1063/2025
ගරු රෝහිත අබේගුණවර්ධන මහතා,— වෙළෙඳ, වාණිජ, ආහාර සුරක්ෂිතතා සහ සමූපකාර සංවර්ධන අමාත්යතුමාගෙන් ඇසීමට,—
(අ) (i) වර්තමාන රජය බලයට පත් වීමෙන් පසු මේ දක්වා ශ්රී ලංකාවට ආනයනය කර ඇති සහල් ප්රමාණය කොපමණද;
(ii) එම සහල් වර්ග කවරේද;
(iii) එම සහල් කිලෝ ග්රෑම් එකක් සඳහා අය කරන ලද බදු මුදල කොපමණද;
(iv) එමඟින් උපයාගෙන ඇති මුළු ආදායම කොපමණද;
(v) ආනයනය කරන ලද සහල් කිලෝ ග්රෑම් එකක් සඳහා පනවන ලද පාලන මිල කොපමණද;
යන්න එතුමා මෙම සභාවට දන්වන්නෙහිද?
(ආ) (i) ඉදිරියේදී සහල් ආනයනය කිරීමට අපේක්ෂා කරන්නේද;
(ii) සහල් ආනයනය කිරීමෙන් දේශීය වී ගොවියාට සිදු වන බලපෑම කවරේද;
(iii) ඉදිරියේදී සහල් ආනයනය අවම කිරීම සඳහා ක්රියාත්මක කිරීමට අපේක්ෂා කරනු ලබන ජාතික වැඩපිළිවෙළ කවරේද;
යන්නත් එතුමා මෙම සභාවට දන්වන්නෙහිද?
(ඇ) නොඑසේ නම්, ඒ මන්ද?
අසන ලද දිනය
2025-11-18
අසන ලද්දේ
ගරු රෝහිත අබේගුණවර්ධන මහතා, පා.ම.
අමාත්යාංශය
වෙළෙඳ, වාණිජ, ආහාර සුරක්ෂිතතා සහ සමූපකාර සංවර්ධන
ව්යවස්ථාදායකය
ශ්රී ලංකා ප්රජාතාන්ත්රික සමාජවාදී ජනරජයේ දසවැනි පාර්ලිමේන්තුව
සභාවාරය
1 වැනි සභාවාරය
(අ) (i) වර්තමාන රජය බලයට පත්වීමෙන්පසු මේ දක්වා (2024.11.18 දින සිට 2025.11.13 දක්වා) ශ්රී ලංකාවට ආනයනය කර ඇති සහල් ප්රමාණය ශ්රී ලංකා රේගු වාර්තාවලට අනුව සහල් මෙට්රික් ටොන් 263,878ක් වේ.
(ii)
(iii) මෙසේ ගෙන්වන ලදන එක් එක් සහල් වර්ග කිලෝග්රෑම් එකක් සඳහා අය කරන ලද බදු මුදල පහත වගුවෙහි දක්වා ඇත.
(iv) වෙළෙඳ හා ආයෝජන ප්රතිපත්ති දෙපාර්තමේන්තුව දක්වා ඇති පරිදි 2024.11.25 දින සිට 2025.10.31 දින දක්වා රේගු සංකේතාංක 1006.30.19 සහ 1006.30.29 යටතේ වර්ගීකරණය වන සහල් ආනයනය මත රජය උපයාගෙන ඇති විශේෂ වෙළෙද භාණ්ඩ බදු ආදායම රුපියල් මිලියන 14,686ක් වේ.
(v) ආනයනය කරන ලද සහල් කිලෝග්රෑම් එකක් සඳහා පනවන ලද පාලන මිල පහතින් දක්වා ඇත.
|
ගැසට් නිවේදන අංකය |
දිනය |
සහල් වර්ගය |
කි.ග්රෑ. 1 සඳහා පාලන මිල |
|
2459/12 |
2025.10.21 |
කැකුළු |
210.00 |
|
|
|
නාඩු |
220.00 |
|
|
|
සම්බා |
230.00 |
|
|
|
පොන්නි සම්බා -GR 11 |
240.00 |
|
|
|
කීරි පොන්නි/ පාල් පොන්නි |
255.00 |
(ආ) (i) දැනට අපේක්ෂා නොකරයි.
එසේ වුවද, බාස්මතී වැනි විශේෂිත සහල් වර්ග ආනයනය කිරීම සඳහා බාධාවක් නොමැත.
