නියෝජ්ය කථානායක සහ කාරක සභා සභාපති ගරු (වෛද්ය) රිස්වි සාලි මහතා මූලසනාරූඪ විය.
කථානායකවරයා විසින් කරනු ලබන නිවේදන
1 : පාර්ලිමේන්තු කටයුතු පිළිබඳ කාරක සභාවේ සහ තේරීම් කාරක සභාවේ රැස්වීම්
ලිපිලේඛනාදිය පිළිගැන්වීම
(i) 2024 වර්ෂය සඳහා ඩිජිටල් ආර්ථික අමාත්යාංශයේ වාර්ෂික කාර්ය සාධන වාර්තාව.
(ii) 2024 වර්ෂය සඳහා ජාතික අධ්යාපන කොමිෂන් සභාවේ වාර්ෂික වාර්තාව.
(iii) 2024 වර්ෂය සඳහා ජාතික ණය සුරැකුම් ආයතනයේ වාර්ෂික වාර්තාව.
(iv) 2024 වර්ෂය සඳහා ශ්රී ලංකා අපනයන ණය රක්ෂණ සංස්ථාවේ වාර්ෂික වාර්තාව.
(v) 2025 වර්ෂය සඳහා ජාතික ක්රමසම්පාදන දෙපාර්තමේන්තුවේ වාර්ෂික කාර්ය සාධන වාර්තාව.
(vi) රජයේ ගිණුම් පිළිබඳ කාරක සභාව විසින් පාර්ලිමේන්තුවට ඉදිරිපත් කරන ලද වාර්තාවේ ශ්රී ලංකා පාර්ලිමේන්තුව සම්බන්ධ කරුණු පිළිබඳව පාර්ලිමේන්තුවේ ස්ථාවර නියෝග 119(4) ප්රකාරව, නිරීක්ෂණ සහ ගනු ලැබූ ක්රියාමාර්ග පිළිබඳ වාර්තාව.
(vii) රජයේ ගිණුම් පිළිබඳ කාරක සභාව විසින් පාර්ලිමේන්තුවට ඉදිරිපත් කරන ලද වාර්තාවේ සෞඛ්ය අමාත්යාංශය සම්බන්ධ කරුණු පිළිබඳව පාර්ලිමේන්තුවේ ස්ථාවර නියෝග 119(4) ප්රකාරව නිරීක්ෂණ සහ ගනු ලැබූ ක්රියාමාර්ග පිළිබඳ වාර්තාව.
(viii) 2024 වර්ෂය සඳහා මැණික් හා ස්වර්ණාභරණ පර්යේෂණ හා අභ්යාස ආයතනයේ වාර්ෂික වාර්තාව.
(ix) රජයේ ගිණුම් පිළිබඳ කාරක සභාව විසින් පාර්ලිමේන්තුවට ඉදිරිපත් කරන ලද වාර්තාවේ කර්මාන්ත සහ ව්යවසායකත්ව සංවර්ධන අමාත්යාංශය සහ පේෂ කර්මාන්ත දෙපාර්තමේන්තුව සම්බන්ධ කරුණු පිළිබඳව පාර්ලිමේන්තුවේ ස්ථාවර නියෝග 119(4) ප්රකාරව, නිරීක්ෂණ සහ ගනු ලැබූ ක්රියාමාර්ග පිළිබඳ වාර්තා.
(x) 2023 වර්ෂය සඳහා පොල් සංවර්ධන අධිකාරියේ වාර්ෂික වාර්තාව.
(xi) 2024 වර්ෂය සඳහා කුඩා තේ වතු සංවර්ධන අධිකාරියේ වාර්ෂික වාර්තාව.
(xii) 2025 වර්ෂය සඳහා ගම්පහ දිස්ත්රික් ලේකම් කාර්යාලයේ වාර්ෂික කාර්ය සාධන වාර්තාව.
(xiii) 2023 වර්ෂය සඳහා ජාතික විද්යා හා තාක්ෂණ කොමිෂන් සභාවේ වාර්ෂික වාර්තාව.
කාරක සභා වාර්තා පිළිගැන්වීම
(i) දසවැනි පාර්ලිමේන්තුවේ පළමුවැනි සභාවාරය සඳහා අමාත්යාංශයීය උපදේශක කාරක සභාවල වාර්තා දෙකක්, නියෝජ්ය කාරක සභා සභාපති, ගරු හේමාලි වීරසේකර මහත්මිය විසින් පිළිගන්වන ලදී.
