පිළිතුර
ගරු කථානායකතුමනි, කර්මාන්ත සහ ව්යවසායකත්ව සංවර්ධන අමාත්යතුමා වෙනුවෙන් මා එම ප්රශ්නයට පිළිතුර ලබා දෙනවා.
(අ) (i) පැල්වත්ත - හෙක්ටෙයාර 9,595යි.
සෙවනගල - හෙක්ටෙයාර 7,518යි.
(ii)
|
විස්තරය
|
පැල්වත්ත (හෙක්ටෙයාර)
|
සෙවනගල (හෙක්ටෙයාර)
|
|
මුළු වපසරිය
|
9,595
|
7,518
|
|
උක් වගා වපසරිය
|
8,791
|
3,385
|
|
ඉතිරි වපසරිය (වෙනත් භෝග, අනවසර ඉදිකිරීම්)
|
804
|
830
|
(අනවසර කටයුතු සඳහා නීති මඟින් කටයුතු කරමින් පවතී)
(iii) සෙවනගල
- · 2025 වර්ෂයේදී කර්මාන්තශලාවෙහි ක්රියාත්මක වූ කටර් මෝටර් එකක් අක්රිය වීම සහ රික්ත උදුන් 02ක් අක්රිය වීම නිසා අපේක්ෂිත උක් ඇඹරීම අඩු වීම හේතුවෙන් සහ ගොවි උද්ඝෝෂණ හේතුවෙන් මසකට ආසන්න කාලයක් සීනි නිෂ්පාදන කටයුතු සිදු කිරීමට නොහැකි විය.
- · එතනෝල් අළෙවිය අඩු වීම හේතුවෙන් 2023, 2024 සහ 2025 වර්ෂවල එතනෝල් නිෂ්පාදනයේ යම් අඩුවක් දක්නට ලැබේ.
පැල්වත්ත
- · 2025 වර්ෂයේදී පැල්වත්ත ඒකකයේ නිෂ්පාදන කටයුතු සැලසුම් කර ඇති පරිදි සිදු කරනු ලැබීය.
2025 මහ කන්නයෙන් අනතුරුව නඩත්තු කටයුතු සඳහා දැනට කර්මාන්තශාලා දෙකෙහිම නිෂ්පාදන කටයුතු නතර කර ඇති අතර, 2026 යල කන්නය සඳහා පෙබරවාරි මස මැදදී නැවත නිෂ්පාදන කටයුතු ඇරඹීමට නියමිතය.
(iv)
|
වර්ෂය
|
පැල්වත්ත
|
සෙවනගල
|
|
|
සීනි නිෂ්පාදනය (මෙට්රික් ටොන්)
|
සීනි අළෙවිය (මෙට්රික් ටොන්)
|
සීනි නිෂ්පාදනය (මෙට්රික් ටොන්)
|
සීනි අළෙවිය (මෙට්රික් ටොන්)
|
|
2020
|
23,582.15
|
17,614
|
16,115
|
13,851
|
|
2021
|
30,381.20
|
33,304
|
17,796
|
15,647
|
|
2022
|
24,110.25
|
23,217
|
12,628
|
14,632
|
|
2023
|
28,076.65
|
20,303
|
13,784
|
12,089
|
|
2024
|
27,790.85
|
15,415
|
11,930
|
9,901
|
|
2025
|
27,361.05
|
23,003
|
8,091
|
8,742
|
(v) සෙවනගල
- · පෙර වර්ෂයන්ට සාපේක්ෂව 2025 වර්ෂයේ සෙවනගල කර්මාන්තශාලාවේ සිදු වූ හදිසි බිඳවැටීම් හේතුවෙන් දෛනිකව ලබා දීමට නියමිත උක් සලාකය නිසි වේලාවට කම්හල වෙත ලබා ගැනීමට නොහැකි විය. එමෙන්ම, උක් වගාවන් කඩාකප්පල්කාරී ලෙස ගිනි තැබීම හේතුවෙන් දිගින් දිගටම සිදු වූ ගොවි උද්ඝෝෂණ හේතුවෙන් ද මසකට ආසන්න කාලයක් කර්මාන්තශාලාවේ නිෂ්පාදන කටයුතු සිදු කිරීමට නොහැකි විය.
