තු මන්ත්රීවරුන්ගේ සමුළුවට (APPCED) සහභාගී වන ලෙස කොරියානු දූත පිරිස ශ්රී ලංකා පාර්ලිමේන්තුවට ආරාධනා කළහ. එම සමුළුවේදී කොරියාව රටවල් කිහිපයක් වෙනුවෙන් සභාපතිත්වය දරනු ඇත.එසේම, ලබන වසරේ ජනවාරි මාසයේදී ශ්රී ලංකාවේ පැවැත්වීමට ජාත්යන්තර ප්රදර්ශනයක් සඳහා කොරියානු ව්යාපාරික ආයතනවල සහභාගීත්වය පිළිබඳව ද මෙහිදී අවධානය යොමු විය.
2026-11-16
උතුරු සහ නැගෙනහිර ප්රදේශවල ගැටුම් පැවති සමයේ සහ ඉන් අනතුරුව අත්අඩංගුවට ගත් හෝ භාර වූ පුද්ගලයන් 12,196 දෙනෙකු පුනරුත්ථාපනය කර සමාජගත කර ඇති බව මහජන ආරක්ෂක සහ පාර්ලිමේන්තු කටයුතු ගරු අමාත්ය ආනන්ද විජේපාල මහතා පැවසීය.ගරු පාර්ලිමේන්තු මන්ත්රී වෛද්ය පත්මනාදන් සත්යලිංගම් මහතා වාචික පිළිතුරු අපේක්ෂාවෙන් යොමු කළ ප්රශ්නවලට පාර්ලිමේන්තුවේ දී පිළිතුරු ලබා දෙමින් අමාත්යවරයා මේ බව සඳහන් කළේය.පුනරුත්ථාපන ක්රියාවලිය යටතේ උපදේශන, යෝගා සහ ආධ්යාත්මික වැඩසටහන්, මූලික අධ්යාපන හා භාෂා පුහුණු වැඩසටහන් මෙන්ම අධ්යයන පොදු සහතික පත්ර සාමාන්ය පෙළ හා උසස් පෙළ විභාග සඳහා යොමු කිරීමේ වැඩසටහන් මෙන්ම චිත්ර, සංගීතය, නාට්ය හා රංග කලාව ඇතුළත් සෞන්දර්ය වැඩසටහන්, රියදුරු පුහුණුව සහ ක්රීඩා වැඩසටහන් ද ක්රියාත්මක කර ඇති බව ද අමාත්යවරයා පැවසීය.පුනරුත්ථාපනය ලැබූ පුද්ගලයන්ගේ ජීවනෝපාය සංවර්ධනය කිරීම සඳහා වෘත්තීය පුහුණුව ලබා දී ඇති බවත්, එම පුහුණුවට අදාළ උපකරණ සහ වෙනත් ආධාර ද ලබා දී තිබෙන බවත් අමාත්යවරයා පැවසුවේය.එමෙන්ම, ඔවුන්ගේ ජීවනෝපාය ශක්තිමත් කිරීම සඳහා ණය මුදල්, නිවාස, මහන මැෂින්, ධීවර දැල්, පාපැදි, ජල පොම්ප, වඩු උපකරණ, සැකසුම් උපකරණ, කෘෂිකාර්මික උපකරණ, පශු සම්පත් සහ ත්රීරෝද රථ ඇතුළු ආධාර රාජ්ය ආයතන සහ රාජ්ය නොවන සංවිධාන මගින් ලබා දී ඇති බව ද අමාත්යවරයා සභාගත කළ වාර්තාවේ සඳහන් වේ.
2026-11-16
ස්වේච්ඡා ගුරුවරුන් 4,700 ක් ගුරු සහායකයින් ලෙස බඳවා ගැනීමෙන් අනතුරුව නැවත ස්වේච්ඡා ගුරුවරුන් ගුරු සේවයට බඳවා ගැනීමට හැකියාවක් නොමැති බව අධ්යාපන සහ උසස් අධ්යාපන ගරු නියෝජ්ය අමාත්ය වෛද්ය මධුර සෙනෙවිරත්න මහතා පැවසීය. දිවයිනේ විවිධ පළාත්වල පිහිටි පාසල්වල මේ වන විට ස්වේච්ඡා ගුරුවරුන් ලෙස සේවය කරනු ලබන ගුරුවරුන් 4700 ක් ගුරු සහායකයින් ලෙස පත්වීම් ලබා දීමට අමාත්ය මණ්ඩල තීරණය අනුව බඳවා ගැනීමට අනුමැතිය ලබා දී ඇති බවත්, එය 2007.01.04 දිනැති අමාත්ය මණ්ඩල පත්රිකා අංක/06/2282/229/085-II අනුව සිදු වූ බවත් නියෝජ්ය අමාත්යවරයා වැඩිදුරටත් සඳහන් කළේය. ගරු පාර්ලිමේන්තු මන්ත්රී එම්. එස්. උදුමාලෙබ්බේ මහතා වාචික පිළිතුරු අපේක්ෂාවෙන් ඉදිරිපත් කළ ප්රශ්නවලට පිළිතුරු ලබා දෙමින් නියෝජ්ය අමාත්යවරයා මේ බව ප්රකාශ කළේය. ගුරු සහායක ලෙස බස්නාහිර, මධ්යම, දකුණ, උතුරු නැගෙනහිර, වයඹ, උතුරු මැද, ඌව සහ සබරගමුව යන පළාත් සඳහා පත් කිරීමට අනුමැතිය ලද ඉහත සඳහන් 4700 ක් වන ස්වේච්ඡා ගුරුවරුන් සංඛ්යාවෙන්, 462 දෙනෙකු උතුරු නැගෙනහිර පළාතට පත් කිරීමට අනුමැතිය ලබා ඇති බවත් නියෝජ්ය අමාත්යවරයා වැඩිදුරටත් සඳහන් කළේය.