(ii) බලශක්ති කටයුතු පිළිබඳ අමාත්යාංශයීය උපදේශක කාරක සභාවේ වාර්තාව, එම කාරක සභාවේ සභාපති, ගරු අනුර කරුණාතිලක මහතා විසින් පිළිගන්වන ලදී.
පෙත්සම් පිළිගැන්වීම
(i) ගරු පාර්ලිමේන්තු මන්ත්රී කේ. වී. සමන්ත විද්යාරත්න මහතා
(ii) ගරු පාර්ලිමේන්තු මන්ත්රී අරුන් හේමචන්ද්ර මහතා - පෙත්සම් තුනයි
(පෙත්සම් මහජන පෙත්සම් පිළිබඳ කාරක සභාවට යොමු කරනු ලැබේ)
පාර්ලිමේන්තුවේ ස්ථාවර නියෝග 27(2) යටතේ ප්රශ්න
(i) ගරු සජිත් ප්රේමදාස මහතා
ඉන්ධන මිල පිළිබඳ ගැටළු
ගරු බලශක්ති අමාත්යවරයා ඉහත ප්රශ්නයට පිළිතුරු දුන්නේ ය.
(ii) ගරු ෂානක්කියන් රාජපුත්තිරන් රාසමාණික්කම් මහතා
චෙම්මනි සමූහ මිනීවළ කැණීම පිළිබඳ සොයාගැනීම් සහ අදාළ විමර්ශනය
ගරු අධිකරණ සහ ජාතික ඒකාබද්ධතා අමාත්යවරයා ඉහත ප්රශ්නයට පිළිතුරු දුන්නේ ය.
අමාත්යාංශ නිවේදන
ශ්රී ලංකා මහ බැංකු පනත යටතේ ඉලක්කයට වඩා අඩුවෙන් උද්ධමනය පවත්වා ගැනීම, මුදල් ප්රතිපත්ති ලිහිල් කිරීම සහ වගවීම පවත්වා ගැනීම සම්බන්ධයෙන් 2026.03.04 දින ගරු රවී කරුණානායක මහතා විසින් පාර්ලිමේන්තුවේ ස්ථාවර නියෝග අංක 27(2) යටතේ අසන ලද ප්රශ්නයට මුදල්, ක්රමසම්පාදන සහ ආර්ථික සංවර්ධන අමාත්යවරයා වෙනුවෙන්, මුදල් සහ ක්රම සම්පාදන නියෝජ්ය අමාත්ය, ගරු (ආචාර්ය) අනිල් ජයන්ත මහතා පිළිතුරු ලබා දුන්නේ ය.
පෞද්ගලික මන්ත්රීන්ගේ පනත් කෙටුම්පත්
“ශ්රී ලංකා ඖෂධ විද්යා සංගමය (සංස්ථාගත කිරීමේ)”
නමැති පනත් කෙටුම්පත ඉදිරිපත් කිරීමට ගරු (වෛද්ය) ජනක සේනාරත්න මහතාට අවසර දෙන ලදී.
කල් තැබීමේ යෝජනාව
“මත්ද්රව්ය උවදුරට එරෙහිව සටන් කිරීම” පිළිබඳ කල් තැබීමේ යෝජනාව ගරු පාර්ලිමේන්තු මන්ත්රිනී සමන්මලී ගුණසිංහ මහත්මිය විසින් යෝජනා කරන ලදී.
අනතුරුව, පාර්ලිමේන්තුව පැය 1746 ට 2026 ජුනි මස 26 වැනි සිකුරාදා පැය 0930 දක්වා කල් තබන ලදී.
පාර්ලිමේන්තු අත්පොත
ශ්රී ලංකාවේ මැතිවරණ ක්රමය
පාර්ලිමේන්තුවේ කටයුතු සිදුවන ආකාරය
පාර්ලිමේන්තුවේ කටයුතු
© ශ්රී ලංකා පාර්ලිමේන්තුව.
සියලු හිමිකම් ඇවිරිණි.
නිර්මාණය සහ සංවර්ධනය TekGeeks
