1431/2025
ගරු අජිත් ගිහාන් මහතා,— වෙළෙඳ, වාණිජ, ආහාර සුරක්ෂිතතා සහ සමූපකාර සංවර්ධන අමාත්යතුමාගෙන් ඇසීමට,—
(අ) (i) එකම භාණ්ඩය වෙළෙඳපොළ තුළ විවිධ මිල ගණන් යටතේ අළෙවි කරන බවත්;
(ii) ප්රමිතියෙන් තොර ආහාර හා පරිභෝජන භාණ්ඩ වෙළෙඳසැල්වල විකිණීමට ඇති බවත්;
එතුමා දන්නෙහිද?
(ආ) (i) පරිභෝජනයට නුසුදුසු ආහාර සහ භාණ්ඩ වෙළෙඳපොළට නිකුත් කිරීම වැළැක්වීම සඳහා වැඩපිළිවෙළක් තිබේද;
(ii) එසේ නම්, එම වැඩපිළිවෙළ කවරේද;
යන්න එතුමා මෙම සභාවට දන්වන්නෙහිද?
(ඇ) නොඑසේ නම්, ඒ මන්ද?
අසන ලද දිනය
2025-11-18
අසන ලද්දේ
ගරු අජිත් ගිහාන් මහතා, පා.ම.
අමාත්යාංශය
වෙළෙඳ, වාණිජ, ආහාර සුරක්ෂිතතා සහ සමූපකාර සංවර්ධන
ව්යවස්ථාදායකය
ශ්රී ලංකා ප්රජාතාන්ත්රික සමාජවාදී ජනරජයේ දසවැනි පාර්ලිමේන්තුව
සභාවාරය
1 වැනි සභාවාරය
(අ) (i) ඔව්.
(ii) ඔව්.
(ආ) (i) ඔව්.
(ii) වර්තමානයේ පවතින ආර්ථික තත්ත්වයන් හා වෙළෙඳ ක්රියාකාරකම් හමුවේ පාරිභෝගිකයාගේ ආරක්ෂාව සහතික කිරීම අප අමාත්යාංශයේ මූලික ඉලක්කය වේ. අසාධාරණයට ලක්වන පාරිභෝගිකයන්ගේ පමණක් නොව වෙළෙඳුන්ගේද අයිතිවාසිකම් රැක ගැනීම සඳහා අමාත්යාංශය යටතේ පිහිටුවා ඇති පාරිභෝගික කටයුතු පිළිබඳ අධිකාරිය මැදිහත් වේ. 2003 අංක 9 දරන පාරිභෝගික කටයුතු පිළිබඳ අධිකාරිය පනත මඟින් භාණ්ඩ හා සමහර විශේෂ සේවා යන අංශ දෙකම පිළිබඳව ක්රියා කිරීමේ බලතල අධිකාරිය (පාරිභෝගික කටයුතු හා තොරතුරු අංශය) වෙත පවරා ඇත. වෙළෙඳාම සහ භාණ්ඩ හා සේවාවල මිල විධිමත් කිරීම මඟින් පාරිභෝගිකයන් වඩා හොඳින් ආරක්ෂා කිරීම සහ සාධාරණ වෙළෙඳ පිළිවෙත් හා සීමිත වෙළෙඳ පිළිවෙත්වලට එරෙහිව වෙළෙන්දන් හා නිෂ්පාදකයන් ආරක්ෂා කිරීම සඳහා විධිවිධාන සැලැස්වීම ශ්රී ලංකා ආණ්ඩුවේ ප්රතිපත්තිය වන හෙයින් ඒ සඳහා පහත සඳහන් ක්රියාමාර්ග අමාත්යාංශය මඟින් ගෙන කටයුතු කරනු ලබයි.
එසේ වුවත්, සෞඛ්ය අමාත්යාංශය හා එක්ව මේ කරුණු පිළිබඳව මැදිහත් වී අවශ්ය සම්බන්ධීකරණයක් පාරිභෝගික කටයුතු පිළිබඳ අධිකාරිය මඟින් සිදු කරමින් පවතී.
උදාහරණ: සහල්, ටින් මාළු, පානීය ජල බෝතල්.
තවදුරටත් පාරිභෝගිකයාට සංවේදී වන භාණ්ඩ සඳහා ප්රමිතිය අනිවාර්ය කිරීම මඟින් පාරිභෝගිකයා ආරක්ෂා කිරීම සඳහා අදාළ ආයතන හා එක්ව අවශ්ය කටයුතු මේ වන විටත් සිදු කරමින් පවතී.
(ඇ) අදාළ නොවේ.
පිළිතුරු දුන් දිනය
2025-11-18
විසින් පිළිතුරු දෙන ලදී
ගරු උපාලි සමරසිංහ මහතා, පා.ම.
පාර්ලිමේන්තු අත්පොත
ශ්රී ලංකාවේ මැතිවරණ ක්රමය
පාර්ලිමේන්තුවේ කටයුතු සිදුවන ආකාරය
පාර්ලිමේන්තුවේ කටයුතු
© ශ්රී ලංකා පාර්ලිමේන්තුව.
සියලු හිමිකම් ඇවිරිණි.
නිර්මාණය සහ සංවර්ධනය TekGeeks