2026-11-14
දුම්රියේ ගැටී අලි ඇතුන් මිය යාම වැළැක්වීම සඳහා තිරසර විසඳුමක් ලබා දීමේ අරමුණින් ගනු ලැබූ ක්රියාමාර්ග රැසක් සභාගත කෙරෙයි. මෙම ක්රියාමාර්ග මඟින් දුම්රිය යටිතල පහසුකම් වැඩිදියුණු කිරීම, දුම්රිය සේවකයන් දැනුවත් කිරීම, වන අලි වාසස්ථාන කළමනාකරණය කිරීම සහ නවීන නිරීක්ෂණ හා හඳුනාගැනීමේ තාක්ෂණයන් හඳුන්වා දීම තුළින් දුම්රියේ ගැටී වන අලි මිය යාම අවම කිරීම අරමුණු කර ඇත.ගරු පාර්ලිමේන්තු මන්ත්රී නලින් බණ්ඩාර ජයමහ මහතා වාචික පිළිතුරු අපේක්ෂාවෙන් ඉදිරිපත් කළ ප්රශ්නවලට පරිසර ගරු අමාත්ය වෛද්ය දම්මික පටබැඳි මහතාගේ සභාගත කළ පිළිතුරෙන් ඉහත කරුණු අනාවරණය විය. පාර්ලිමේන්තුවේ දී සභාගත කරන ලද පිළිතුරට අනුව ,දුම්රිය දෙපාර්තමේන්තුවේ නැගෙනහිර දුම්රිය මාර්ගයේ දෙපස හොඳින් දර්ශනය වන හා වඩා හොඳින් වේගය පාලනය කළ හැකි දියුණු දුම්රිය කට්ටල හඳුන්වා දීම මෙන්ම ගල්ඔය හන්දියේ සිට හිඟුරක්ගොඩ හා ගල්ඔය හන්දියේ සිට කන්තලේ දෙසට සම්පූර්ණයෙන් අලි මාරුවන දුම්රිය මාර්ගය කි.මී. 27 ක් හඳුනාගෙන ඇති අතර එම ස්ථානවල ගල්අතුරා වන අලින්ට පහසුවෙන් ගමන් කිරීමට හැකිවන පරිදි දුම්රිය මාර්ගයේ සිල්පර අතර හිස්තැන් පිරීයන පරිදි කොන්ක්රීට් ගල් කියුබ් 800 ක් අතුරා අවසන් කොට ඇත.දුම්රිය මාර්ගයේ සමහර ස්ථානවල හා වංගු සහිත ස්ථානවල ගැවසෙන වන අලින් දුම්රිය රියදුරන්ට නොපෙනෙන බැවින් එම ස්ථානවල මීටර් 10 සිට 20 දක්වා යටි පඳුරු ඉවත් කිරීමට කටයුතු කරන අතර මේ යටතේ වන සංරක්ෂණ දෙපාර්තමේන්තුව විසින් කි.මී. 20 ක් සුද්ද පවිත්ර කොට තිබේ.දුම්රිය දෙපාර්තමේන්තුවේ රියදුරන්, දුම්රිය ස්ථානාධිපති, දුම්රිය මාර්ග භාරව කටයුතු කරන ඉංජිනේරුවරුන් හා දුම්රියේ රියදුරු සහායක නිලධාරීන් සඳහා දැනුවත් කිරීමේ වැඩසටහන් 2025.05.16 හා 17 යන දිනයන්හි සිදු කෙරිණි.හබරණ දුම්රිය ස්ථානය පසුකර කන්තලේ දෙසට ගමන් කිරීමේදී හමුවන වනසංරක්ෂණ රක්ෂිතය තුළ දුම්රිය මාර්ගයෙන් සැලකිය යුතු දුරින් ඔබ්බට ජලය සපයා ගැනීමට හැකියාවක් ඇති වැව් දෙකක් ඉදි කිරීම හා සුපෝෂණ කටයුතු සඳහා රු. මිලියන 25.4 ක ප්රතිපාදන වාරිමාර්ග දෙපාර්තමේන්තුව වෙත ලබා දී ඇත. ගල්ඔය හා මින්නේරිය අතර 141 ස්ථානයේ කාසිකොටේ දුම්රිය මාර්ගය හරහා අලි ගමන් කරන ස්ථානය නිරීක්ෂණය සඳහා CCTV Camera සවි කර ඇති අතර එය, අනුරාධපුර මෙහෙයුම් මැදිරිය මඟින් නිරීක්ෂණ කටයුතු කෙරෙන අතර වන අලි හඳුනා ගැනීම සඳහා Thermal Detector Camera දුම්රිය මත සවි කිරීමේ නියමු ව්යාපෘතියක් ආරම්භ කරමින් අඛණ්ඩව පරීක්ෂණ කටයුතු ශ්රී ලංකා දුම්රිය දෙපාර්තමේන්තුව, ආතර් සී ක්ලාක් පර්යේෂණ ආයතනය මගින් සිදු කෙරෙයි. දුම්රියේ ගැටීමෙන් 2020 වර්ෂයේ සිට 2026.10.12 දක්වා කාලය තුළ අලි ඇතුන් 81 දෙනෙකු මියගොස් ඇති බව සභාගත කළ වාර්තාවේ සඳහන් වෙයි.