කථානායක ගරු (වෛද්ය) ජගත් වික්රමරත්න මහතා මූලසනාරූඪ විය.
ජනාධිපතිවරයාගෙන් ලැබෙන සංදේශ
1 : (40 වැනි අධිකාරිය වූ) මහජන ආරක්ෂක ආඥා පනත යටතේ ආඥාව
2 : (40 වැනි අධිකාරිය වූ) මහජන ආරක්ෂක ආඥා පනත යටතේ ආඥාව
කථානායකවරයා විසින් කරනු ලබන නිවේදන
3 : “පදිංචිකරුවන් ආරක්ෂා කිරීමේ” නමැති පනත් කෙටුම්පත සම්බන්ධයෙන් ශ්රේෂ්ඨාධිකරණය වෙත ඉදිරිපත් කරන ලද පෙත්සම්වල පිටපත් ලැබී ඇති බව
4 : පාර්ලිමේන්තු කටයුතු පිළිබඳ කාරක සභාවේ රැස්වීම
කථානායකවරයා විසින් ලිපිලේඛනාදිය පිළිගැන්වීම
2018 අංක 19 දරන ජාතික විගණන පනතේ 36(1) සහ 36(3) වගන්ති ප්රකාරව, ජාතික විගණන කාර්යාලයේ 2024 වර්ෂය සඳහා මූල්ය ප්රකාශන.
ලිපිලේඛනාදිය පිළිගැන්වීම
(i) 2025 අංක 3 දරන විසර්ජන පනතේ 6(1) වගන්තිය ප්රකාරව 2025.12.01 සිට 2025.12.31 දක්වා ජාතික අයවැය දෙපාර්තමේන්තුවේ වැය ශීර්ෂ අංක 240 යටතේ සංවර්ධන කටයුතු වැඩසටහනෙන් වෙන්කර ඇති ප්රතිපාදන මඟින් සිදු කරන ලද පරිපූරක වෙන්කිරීම් පිළිබඳ සටහන.
(ii) 1979 අංක 61 දරන අත්යාවශ්ය මහජන සේවා පනතේ 2 වගන්තිය ප්රකාරව ජනාධිපතිවරයා වෙත පැවරී ඇති බලතල අනුව, 2026 ජනවාරි 28 දිනැති අංක 2473/13 දරන අති විශේෂ ගැසට් පත්රයේ හා එහි උපලේඛනයෙහි පළ කරමින් කරන ලද ප්රකාශනය.
(iii) 2023 වර්ෂය සඳහා මාර්ග සංවර්ධන අධිකාරියේ වාර්ෂික වාර්තාව.
(iv) 2024 වර්ෂය සඳහා ජාතික ප්රවාහන වෛද්ය ආයතනයේ වාර්ෂික වාර්තාව.
(v) 2024 වර්ෂය සඳහා ආයුර්වේද වෛද්ය සභාවේ වාර්ෂික වාර්තාව.
(vi) 2024 වර්ෂය සඳහා සෙන්ට්රල් ඉංජිනියරින් සර්විසස් (ප්රයිවට්) ලිමිටඩ් හි වාර්ෂික වාර්තාව.
කාරක සභා වාර්තා පිළිගැන්වීම
(i) ඩිජිටල් ආර්ථික කටයුතු පිළිබඳ අමාත්යාංශයීය උපදේශක කාරක සභාවේ වාර්තාව, එම කාරක සභාවේ සභාපති වෙනුවෙන්, එහි සාමාජික පාර්ලිමේන්තු මන්ත්රී ගරු එරංග වීරරත්න මහතා විසින් පිළිගන්වන ලදී.
(ii) රාජ්ය පාලනය, යුක්තිය සහ සිවිල් ආරක්ෂණය පිළිබඳ ආංශික අධීක්ෂණ කාරක සභාවේ වාර්තා දෙකක්, එම කාරක සභාවේ සභාපති, ගරු පාර්ලිමේන්තු මන්ත්රී (වෛද්ය) නජිත් ඉන්දික මහතා විසින් පිළිගන්වන ලදී.