- · එමෙන්ම, 2024දී VAT එක පැනවීමෙන් පසු සීනි හා එතනෝල් නිසි පරිදි ප්රමාණාත්මකව අළෙවි කර ගැනීමට නොහැකිවීම මත ආයතනයේ පැවති අයහපත් මූල්යමය තත්ත්වය හේතුවෙන් කර්මාන්තශාලාවේ හදිසි බිඳවැටීම් හා නඩත්තු කටයුතු සඳහා අවශ්ය යන්ත්රෝපකරණ හා අමතර කොටස් තොග ගබඩාවන්හි පවත්වා ගෙන යාමට නොහැකි වීම හා යන්ත්රෝපකරණ හා අමතර කොටස් නිසි කාලපරිච්ඡේදයේදී මිලදී ගැනීමට අදාළ ප්රසම්පාදන කටයුතු සිදු කිරීමට නොහැකි වීම මත ඇඹරුම් ධාරිතාව අපේක්ෂිත මට්ටමට වඩා අඩු විය. ඒ හේතුව මත 2025 සඳහා අපේක්ෂිත උක් ප්රමාණය අඹරා ගැනීමට නොහැකි විය.
- · තවද, ඇඹරුම් කටයුතු සඳහා යොදා ගන්නා කටර් මෝටර් දෙකෙන් එක් මෝටරයක් අක්රිය වීම නිසා එය අලුත්වැඩියා කිරීමට ජාත්යන්තර මිල ගණන් කැඳවීමට සිදු වූ බැවින් එහි අලුත්වැඩියා කටයුතු ප්රමාදවීම හේතුවෙන් එක් මෝටරයක් පමණක් ක්රියාත්මක කිරීම හේතුවෙන් ඇති වූ අවදානම් තත්ත්වය නිසා නියමිත ඇඹරුම් ධාරිතාව පවත්වාගෙන යාමට හැකියාවක් නොතිබීම.
- · සීනි නිෂ්පාදනය කිරීමේදී දෛනිකව vacuum fans 4ක් යොදා ගනු ලැබුවත් ඉහත කාල පරිච්ඡේදය තුළ ඉන් එක් vacuum fan 1ක් අලුත්වැඩියා කිරීම සඳහා පළමුවර ගෙන්වන ලද ERW පයිප්ප අදාළ පිරිවිතරයන්ට නොගැළපීම හේතුවෙන් නැවත ජාත්යන්තර මිල ගණන් කැඳවීමට සිදුවීම මත එහි අලුත්වැඩියා කටයුතු ප්රමාදවීම හේතුවෙන් දෛනික උක් ඇඹරුම් ධාරිතාව අඩු වීම මත නියමිත උක් ප්රමාණය අඹරා ගැනීමට නොහැකි විය.
පැල්වත්ත
පැල්වත්ත කර්මාන්තශාලාව මඟින් උක් ලබා ගැනීමේ ක්රියාවලිය ඇනහිට තිබුණේ නැත.
(vi) සෙවනගල
2025 ජූනි සිට සැප්තැම්බර් දක්වා සේවක අර්ථසාධක අරමුදල් - EPF - රුපියල් මිලියන 46.77ක් හිඟව ඇති අතර, 2025 ඔක්තෝබර් මස සිට අදාළ ගෙවීම් නිසි පරිදි සිදු කරනු ඇත.
පැල්වත්ත
සේවක අර්ථසාධක අරමුදල් සඳහා දායක මුදල් ගෙවීම 2024 දෙසැම්බර් මස සිට 2025 සැප්තැම්බර් මස දක්වා රුපියල් මිලියන 370.5ක් හිඟව පවතී.
- · 2025 ඔක්තෝබර් මස සිට ගෙවිය යුතු සේවක භාරකාර අරමුදල් නිසි පරිදි නියමිත දිනට ගෙවීමට කටයුතු කර ඇත.
