පාර්ලිමේන්තු අත්පොත
ශ්රී ලංකාවේ මැතිවරණ ක්රමය
පාර්ලිමේන්තුවේ කටයුතු සිදුවන ආකාරය
පාර්ලිමේන්තුවේ කටයුතු
ප්රවේශ වී ඔබේ පාර්ලිමේන්තුව සමඟ සම්බන්ධ වන්න
2020-07-31
සියලු පාර්ලිමේන්තු මන්ත්රීවරයන් පාර්ලිමේන්තු සභා ගර්භයේ රැදී සිටින කාලය පුරාම මුව ආවරණ පැළද සිටීම අනිවාර්ය බව අද පස්වරුවේ පාර්ලිමේන්තුවට භාරදුන් පාර්ලිමේන්තුව වෙනුවෙන් සැකසූ සෞඛ්ය ආරක්ෂිත මාර්ගෝපදේශ මාලාවේ සදහන් වේ.
එමෙන්ම පාර්ලිමේන්තු මන්ත්රීවරයන් සභා ගර්භයේ රැදී සිටින කිසිදු අවස්ථාවක මුව ආවරණ ඉවත් කිරීම හෝ ලිහිල් කිරීම සිදු නොකළ යුතු බවද මාර්ගෝපදේශවල සදහන් වේ.
මාර්ගෝපදේශයන්ට අනුව පාර්ලිමේන්තුවේ මන්ත්රීවරයන් 225 දෙනාටම පාර්ලිමේන්තු රැස්වීමේදී සභා ගර්භයේ සෞඛ්ය ආරක්ෂිතව අසුන් ගත හැකිවන නමුත් සියලු පාර්ලිමේන්තු මන්ත්රීවරයන් පාර්ලිමේන්තු සභා ගර්භයේ තමාට වෙන් කර තිබෙන ආසන වල පමණක් අසුන් ගැනීම අනිවාර්ය වන අතර සභා ගර්භය තුළ රැදී සිටින සෑම අවස්ථාවකම මීටරයක දුරස්ථභාවය ආරක්ෂා කර ගැනීමට කටයුතු කළ යුතුය.
සභා ගර්භයේ රැදී සිටින සියලුම නිලධාරින් හා පාර්ලිමේන්තු කාර්ය මණ්ඩල සාමාජිකයන් මෙන්ම ගැලරියන්හි සිටින සියලුම පාර්ශවයන් ද මුව ආවරණ පැළද සිටිය යුතු බව මාර්ගෝපදේශවල සඳහන්ව ඇතැයි පාර්ලිමේන්තුවේ මහ ලේකම් ධම්මික දසනායක මහතා පැවසීය.
මහ ලේකම්වරයා මේ බව පැවසුවේ සෞඛ්ය සේවා අධ්යක්ෂ ජනරාල් විශේෂඥ වෛද්ය අනිල් ජාසිංහ මහතා විසින් සෞඛ්ය ආරක්ෂිත මාර්ගෝපදේශ මාලාව පාර්ලිමේන්තුවේදී ඊයේ (31) බාර දීමෙන් අනතුරුවය.
පාර්ලිමේන්තු මන්ත්රීවරයන් කාරක සභා රැස්වීම් වලදී ද මෙම මාර්ගෝපදේශ අනුගමනය කිරීම අනිවාර්ය වේ. පාර්ලිමේන්තු පරිශ්රය තුළදී හැකි සෑම විටම මුව ආවරණ පැළද සිටීමේ අවශ්යතාවයද මෙහිදී අවධාරණය කෙරිණි.
මෙයට අමතරව පාර්ලිමේන්තු මන්ත්රීවරයන් තමන්ගේ ජංගම දූරකථන සහ පෑන් ඇතුළු පුද්ගලික උපකරණ හුවමාරු නොකළ යුතු අතර, වැළද ගැනීම්, අතට අතදීම වැනි ආචාර කිරීමේ ක්රමයන්ගෙන් වැළකී සිටිය යුතු බවද මාර්ගෝපදේශවල අන්තර්ගත බව මහලේකම්වරයා මෙහි දී වැඩිදුරටත් පැවසීය.
