දිනය: 2026-06-26 පිළිතුර ලබා දී ඇත

0656/2026: වී අලෙවි මණ්ඩලය මඟින් වී මිලදී ගැනීම: නිර්ණායක

ගරු රෝහණ බණ්ඩාර මහතා,— කෘෂිකර්ම, පශු සම්පත්, ඉඩම් සහ වාරිමාර්ග අමාත්‍යතුමාගෙන් ඇසීමට,— (1)

(අ) (i) වී මිලදී ගැනීමේදී වී අලෙවි මණ්ඩලය විසින් පසුගිය මහ කන්නයේදී සලකා බලන ලද නිර්ණායක හා නීති රීති කව‍රේද;

(ii) එම නිර්ණායක හා නීති රීති සම්බන්ධයෙන් ගොවි සංවිධාන එතරම් කැමැත්තක් නොදැක්වූ බව දන්නේද;

(iii) එසේ නම්, එම නිර්ණායක හා නීති රීති ඉදිරි කන්න සම්බන්ධයෙන් නැවත සමාලෝචනය කිරීමට ගනු ලබන ක්‍රියාමාර්ග කවරේද;

යන්න එතුමා මෙම සභාවට දන්වන්නෙහිද?

(ආ) නොඑසේ නම්, ඒ මන්ද?

අසන ලද දිනය

2026-06-26

අසන ලද්දේ

ගරු රෝහණ බංඩාර මහතා, පා.ම.

අමාත්‍යාංශය

කෘෂිකර්ම, පශු සම්පත්, ඉඩම් සහ වාරිමාර්ග

ව්‍යවස්ථාදායකය

ශ්‍රී ලංකා ප්‍රජාතාන්ත්‍රික සමාජවාදී ජනරජයේ දසවැනි පාර්ලිමේන්තුව

සභාවාරය

1 වැනි සභාවාරය

ප්‍රශ්න ඉතිහාසය

පිළිතුර

(අ) (i) 2025/26 මහ කන්නය තුළ පහත සඳහන් අනුමත ප්‍රමිතියෙන් යුතු වී තොග පමණක් වී අලෙවි මණ්ඩලය විසින් ගබඩාවලට භාරගනු ලැබේ.

උපරිම තෙතමනය ප්‍රතිශතය 14%

උපරිම අපද්‍රව්‍ය ප්‍රතිශතය 1%

උපරිම වර්ග මිශ්‍රණය 6%

උපරිම බොල් ප්‍රමාණය (පරිමාව අනුව) 9%

දුර්වර්ණ ඇට (මඩි)වලින් තොර විය යුතුය.

කෘමින්ගෙන් හානි වූ ඇට කෘමි බිත්තර සහ කෘමින්ගේ ජීවන චක්‍ර අවස්ථාවලින් තොර විය යුතුය.

එක් ගොවි මහතෙකුගෙන් එක් තොරතුරු පත්‍රිකාවක් මඟින් මිලදී ගත හැකි ප්‍රමාණය කිලෝග්‍රෑම් 2,500කි. කෙසේ නමුත් අවශ්‍ය පහසුකම් සපයා ගැනීමේ ගැටලුවක් නොමැති නම් ප්‍රාදේශීය කළමනාකරුගේ එකඟතාව මත එක් ගොවියෙකුගෙන් මිලදී ගන්නා ප්‍රමාණය කිලෝග්‍රෑම් 5,000ක් දක්වා වැඩි කර ගැනීමේ හැකියාව තිබුණි.

(ii) නොදනී.

(iii) වී අලෙවි මණ්ඩලය විසින් වී මිලදී ගැනීම ව්‍යාපාරික අරමුණකින් සිදු නොකරන අතර ආරක්ෂිත වී තොගයක් පවත්වා ගැනීම සඳහා සිදු කරයි. ඒ අනුව ආරක්ෂිතව ගබඩා කිරීමට හැකිවන පරිදි නිර්ණායක තීරණය කර ඇත.

(ආ) අදාළ නොවේ.

පිළිතුරු දුන් දිනය

2026-06-26

විසින් පිළිතුරු දෙන ලදී

ගරු නාමල් කරුණාරත්න මහතා, පා.ම.