(ii) වෙළෙඳ පොළේ සහල් හිඟයක් ඇතිවන අවස්ථාවන්හී දී පමණක් සහල් ආනයනය සිදු කිරීම පිළිබඳ සලකා බලන බැවින් දේශීය වී ගොවියාට බලපෑමක් සිදු නොවේ.
(iii) කෘෂිකර්ම අමාත්යාංශය දක්වන පරිදි,
1. දැනට ක්රියාත්මක වැඩ පිළිවෙළ නව්යතාවෙන් යුතුව ශක්තිමත්ව ඉදිරියට සිදු කරගෙන යාම.
- අභිජනන බීජ වී සම්පූර්ණ අවශ්යතාවය සැපයීම තුළින් බීජ ගුණය ක්රියාවලිය අඛණ්ඩව පවත්වා ගැනීම හා බීජ ගුණාත්මය තහවුරු කිරීම.
- පොහොර කාර්යක්ෂමතාව වැඩි කිරීමේ ක්රම හඳුන්වා දීම.
- නව පරම්පරාවේ පොහොර භාවිතය ප්රචලිත කිරීම හා පස පරීක්ෂා කර පොහොර යෙදීම මඟින් තවදුරටත් අස්වැන්න ඉහළ නැංවීම.
- කම්කරු ශ්රමය හිඟවීම නිසා සීමා වී ඇති නිෂ්පාදාත භූමි යාන්ත්රීකරණය මඟින් කාර්යක්ෂමව භාවිත කිරීමට හැකි ක්රමවේද හඳුන්වා දීම.
- ඩ්රෝන තාක්ෂණය ඇතුළුව නව තාක්ෂණයන් හඳුන්වාදීම හා භාවිතය ප්රචලිත කිරීම ඔස්සේ තරුණයන් වී වගාව සඳහා ආකර්ෂණය කරවීම.
- යෙදැවුම් පිරිවැය අඩු කිරීම සඳහා රෝග හා පළිබෝධ පාලන ක්රමවේද, ජල කළමනාකරණය කාර්යක්ෂම කර ගැනීමේ ක්රමවේද, වල් වී පාලනය හා වල් පැළ පාලනය සඳහා කාර්යක්ෂම ක්රමවේද හඳුනා ගැනීම වැනි දේශීය නිෂ්පාදනය ඉහළ නැංවීමට අවශ්ය වැඩ පිළිවෙළ ක්රියාත්මක කෙරෙමින් පවතී.
2. දේශීය වී නිෂ්පාදනය ඉහළ නැංවීම සඳහා "පුනරුදයට අරුණළු" වැඩසටහනට සමගාමීව සිදු කෙරෙන යාය වැඩසටහන
වී නිෂ්පාදන යාය වැඩසටහනට සමගාමීව සිදු කරන ප්රවර්ධන කටයුතු මඟින් හා වී වගාවේ තාක්ෂණික පැකේජය භාවිත කිරීම තුළින් පහත පරිදි වී අස්වනු අපේක්ෂා කරනු ලැබේ.
මෙම නිෂ්පාදන දත්ත අනුව 2026 වර්ෂයේ සහල් අවශ්යතාව සපුරා ගැනීමට හැකිවනු ඇත. නමුත්, සහල් පිටි ආශ්රිත ආහාර කර්මාන්තය සහ සත්ව ආහාර සඳහා සහල් අවශ්යතාව වැඩි වීමේ ප්රවණතාවක් පවතින බැවින් තව දුරටත් 2028 වර්ෂය දක්වා වී නිෂ්පාදනය වැඩි කිරීමට සැලසුම් කර ඇත.
3. ගුණාත්මක හා තත්ත්වයෙන් උසස් බිත්තර වී සුලභතාව ඉහළ නැංවීම.
(ඇ) අදාළ නොවේ.
පිළිතුරු දුන් දිනය
2025-11-18
විසින් පිළිතුරු දෙන ලදී
ගරු ආර්.එම්. ජයවර්ධන මහතා, පා.ම.
පාර්ලිමේන්තු අත්පොත
ශ්රී ලංකාවේ මැතිවරණ ක්රමය
පාර්ලිමේන්තුවේ කටයුතු සිදුවන ආකාරය
පාර්ලිමේන්තුවේ කටයුතු
© ශ්රී ලංකා පාර්ලිමේන්තුව.
සියලු හිමිකම් ඇවිරිණි.
නිර්මාණය සහ සංවර්ධනය TekGeeks