මේ අවස්ථාව ඇමතු සෞඛ්ය සේවා අධ්යක්ෂ ජනරාල් විශේෂඥ වෛද්ය අනිල් ජාසිංහ මහතා පැවසුවේ පාර්ලිමේන්තුවේ කටයුතු සෞඛ්ය ආරක්ෂිතව ක්රියාත්මක කිරීම සදහා මෙම මාර්ගෝපදේශ මහෝපකාරි වන බවයි.
පාර්ලිමේන්තු සභා ගර්භයට පිවිසෙන සෑම ස්ථානයකම විෂබීජ නාශක දියර තබා තිබිය යුතු අතර, මන්ත්රීවරයන් හා නිලධාරින් සභා ගර්භයට පිවිසීමට පෙර ඒවායින් තම දෑත් පිරිසිදු කර ගත යුතුය. පාර්ලිමේන්තුව නියෝජනය කරන මන්ත්රීවරයන් 225 දෙනාටම සභා ගර්භය තුළ ආරක්ෂිතව අසුන් ගත හැකි බව ද සෞඛ්ය සේවා අධ්යක්ෂ ජනරාල් විශේෂඥ වෛද්ය අනිල් ජාසිංහ මහතා මෙහිදී පැවසීය.
පාර්ලිමේන්තුවේ මහ ලේකම්තුමා විසින් කරන ලද ඉල්ලීමකට අනුව පාර්ලිමේන්තුව කොවිඩ් 19 අභියෝගයෙන් ආරක්ෂා කර ගැනීම සදහා අවශ්ය මාර්ගෝපදේශ සැකසු බවත් , මෙය සෞඛ්ය අමාත්යාංශය මගින් සැකසූ තුන්වන මාර්ගෝපදේශ පද්ධතිය බවත් ඔහු වැඩිදුරටත් පැවසීය.
පාර්ලිමේන්තු සභා ගර්භය, මන්ත්රී ආලින්දය, මහජන, මාධ්ය සහ විශේෂ අමුත්තන්ගේ ගැලරි, මන්ත්රී භෝජනාගාර, පුස්තකාලය, මුළුතැන්ගෙය, කාර්ය මණ්ඩල ආපනශාලා, විශේෂ අමුත්තන්ගේ භෝජනාගාරය ඇතුළු පාර්ලිමේන්තු පරිශ්රයේ ස්ථාන ගණනාවක් ආවරණය වන පරි දි මෙම මාර්ගෝපදේශ සකසා ඇති අතර ප්රවාහන සේවා සහ කාර්යාල පිරිසිදු කිරීමේ කාර්ය මණ්ඩල සදහා ද මාර්ගෝපදේශ නිකුත් කර තිබේ.
සෞඛ්ය ආරක්ෂිත මාර්ගෝපදේශ මාලාව පාර්ලිමේන්තු මහ ලේකම්වරයාට භාර දුන් අවස්ථාවට පාර්ලිමේන්තුවේ නියෝජ්ය මහලේකම් සහ කාර්ය මණ්ඩල ප්රධානී නීල් ඉද්දවල මහතා ඇතුළු ජ්යෙෂ්ඨ නිලධාරීහු පිරිසක් එක්ව සිටියහ.
