680/2025
ගරු හෙක්ටර් අප්පුහාමි මහතා,— පරිසර අමාත්යතුමාගෙන් ඇසීමට,—
(අ) (i) නොරොචෝලේ ගල් අඟුරු බලාගාරයේ ගල් අඟුරු දහනය හේතුවෙන් ඒ අවට ගම්මානවල පදිංචි වී සිටින ජනතාව පාරිසරික ගැටලු රාශියකට මුහුණදී සිටින බව දන්නේද;
(ii) එම පාරිසරික ගැටලු විසඳීම සඳහා ගනු ලබන ක්රියාමාර්ග කවරේද;
යන්න එතුමා මෙම සභාවට දන්වන්නෙහිද?
(ආ) නොඑසේ නම්, ඒ මන්ද?
අසන ලද දිනය
2025-11-20
අසන ලද්දේ
ගරු හෙක්ටර් අප්පුහාමි මහතා, පා.ම.
අමාත්යාංශය
පරිසර
ව්යවස්ථාදායකය
ශ්රී ලංකා ප්රජාතාන්ත්රික සමාජවාදී ජනරජයේ දසවැනි පාර්ලිමේන්තුව
සභාවාරය
1 වැනි සභාවාරය
(අ) (i) නොරොච්චෝලේ ගල් අඟුරු බලාගාරයේ ගල් අඟුරු දහනය හේතුවෙන් සිදු වන පාරිසරික ගැටලු සම්බන්ධව කිසිදු පැමිණිල්ලක් මෑතකදී වයඹ පළාත් පරිසර අධිකාරිය වෙත වාර්තා වී නොමැති බව එම අධිකාරිය විසින් දැනුම් දී ඇත.
(ii) නොරොච්චෝලේ පිහිටි ගල් අඟුරු බලාගාරයේ ක්රියාකාරීත්වය හේතු කොටගෙන ඇති වන පාරිසරික ගැටලු පාලනය කර සම්මත ප්රමිති හා උපමාන යටතේ කර්මාන්තය පවත්වාගෙන යාම සඳහා පරිසර ආරක්ෂණ බලපත්රයක් නිකුත් කරනු ලබන අතර, එකී බලපත්රයේ කොන්දේසි ප්රකාරව කර්මාන්තකරු කටයුතු කරන්නේ ද යන්න තහවුරු කර ගැනීම සඳහා පසු විපරම් කටයුතු සිදු කිරීමත්, අදාළ විශ්ලේෂණ වාර්තා ලබා ගැනීමත් සිදු කරනු ලබයි.
මධ්යම පරිසර අධිකාරියේ නිරීක්ෂණයන්ට අනුව ඉහත සඳහන් කර්මාන්තය සඳහා වයඹ පළාත් පරිසර අධිකාරිය විසින් පරිසර ආරක්ෂණ බලපත්රයක් නිකුත් කර ඇති බැවින්, මෙම ගල් අඟුරු බලාගාරය හේතුවෙන් පාරිසරික ගැටලු ඇති වේ නම් එම ගැටලු පාලනය කිරීමේ නෛතික බලය පැවරී ඇත්තේ වයඹ පළාත් පරිසර අධිකාරිය වෙතය.
එබැවින්, එම පාරිසරික ගැටලු විසඳීම සඳහා වයඹ පළාත් පරිසර අධිකාරිය මඟින් පහත පරිදි ක්රියාත්මක වේ.
තාප විදුලි බලාගාර ක්රියාකාරීත්වයේදී ජනනය වන දූෂකාරක හේතුවෙන් සංසරණ වායු තත්ත්වය, භූගත ජලයේ තත්ත්වය හා සමුද්ර පරිසරයට වන පාරිසරික බලපෑම අධ්යයනය සඳහා විශේෂඥ කමිටුවක් - expert panel එකක් - ශ්රී ලංකා මහජන උපයෝගිතා කොමිෂන් සභාවේ මැදිහත් වීමෙන් ස්ථාපනය කෙරිණි. ඒ අනුව අත්සන් කරන ලද අවබෝධතා ගිවිසුමට - MoU එකට - අනුව;
(ආ) අදාළ නොවේ.
පිළිතුරු දුන් දිනය
2026-01-20
විසින් පිළිතුරු දෙන ලදී
ගරු (වෛද්ය) දම්මික පටබැඳි මහතා, පා.ම.
පාර්ලිමේන්තු අත්පොත
ශ්රී ලංකාවේ මැතිවරණ ක්රමය
පාර්ලිමේන්තුවේ කටයුතු සිදුවන ආකාරය
පාර්ලිමේන්තුවේ කටයුතු
© ශ්රී ලංකා පාර්ලිමේන්තුව.
සියලු හිමිකම් ඇවිරිණි.
නිර්මාණය සහ සංවර්ධනය TekGeeks
