1358/2025
ගරු (වෛද්‍ය) නජිත් ඉන්දික මහතා,— ග්‍රාමීය සංවර්ධන, සමාජ ආරක්ෂණ සහ ප්‍රජා සවිබලගැන්වීම් අමාත්‍යතුමාගෙන් ඇසීමට,—
(අ) (i) ආබාධිත පුද්ගලයන්ට වෘත්තීය අධ්‍යාපනය ලබා දීම සඳහා සමාජ සේවා දෙපාර්තමේන්තුව යටතේ පවතින පුහුණු මධ්‍යස්ථාන සංඛ්‍යාව කොපමණද;
(ii) එම මධ්‍යස්ථානවල මේ වනවිට පුහුණුව ලබන සිසුන් සංඛ්‍යාව කොපමණද;
(iii) ඉහත මධ්‍යස්ථානවලට සිසුන් බඳවාගැනීමේ ක්‍රමවේදය කවරේද;
(iv) එම මධ්‍යස්ථාන සඳහා වාර්ෂිකව බඳවාගන්නා සිසුන් සංඛ්‍යාව කොපමණද;
(v) වෘත්තීය පුහුණුව ලබා ගැනීම සඳහා එම මධ්‍යස්ථානවලට වාර්ෂිකව ලැබෙන අයදුම්පත්‍ර සංඛ්‍යාව කොපමණද;
(vi) එම අයදුම්පත්‍ර අනුව බඳවා ගනු ලබන සිසුන් හැර ඉතිරි සිසුන් සම්බන්ධයෙන් අනුගමනය කරනු ලබන ක්‍රියාමාර්ග කවරේද;
යන්න එතුමා මෙම සභාවට දන්වන්නෙහිද?
(ආ) (i) ඉහත මධ්‍යස්ථානවල ප්‍රමාණවත් පරිදි පුහුණුකරුවන් සිටින්නේද;
(ii) නොඑසේ නම්, නව පුහුණුකරුවන් බඳවාගැනීම සඳහා ගෙන ඇති ක්‍රියාමාර්ග කවරේද;
(iii) ඉහත මධ්‍යස්ථාන පවත්වාගෙන යාම සඳහා වාර්ෂිකව වැය කරනු ලබන මුදල කොපමණද;
යන්නත් එතුමා මෙම සභාවට දන්වන්නෙහිද?
(ඇ) නොඑසේ නම්, ඒ මන්ද?
අසන ලද දිනය
2025-10-24
අසන ලද්දේ
ගරු (වෛද්‍ය) නජිත් ඉන්දික මහතා, පා.ම.
අමාත්‍යාංශය
ග්‍රාමීය සංවර්ධන, සමාජ ආරක්ෂණ සහ ප්‍රජා සවිබලගැන්වීම්
ව්‍යවස්ථාදායකය
ශ්‍රී ලංකා ප්‍රජාතාන්ත්‍රික සමාජවාදී ජනරජයේ දසවැනි පාර්ලිමේන්තුව
සභාවාරය
1
පිළිතුරු දුන් දිනය
0000-00-00
පාර්ලිමේන්තු අත්පොත
ශ්‍රී ලංකාවේ මැතිවරණ ක්‍රමය
පාර්ලිමේන්තුවේ කටයුතු සිදුවන ආකාරය
පාර්ලිමේන්තුවේ කටයුතු
© ශ්‍රී ලංකා පාර්ලිමේන්තුව.
සියලු හිමිකම් ඇවිරිණි.
නිර්මාණය සහ සංවර්ධනය TekGeeks