[ මාර්ගෝපදේශ මෙතැනින් බාගත කරන්න ]
2026-11-21
අයවැය කාල සීමාව තුළ පනත් කෙටුම්පත් ත්රිත්වයක දෙවැනිවර කියවීමේ විවාදයන් පැවැත්වීමට ඊයේ (නොවැ. 20) කථානායක වෛද්ය ජගත් වික්රමරත්න මහතාගේ සභාපතීත්වයෙන් රැස්වූ පාර්ලිමේන්තු කටයුතු පිළිබඳ කාරක සභාවේ දී තීරණය වූ බව පාර්ලිමේන්තුවේ මහ ලේකම් කුෂානි රෝහණදීර මහත්මිය පැවසුවාය.ඒ අනුව, නොවැම්බර් 23 සඳුදා, පෙ.ව. 11.00 සිට ප.ව. 6.00 දක්වා විදේශ කටයුතු, විදේශ රැකියා සහ සංචාරක අමාත්යාංශයේ වැය ශීර්ෂය විවාදයට ගැනීමෙන් අනතුරුව, ප.ව. 6.00 සිට ප.ව. 6.30 දක්වා විදේශීය ත්රස්තවාදී සටන්කරුවන් වැළැක්වීමේ පනත් කෙටුම්පත දෙවැනිවර කියවීමේ විවාදය පැවැත්වීමට මෙහිදී තීරණය වී තිබේ. තවද, දෙසැම්බර් 05 සෙනසුරාදා, පෙ.ව. 11.00 සිට ප.ව. 6.00 දක්වා තරුණ කටයුතු සහ ක්රීඩා අමාත්යාංශයේ සහ කාන්තා සහ ළමා කටයුතු අමාත්යාංශයේ වැය ශීර්ෂ විවාදයට ගැනීමෙන් අනතුරුව, ප.ව. 6.00 සිට ප.ව. 9.00 දක්වා ශ්රී ලංකා ක්රිකට් පනත් කෙටුම්පත විවාදයට ගැනීමටත් (දෙවැනිවර කියවීම) නියමිතව ඇත.එසේම, දෙසැම්බර් 07 සඳුදා, පෙ.ව. 11.00 සිට ප.ව. 6.00 දක්වා රාජ්ය පරිපාලන, පළාත් සභා සහ පළාත් පාලන අමාත්යාංශයේ සහ කම්කරු අමාත්යාංශයේ වැය ශීර්ෂ විවාදයට ගැනීමෙන් අනතුරුව ප.ව. 6.00 සිට ප.ව. 6.30 දක්වා ජලභීතිකා රෝගය තුරන් කිරීමේ සහ සුනඛයන් ලියාපදිංචි කිරීමේ පනත් කෙටුම්පතට අදාළ කාරක සභා අවස්ථාව සහ තෙවැනිවර කියවීම පැවැත්වීමටත් මෙහිදී තීරණය වී තිබේ. (මෙම පනත් කෙටුම්පත 2026 ඔක්තෝබර් 23 දින දෙවැනිවර කියවීමේ විවාදය පවත්වා කල් තබා ඇත) ඒ අනුව ඉහත දිනයන්හි සභාව කල් තබන අවස්ථාවේ යෝජනා විවාදයට නොගැනේ.මේ අතර, පාර්ලිමේන්තු විශේෂ කාරක සභා පත් කිරීමට අදාළ යෝජනා ත්රිත්වයකට ද පාර්ලිමේන්තු කටයුතු පිළිබඳ කාරක සභාවේ අනුමතිය හිමි වී තිබේ. ඒ අනුව, කොවිඩ්-19 වසංගතය හේතුවෙන් ශ්රී ලංකාවේ දී මියගිය පුද්ගලයන්ගේ මෘත දේහයන් බැහැර කිරීමේදී නිර්දේශිත ප්රමිතීන් සහ ආරක්ෂිත ක්රියාපටිපාටීන්, සංස්කෘතික වටිනාකම් සහ ආගමික නිදහස උල්ලංඝනය කරමින් කටයුතු කර ඇති බවට එල්ල වී ඇති චෝදනා ඇතුළු ඒ සම්බන්ධ කරුණු පිළිබඳව විමර්ශනය කර පාර්ලිමේන්තුවට වාර්තා කිරීම සඳහා වන පාර්ලිමේන්තු විශේෂ කාරක සභාවක් පත් කිරීම, ස්වාධීන තරුණ කොමිෂන් සභාවක් පිහිටුවීම සම්බන්ධයෙන් කරුණු සලකා බලා නිර්දේශ ඉදිරිපත් කිරීම සඳහා පාර්ලිමේන්තුවේ විශේෂ කාරක සභාවක් පත් කිරීම සහ කාවන්තිස්ස ඇතාගේ මරණය, ඊට අදාළ බලධාරීන්ගේ ක්රියාකලාපය සහ වනජීවී ආරක්ෂණ නීති ක්රියාත්මක කිරීම පරීක්ෂා කර බැලීම, එවැනි සිද්ධියක් නැවත සිදුවීම වළක්වා ගැනීම උදෙසා නිර්දේශ ඉදිරිපත් කිරීමට විශේෂ කාරක සභාවක් පත් කිරීම සඳහා වන යෝජනා ත්රිත්වයට පාර්ලිමේන්තු කටයුතු පිළිබඳ කාරක සභාවේ අනුමතිය හිමිව ඇත.