පෙත්සම් පිළිගැන්වීම
(i) ගරු පාර්ලිමේන්තු මන්ත්රී ලුතිනන් කොමාණ්ඩර් (විශ්රාමික) ප්රගීත් මධුරංග මහතා - පෙත්සම් දෙකයි
(ii) ගරු පාර්ලිමේන්තු මන්ත්රී සංජීව රණසිංහ මහතා
(iii) ගරු පාර්ලිමේන්තු මන්ත්රී දේවානන්ද සුරවීර මහතා - පෙත්සම් දෙකයි
(iv) ගරු පාර්ලිමේන්තු මන්ත්රී චන්දන සූරියආරච්චි මහතා
(පෙත්සම් මහජන පෙත්සම් පිළිබඳ කාරක සභාවට යොමු කරනු ලැබේ)
පාර්ලිමේන්තුවේ ස්ථාවර නියෝග 27(2) යටතේ ප්රශ්න
(i) ගරු සජිත් ප්රේමදාස මහතා
ජාතික කාන්තා කොමිසමේ ක්රියාකාරිත්වය
(ii) ගරු රවී කරුණානායක මහතා
‘දිට්වා’ සුළි කුණාටුවෙන් පසු වන්දි ලබාදීම, ප්රතිසංස්කරණ සහ නැවත පදිංචි කිරීම සඳහා ගත් පියවර ක්රියාත්මක කිරීම
අමාත්යාංශ නිවේදන
සංචාරක කර්මාන්තයේ දියුණු කිරීම සම්බන්ධයෙන් 2026.01.07 දින ගරු තිළිණ සමරකෝන් මහතා විසින් අග්රාමාත්යතුමියගෙන් අසන ලද ප්රශ්නයට අග්රාමාත්ය සහ අධ්යාපන, උසස් අධ්යාපන සහ වෘත්තීය අධ්යාපන අමාත්ය, ගරු ආචාර්ය හරිනි අමරසූරිය පිළිතුරු ලබා දුන්නා ය.
වරප්රසාද
පාර්ලිමේන්තු මන්ත්රී ගරු නීතිඥ අර්ජුන සුජීව සේනසිංහ මහතා විසින් තමන්ගේ වරප්රසාද කඩවී ඇති බවට 2026 ජනවාරි 07 දින පාර්ලිමේන්තුවේ දී මතු කරන ලද කරුණු සම්බන්ධ වරප්රසාද යෝජනාව ගරු විපක්ෂයේ ප්රධාන සංවිධායකවරයා විසින් ඉදිරිපත් කරන ලදුව, පාර්ලිමේන්තුවේ ස්ථාවර නියෝග 118 හි විධිවිධාන ප්රකාරව ආචාර ධර්ම සහ වරප්රසාද පිළිබඳ කාරක සභාවට යොමු කරන ලදී.
අද දින සභාවේ ප්රධාන කටයුතු
ශ්රී ලංකා විදුලි සංදේශ පනත යටතේ රෙගුලාසි (අද දින න්යාය පත්රයේ විෂය අංක 1 වශයෙන් සඳහන් වන)
සභාව විසින් අනුමත කරන ලදී.
සභාව කල් තබන අවස්ථාවේ යෝජනාව
“මුතුරාජවෙල තෙත්බිම් කලාපය ආරක්ෂා කිරීම” පිළිබඳ සභාව කල් තබන අවස්ථාවේ යෝජනාව ගරු පාර්ලිමේන්තු මන්ත්රී ලසිත් භාෂණ ගමගේ මහතා විසින් යෝජනා කරන ලදී.
අනතුරුව, පාර්ලිමේන්තුව පැය 1759 ට 2026 පෙබරවාරි මස 5 වැනි බ්රහස්පතින්දා පැය 0930 දක්වා කල් තබන ලදී.
පාර්ලිමේන්තු අත්පොත
ශ්රී ලංකාවේ මැතිවරණ ක්රමය
පාර්ලිමේන්තුවේ කටයුතු සිදුවන ආකාරය
පාර්ලිමේන්තුවේ කටයුතු
© ශ්රී ලංකා පාර්ලිමේන්තුව.
සියලු හිමිකම් ඇවිරිණි.
නිර්මාණය සහ සංවර්ධනය TekGeeks
