258/2024
ගරු (වෛද්ය) නිශාන්ත සමරවීර මහතා,— ප්රවාහන, මහාමාර්ග, වරාය සහ සිවිල් ගුවන් සේවා අමාත්යතුමාගෙන් ඇසීමට,—
(අ) (i) ගාල්ල වරාය ප්රදේශය ආශ්රිතව ක්රියාත්මක කිරීමට යෝජනා කර ඇති ‘වරාය නගරය’ ව්යාපෘතිය මඟින් අපේක්ෂා කරන ප්රතිලාභ කවරේද;
(ii) එම ව්යාපෘතිය හේතුවෙන් සිදු වන පරිසර බලපෑම සම්බන්ධයෙන් ශක්යතා අධ්යයනයක් සිදු කර තිබේද;
(iii) මීට පෙර සිදු කර ඇති මහජන විරෝධතාවල ප්රතිඵලයක් ලෙස ඉහත ව්යාපෘතිය සම්බන්ධයෙන් කර ඇති වෙනස්කම් කවරේද;
(iv) යෝජිත ව්යාපෘතිය හේතුවෙන් ජන ජීවිතයට සිදු වන බලපෑම සැලකිල්ලට ගෙන තිබේද;
යන්න එතුමා මෙම සභාවට දන්වන්නෙහිද?
(ආ) නොඑසේ නම්, ඒ මන්ද?
අසන ලද දිනය
2025-02-28
අසන ලද්දේ
ගරු (වෛද්ය) නිශාන්ත සමරවීර මහතා, පා.ම.
අමාත්යාංශය
ප්රවාහන, මහාමාර්ග වරාය සහ සිවිල් ගුවන් සේවා
ව්යවස්ථාදායකය
ශ්රී ලංකා ප්රජාතාන්ත්රික සමාජවාදී ජනරජයේ දසවැනි පාර්ලිමේන්තුව
සභාවාරය
1 වැනි සභාවාරය
(අ) (i) ව්යාපෘතියෙන් අපේක්ෂිත ප්රතිලාභ පහත පරිදි වේ.
Ø සැඩ රළ පහරින් ගාලු කොටුව ආරක්ෂා වීම.
Ø සැඩ රළ පහරින් ගාලු පාර ආරක්ෂා වීම.
Ø කුණාටු ඇතිවන අවස්ථාවලදී දකුණු පළතේ ධීවරයින්/ධීවර බෝට්ටු සඳහා ආරක්ෂිත තොටුපළක් නිර්මාණය වීම.
(ii) 2000 වර්ෂයේ මුල් භාගයේ දී දියකඩනය ඉදිකිරීම, මගී පර්යන්තය සමඟ රැඳවුම් බැම්ම ඉදිකිරීම, වරාය ද්රෝණිය හැරීමේ කටයුතු සහ නාවික කටයුතුවලට ආධාර කිරීම සඳහා පාරිසරික බලපෑම් පිළිබඳ තක්සේරුව අවසන් කර ඇත.දෙවැට වෙරළ යාබදව ඉඩම් ගොඩකර ප්රතිසංස්කරණ කිරීම සඳහා පරිපූරක පාරිසරික බලපෑම් පිළිබඳ තක්සේරුව උපදේශකවරයකු විසින් අවසන් කර ඇති අතර, -මධ්යම ඉංජිනේරු උපදේශක කාර්යාංශය- මෙම පරිපූරක පාරිසරික බලපෑම් පිළිබඳ තක්සේරුව 2025.01.09 දින අවසන් කර ඇත.
(iii) 2024.11.28 සිට 2025.01.09 දක්වා පරිපූරක පාරිසරික බලපෑම පිළිබඳ අධ්යයනයේ කොටසක් ලෙස සිදු කරන ලද මහජන මතය විමසීමේ ක්රියාවලියේ දී ඉදිරිපත් කරන ලද අදහස් මේ වන විට උපදේශකවරයා විසින් ඇගයුම් කරනු ලැබේ.
(iv) මෙම ව්යාපෘතියට අදාළව පාර්ශ්වකරුවන්ගේ දායකත්වය ලබාගෙන ඇති අතර ඒ පිළිබඳව ඇති විය හැකි සමාජයීය බලපෑම හා එම බලපෑම අවම කිරීමේ ක්රියාමාර්ග හඳුනාගෙන ඇත.
(ආ) පැන නොනඟී.
පිළිතුරු දුන් දිනය
2025-02-28
විසින් පිළිතුරු දෙන ලදී
ගරු බිමල් රත්නායක මහතා, පා.ම.
පාර්ලිමේන්තු අත්පොත
ශ්රී ලංකාවේ මැතිවරණ ක්රමය
පාර්ලිමේන්තුවේ කටයුතු සිදුවන ආකාරය
පාර්ලිමේන්තුවේ කටයුතු
© ශ්රී ලංකා පාර්ලිමේන්තුව.
සියලු හිමිකම් ඇවිරිණි.
නිර්මාණය සහ සංවර්ධනය TekGeeks