- · ඉහත හිඟහිටි මුදලින් අමප/25/1673/804/202 හා 2025.09.23 දිනැති අමාත්ය මණ්ඩල තීරණය මඟින් අනුමැතිය ලබා දී ඇති රුපියල් මිලියන 291ක සේවක අර්ථසාධක අරමුදල් පියවීම සඳහා 2026 රාජ්ය අය වැය මඟින් මුදල් වෙන් කර ඇත. එමෙන්ම 2025 ඔක්තෝබර් මස සිට සේවක අර්ථසාධක අරමුදල සහ සේවක භාරකාර අරමුදල සදහා දායක මුදල් මාසිකව නියමිත දිනයට ගෙවීමට කටයුතු කර ඇත.
(vii) · 2011.11.11 දින රජයට පවරා ගන්නා ලද නිලධාරින් සහ සේවක මණ්ඩලය 5,000කට ආසන්න සංඛ්යාවක් සේවය කරනු ලබන සී/ස ලංකා සීනි සමාගමේ කාර්ය මණ්ඩලය සකස් කර කළමනාකරණ සේවා දෙපාර්තමේන්තුව මඟින් අනුමත කර ගැනීමක් මේ දක්වා සිදු කර නොමැත. ඒ හේතුවෙන් රාජ්ය වැටුප් තලයන්හි මෙම ආයතන සේවකයින් පිහිටුවා නොමැත. මේ වන විට එම කටයුතු අවසන් අදියර දක්වා පැමිණ ඇත. කාර්ය මණ්ඩලය අනුමත වීමෙන් පසු ආයතනයේ සියලු සේවකයින් රාජ්ය වැටුප් චක්රලේඛ අනුව තෘප්තිමත් වැටුප් තලවල පිහිටුවීමට හැකියාවක් පවතී.
- · එමෙන්ම නිසි පරිදි අධ්යාපන සුදුසුකම් මත බාහිර අයදුම්කරුවන් සමාගමට බඳවා ගැනීමක් සිදු කර නොමැත. අභ්යන්තර බඳවා ගැනීම් ද නිසි ක්රමවේද අනුව ආයතනය තුළ වූ පළපුරුද්ද මත සිදු කර නොමැත. අභ්යන්තර උසස්වීම් ද නිසි ක්රමවේද අනුව සුදුස්සාට සුදුසු ස්ථානයක් ලැබෙන ආකාරයෙක් සිදු කර නොමැති බව අධ්යයනය මඟින් මෙන්ම ලැබී ඇති විගණන විමසුම්වලින් ද පැහැදිලි වේ. කාර්ය මණ්ඩලය අනුමත කිරීම තුළින් රාජ්ය සේවයේ සමාගමක් සඳහා වන බඳවා ගැනීමේ පටිපාටි සකස් කර ගැනීමේ කටයුතු ද මේ වන විට අවසන් අදියරෙහි පවතී. නියමිත බඳවා ගැනීමේ පටිපාටි තුළින් සමාගමේ සේවයට බාහිරව මෙන්ම අභ්යන්තරව බඳවා ගැනීම මෙන්ම උසස්වීම් ද නිසි පරිදි සිදු කිරීමට හැකියාව ලැබීම තුළ සේවක අයිතිවාසිකම් ඉටු කිරීමට හැකියාව ලැබේ.
- · ඉහත කාරණා ඉතා කෙටි කාලයක් තුළ සම්පූර්ණ කිරීමට අවශ්ය කටයුතු මේ වන විට ඉටු කරමින් පවතින අතර ඒ තුළින් තෘප්තිමත් රැකියා පරිසරයක් ඇති කිරීම සහ සේවක අයිතිවාසිකම් ආරක්ෂා කර දීම සිදු කළ හැකි වේ.
- රාජ්ය මැදිහත්වීම මත දැනට හිඟව පවතින ඉහත (vi) මඟින් දක්වා ඇති ව්යවස්ථාපිත දීමනා ගෙවීමට 2026 අය වැය මඟින් ප්රතිපාදන සලසා ඇත.
- · සීනි නිෂ්පාදනය කරනු ලබන සියලු ආයතන එක්ව සීනි හා එතනෝල් සඳහා ස්ථාවර විකුණුම් මිලක් තීරණය කර ඒ යටතේ අළෙවි කිරීමට කටයුතු කරගෙන යාම ද දැනට සිදු කරමින් පවතී.
(ආ) අදාළ නොවේ.