2026-11-20
2027 වසර සඳහා වන විසර්ජන පනත් කෙටුම්පත දෙවැනිවර කියවීම වැඩි ඡන්ද 97 කින් පාර්ලිමේන්තුවේ දී අද (නොවැ. 20) සම්මත විය. අද ප.ව. 6.50 ට පමණ දෙවැනිවර කියවීමේ ඡන්ද විමසීම පැවැත්වූ අතර එහිදී අයවැයට පක්ෂව ඡන්ද 157 ක් ද විරුද්ධව ඡන්ද 60ක් ද හිමිය. 2027 වසර සදහා වන විසර්ජන පනත් කෙටුම්පත දෙවැනිවර කියවීම හෙවත් ‘අයවැය කථාව’ මුදල් අමාත්යවරයා ලෙස ගරු ජනාධිපති අනුර කුමාර දිසානායක මහතා පසුගිය 12 වැනිදා පාර්ලිමේන්තුවට ඉදිරිපත් කළේය. අනතුරුව නොවැම්බර් 13 සිට අද (20) දක්වා, දින 7 ක් විසර්ජන පනත් කෙටුම්පත (අයවැය) දෙවැනිවර කියවීමේ විවාදය පැවැත්විණි.කාරක සභා අවස්ථා විවාදය නොවැම්බර් 21 සිට දෙසැම්බර් 14 වැනිදා දක්වා දින 19 ක් පැවැත්වේ. මේ අනුව, 2027 මූල්ය වර්ෂය සදහා වන අයවැය තෙවනවර කියවීමේ ඡන්ද විමසීම දෙසැම්බර් 14 වැනිදා ප.ව. 6.00 ට පැවැත්වීමට නියමිතය.
2026-11-20
වැව් රක්ෂිතයේ පාමුල හෝ ආරක්ෂිත කලාපය තුළ හෝ අනවසරෙන් ඉදිකර ඇති ව්යාපාරික ස්ථාන සහ පදිංචි ස්ථාන 2196 න් 1417 ක් වාරිමාර්ග දෙපාර්තමේන්තුව යටතේ ඇති වැව් ආශ්රිතවත්, ඉතිරි 779 ශ්රී ලංකා මහවැලි අධිකාරිය යටතේ ඇති වැව් ආශ්රිතවත් සිදු වී ඇති බවත් ඉඩම් සහ වාරිමාර්ග ගරු නියෝජ්ය අමාත්ය අරවින්ද සෙනරත් මහතා පැවසීය. ගරු පාර්ලිමේන්තු මන්ත්රී සුරංග රත්නායක මහතා වාචික පිළිතුරු අපේක්ෂාවෙන් යොමු කළ ප්රශ්නවලට පාර්ලිමේන්තුවේ දී පිළිතුරු ලබා දෙමින් නියෝජ්ය අමාත්යවරයා මේ බව සඳහන් කළේය.වාරිමාර්ග දෙපාර්තමේන්තුව යටතේ ඇති වැව් ආශ්රිත අනවසර ඉදිකිරීම් 102 ක් 2022 සිට මේ දක්වා ඉවත් කර ඇති බවත්, ශ්රී ලංකා මහවැලි අධිකාරිය යටතේ ඇති වැව් ආශ්රිතව ඉදිකිරීම් 779 ක් තවදුරටත් ඉවත් කිරීමට ඇති බවත් නියෝජ්ය අමාත්යවරයා කීවේය.වාරිමාර්ග දෙපාර්තමේන්තුව යටතේ ලියාපදිංචි වී ඇති වැව් 700 ක් ඇති බවත්, ශ්රී ලංකා මහවැලි අධිකාරිය යටතේ ලියාපදිංචි වී ඇති වැව් 483 ක් ඇති බවත් පෙන්වාදුන් නියෝජ්ය අමාත්යවරයා අනවසර ඉදිකිරීම් ඉවත් කර වැව් රක්ෂිත ප්රදේශ නීත්යානුකූලව සංරක්ෂණය කිරීම සඳහා වාරිමාර්ග දෙපාර්තමේන්තුව සහ ශ්රී ලංකා මහවැලි අධිකාරිය ක්රියාමාර්ග ගෙන ඇති බව ද වැඩිදුරටත් ප්රකාශ කළේය.
