ගරු ලුතිනන් කොමාණ්ඩර් (විශ්රාමික) ප්රගීත් මධුරංග මහතා,— ආරක්ෂක අමාත්යතුමාගෙන් ඇසීමට,— (1)
(අ) (i) ‘අපි වෙනුවෙන් අපි’ අරමුදල පිහිටුවා ඇති පනත සහ එහි ප්රධාන කාර්යභාරය කවරේද;
(ii) අරමුදල මඟින් නිවාස ආධාර ලබාදීම සඳහා සුදුසුකම් ලබන සන්නද්ධ සේවා සාමාජිකයින් කවුරුන්ද;
(iii) අරමුදලේ පරිපාලන සහ කළමනාකරණ කටයුතු සිදු කරනු ලබන නිලධාරින් කවුරුන්ද;
(iv) අරමුදලේ ප්රධාන ආදායම් මාර්ග කවරේද;
යන්න එතුමා මෙම සභාවට දන්වන්නෙහිද?
(ආ) (i) අරමුදලේ මූල්ය කටයුතු සහ පරිපාලන කටයුතු රාජ්ය මූල්ය ප්රතිපත්ති අනුව ක්රියාත්මක කළ යුතු බවත් අරමුදල රජයේ විගණනයකට ලක්කළ යුතු බවත් පිළිගන්නේද;
(ii) 2024 වර්ෂයේ මූල්ය ප්රකාශන සහ විගණකාධිපති වාර්තාව පාර්ලිමේන්තුවට ඉදිරිපත් කර තිබේද;
යන්නත් එතුමා මෙම සභාවට දන්වන්නෙහිද?
(ඇ) (i) අරමුදල යටතේ ක්රියාත්මක වන ‘පූර්ණ නිවාස’ සහ ‘අර්ධ නිවාස’ ව්යාපෘති යනු කවරේද;
(ii) නිවසක් මිලදී ගැනීමට හෝ ඉදිකිරීමට ලබාදෙන මූල්ය ආධාර ප්රමාණය තීරණය කරනු ලබන පදනම කවරේද;
(iii) මේ වනවිට ඉදිකර ඇති නිවාස සංඛ්යාව කොපමණද;
(iv) ණය බරින් පීඩාවට පත් රණවිරුවන් සඳහා අරමුදල මඟින් මූල්යමය සහන ලබාදීමේ හැකියාවක් තිබේද;
(v) නොඑසේ නම්, ඒ මන්ද;
යන්න තවදුරටත් එතුමා මෙම සභාවට දන්වන්නෙහිද?
(ඈ) නොඑසේ නම්, ඒ මන්ද?
අසන ලද දිනය
2026-08-19
අසන ලද්දේ
ගරු ලුතිනන් කොමාණ්ඩර් (විශ්රාමික) ප්රගීත් මධුරංග මහතා, පා.ම.
අමාත්යාංශය
ආරක්ෂක
ව්යවස්ථාදායකය
ශ්රී ලංකා ප්රජාතාන්ත්රික සමාජවාදී ජනරජයේ දසවැනි පාර්ලිමේන්තුව
සභාවාරය
1 වැනි සභාවාරය
පාර්ලිමේන්තු අත්පොත
ශ්රී ලංකාවේ මැතිවරණ ක්රමය
පාර්ලිමේන්තුවේ කටයුතු සිදුවන ආකාරය
පාර්ලිමේන්තුවේ කටයුතු
© ශ්රී ලංකා පාර්ලිමේන්තුව.
සියලු හිමිකම් ඇවිරිණි.
නිර්මාණය සහ සංවර්ධනය TekGeeks
