315/2024
ගරු රවී කරුණානායක මහතා,— මුදල්, ක්‍රමසම්පාදන සහ ආර්ථික සංවර්ධන අමාත්‍යතුමාගෙන් ඇසීමට,—
(අ) ශ්‍රී ලංකාවේ —
(i) 2024.12.31 දිනට මුළු ණය ප්‍රමාණය ශ්‍රී ලංකා රුපියල් සහ එක්සත් ජනපද ඩොලර් වලින් වෙන් වෙන් වශයෙන් කොපමණද;
(ii) 2021 සිට 2024 දක්වා කාලය තුළ එක් එක් වර්ෂයට අදාළ මුළු ණය ප්‍රමාණය වෙන් වෙන් වශයෙන් කොපමණද;
(iii) 2024.12.31 දිනට මුළු ණය ප්‍රමාණය දේශීය ණය සහ විදේශීය ණය වශයෙන් බෙදී යන ආකාරය වෙන් වෙන් වශයෙන් කවරේද;
(iv) බහුපාර්ශ්වික ණය, ද්විපාර්ශ්වික ණය, ජාත්‍යන්තර ස්වෛරී ණය සහ වාණිජ ණය ලෙස වර්ගීකරණය කළ විට 2024.12.31 දිනට විදේශ ණය සංයුතිය කවරේද;
(v) 2020 සිට 2024 දක්වා කාලය තුළ විදේශ ණය ප්‍රමාණය වෙන් වෙන් වශයෙන් කොපමණද;
(vi) 2024.12.31 දිනට මුළු බහුපාර්ශ්වික ණය ප්‍රමාණය කොපමණද;
(vii) ලෝක බැංකුව, ජාත්‍යන්තර මූල්‍ය අරමුදල, ආසියානු සංවර්ධන බැංකුව, ජාත්‍යන්තර සහයෝගීතාව සඳහාවූ ජපාන බැංකුව සහ අයර්ලන්ත මිත්‍ර බැංකුව වෙතින් ලබාගත් බහුපාර්ශ්වික ණය ප්‍රමාණය 2020 සිට 2024 දක්වා කාලයට අදාළව වෙන් වෙන් වශයෙන් කොපමණද;
(viii) 2024.12.31 දිනට මුළු ද්විපාර්ශ්වික ණය ප්‍රමාණය කොපමණද;
(ix) 2020 සිට 2024 දක්වා කාලය තුළ එක් එක් වර්ෂයට අදාළ මුළු ද්විපාර්ශ්වික ණය ප්‍රමාණය වෙන් වෙන් වශයෙන් කොපමණද;
යන්න එතුමා මෙම සභාවට දන්වන්නෙහිද?
(ආ) නොඑසේ නම්, ඒ මන්ද?
අසන ලද දිනය
2025-10-10
අසන ලද්දේ
ගරු රවී කරුණානායක මහතා, පා.ම.
අමාත්‍යාංශය
මුදල්, ක්‍රම සම්පාදන සහ ආර්ථික සංවර්ධන
ව්‍යවස්ථාදායකය
ශ්‍රී ලංකා ප්‍රජාතාන්ත්‍රික සමාජවාදී ජනරජයේ දසවැනි පාර්ලිමේන්තුව
සභාවාරය
1
පිළිතුරු දුන් දිනය
0000-00-00
පාර්ලිමේන්තු අත්පොත
ශ්‍රී ලංකාවේ මැතිවරණ ක්‍රමය
පාර්ලිමේන්තුවේ කටයුතු සිදුවන ආකාරය
පාර්ලිමේන්තුවේ කටයුතු
© ශ්‍රී ලංකා පාර්ලිමේන්තුව.
සියලු හිමිකම් ඇවිරිණි.
නිර්මාණය සහ සංවර්ධනය TekGeeks