2026-11-20
පුරාවිද්යා දෙපාර්තමේන්තුව විසින් මොණරාගල දිස්ත්රික්කය තුළ සංරක්ෂණය කර ඇති ස්ථාන අතරින් දේශීය සහ විදේශීය සංචාරකයින් සඳහා නැරඹීමට ස්ථාන 05 ක් විවෘත කර ඇති බවත්, බුදුරුවගල, මාලිගාවිල, යුධගනාව සහ ගලබැද්ද පුරාවිද්යා ස්ථාන මෙන්ම දෙමටමල් විහාරය මෙලෙස විවෘතව පවතින බවත් බුද්ධශාසන, ආගමික සහ සංස්කෘතික කටයුතු ගරු අමාත්ය ආචාර්ය හිනිදුම සුනිල් සෙනෙවි මහතා පැවසීය.ගරු පාර්ලිමේන්තු මන්ත්රී නීතිඥ සරත් කුමාර මහතා වාචික පිළිතුරු අපේක්ෂාවෙන් ඉදිරිපත් කළ ප්රශ්නවලට පිළිතුරු ලබා දෙමින් අමාත්යවරයා මේ බව ප්රකාශ කළේය. මොණරාගල දිස්ත්රික්කය තුළ පිහිටා ඇති මේ වන විට ලියාපදිංචි කර ඇති පුරාවිද්යා ස්ථාන සංඛ්යාව 137 ක් බව ද ඒවා ගලබැද්ද, මාලිගාවිල, බුදුරුවගල සහ බිබිල යන පුරාවිද්යා කලාප 04 කට අයත් වන බව ද අමාත්යවරයා කිවේය. මෙම කලාපවලට අයත් භුමි ප්රමාණය විග්රහ කළ අමාත්යවරයා, ගලබැද්ද කලාපයට වර්ග කිලෝමීටර 2000.1 ක්, මාලිගාවිල කලාපයට වර්ග කිලෝමීටර 1199.2 ක්, බුදුරුවගල කලාපයට 1426.2 ක් සහ බිබිල කලාපයට 713.1 ක් අයත් බව ද සඳහන් කළේය.නැරඹීමට පැමිණෙන දේශීය හා විදේශීය සංචාරකයින් සඳහා බුදුරුවගල පුරාවිද්යා ස්ථානයට මධ්යම සංස්කෘතික අරමුදල මඟින් ද, යුධගනාව පුරාවිද්යා ස්ථානයට විහාරස්ථානය මඟින් ද, දෙමටමල් විහාරයට විහාරස්ථානය මඟින් ද සනීපාරක්ෂක පහසුකම් සහ අනෙකුත් යටිතල පහසුකම් ප්රමාණවත් පරිදි සපයා තිබෙන බවත්, මාලිගාවිල පුරාවිද්යා ස්ථානයේ සහ ගලබැද්ද පුරාවිද්යා ස්ථානයේ ඇති යටිතල පහසුකම් තවදුරටත් දියුණු කළ යුතු බවත් අමාත්යවරයා වැඩිදුරටත් පෙන්වා දුන්නේය.
පාර්ලිමේන්තු අත්පොත
ශ්රී ලංකාවේ මැතිවරණ ක්රමය
පාර්ලිමේන්තුවේ කටයුතු සිදුවන ආකාරය
පාර්ලිමේන්තුවේ කටයුතු
© ශ්රී ලංකා පාර්ලිමේන්තුව.
සියලු හිමිකම් ඇවිරිණි.
නිර්මාණය සහ සංවර්ධනය TekGeeks
