ගරු ඉම්රාන් මහරූෆ් මහතා,— සෞඛ්‍ය සහ ජනමාධ්‍ය අමාත්‍යතුමාගෙන් ඇසීමට,— (1)
(අ) (i) තැපැල් දෙපාර්තමේන්තුව පිහිටුවන ලද වර්ෂය කවරේද;
(ii) මේ වනවිට මෙරට පිහිටි ප්‍රධාන හා උප තැපැල් කාර්යාල සංඛ්‍යාව වෙන් වෙන් වශයෙන් කොපමණද;
(iii) මේ වනවිට තැපැල් දෙපාර්තමේන්තුවේ සේවය කරන සේවකයින් සංඛ්‍යාව කොපමණද;
(iv) එම දෙපාර්තමේන්තුවේ මේ වනවිට පවතින පුරප්පාඩු සංඛ්‍යාව කොපමණද;
(v) එම පුරප්පාඩු පිරවීම සඳහා ගෙන ඇති ක්‍රියාමාර්ග කවරේද;
යන්න එතුමා මෙම සභාවට දන්වන්නෙහිද?
(ආ) (i) තැපැල් සේවකයින්ට තැපැල් බෙදාහැරීම සඳහා යතුරුපැදි ලබාදිය යුතු බවට ඉල්ලීමක් පවතින බව දන්නේද;
(ii) එසේ නම්, එම ඉල්ලීම සම්බන්ධයෙන් රජයේ ස්ථාවරය කවරේද;
යන්නත් එතුමා මෙම සභාවට දන්වන්නෙහිද?
(ඇ) නොඑසේ නම්, ඒ මන්ද?
අසන ලද දිනය
2026-08-18
අසන ලද්දේ
ගරු ඉම්රාන් මහරූෆ් මහතා, පා.ම.
අමාත්‍යාංශය
සෞඛ්‍ය සහ ජනමාධ්‍ය
ව්‍යවස්ථාදායකය
ශ්‍රී ලංකා ප්‍රජාතාන්ත්‍රික සමාජවාදී ජනරජයේ දසවැනි පාර්ලිමේන්තුව
සභාවාරය
1 වැනි සභාවාරය
(අ) (i) 1798 වර්ෂයේ.
(ii) අධි ශ්‍රේණි තැපැල් කාර්යාල - 52
පළමු පෙළ තැපැල් කාර්යාල - 249
දෙවන පෙළ තැපැල් කාර්යාල - 301
මුළු තැපැල් කාර්යාල සංඛ්‍යාව - 647
උප තැපැල් කාර්යාල සංඛ්‍යාව - 3,282
(iii) ස්ථිර සේවකයන් සංඛ්‍යාව - 17,830
ලියාපදිංචි ආදේශකයන් - 1,660
සංඛ්‍යාව
මුළු සේවක සංඛ්‍යාව - 19,490
(iv) ස්ථිර සේවක පුරප්පාඩු සංඛ්‍යාව - 4,753
ලියාපදිංචි ආදේශක පුරප්පාඩු - 3,128
සංඛ්‍යාව
මුළු පුරප්පාඩු සංඛ්‍යාව - 7,881
(v) • විධායක සේවා ගණයේ III ශ්‍රේණියේ තැපැල් අධිකාරීන් 21 දෙනෙකු (අභ්‍යන්තර) බඳවාගෙන ඇත.
• තැපැල් සේවා නිලධාරීන් 461 දෙනෙකු විවෘත තරග විභාගයෙන් බඳවාගෙන ඇත.
• තැපැල් සහායකයන් 732 දෙනෙකු සඳහා ස්ථිර පත්වීම් ලබා දී ඇත.
• රියදුරන් 40ක් විවෘත තරග විභාගයෙන් බඳවාගෙන ඇත.
• උප තැපැල් ස්ථානාධිපතීන් 367ක් සඳහා ස්ථිර පත්වීම් ලබා දී ඇත.
• ලියාපදිංචි ආදේශකයන් 1,000ක් බඳවා ගැනීම සඳහා මේ වන විට දිවයින පුරා සම්මුඛ පරීක්ෂණ ආරම්භ කර ඇත.
(ආ) (i) ඔව්.
(ii) 2026 වර්ෂය සඳහා විද්‍යුත් යතුරු පැදි - e-motorbikes - 165ක් සහ විද්‍යුත් ත්‍රීරෝද රථ - e-three-wheelers - 20ක් මිලදී ගැනීමට නියමිතය. ඉදිරියේදී අදියර වශයෙන් ඉතිරි යතුරු පැදි අවශ්‍යතාව සපුරා ගැනීමට නියමිතයි.
(ඇ) අදාළ නොවේ.
පිළිතුරු දුන් දිනය
2026-08-18
විසින් පිළිතුරු දෙන ලදී
ගරු (ආචාර්ය) කෞෂල්‍යා ආරියරත්න මෙනවිය, පා.ම.
පාර්ලිමේන්තු අත්පොත
ශ්‍රී ලංකාවේ මැතිවරණ ක්‍රමය
පාර්ලිමේන්තුවේ කටයුතු සිදුවන ආකාරය
පාර්ලිමේන්තුවේ කටයුතු
© ශ්‍රී ලංකා පාර්ලිමේන්තුව.
සියලු හිමිකම් ඇවිරිණි.
නිර්මාණය සහ සංවර්ධනය TekGeeks
