3316/2023
ගරු නීතිඥ චන්දිම වීරක්කොඩි මහතා,— සෞඛ්ය අමාත්යතුමාගෙන් ඇසීමට,—
(අ) (i) කොවිඩ්-19 වසංගතය මර්ධනය කිරීම සඳහා ශ්රී ලංකාවට ආනයනය කරන ලද එන්නත් වර්ග කවරේද;
(ii) ආනයනය කරන ලද එන්නත් සංඛ්යාව එක් එක් එන්නත් වර්ගය අනුව වෙන් වෙන් වශයෙන් කොපමණද;
(iii) ඉහත එන්නත් වර්ග නිෂ්පාදනය කරන ලද රටවල් කවරේද;
(iv) එම එන්නත් ආනයනය කරනු ලැබූ ආයතන කවරේද;
(v) එන්නත් මිලදී ගැනීමේදී විධිමත් ප්රසම්පාදන ක්රියාමාර්ග අනුගමනය කර තිබේද;
යන්න එතුමා මෙම සභාවට දන්වන්නෙහිද?
(ආ) (i) පළමුවැනි, දෙවැනි, තෙවැනි හා සිව්වැනි මාත්රා සඳහා භාවිතයට ගන්නා ලද එන්නත් සංඛ්යාව එක් එක් එන්නත් වර්ගය අනුව වෙන් වෙන් වශයෙන් කොපමණද;
(ii) ඉහත (අ)(i)හි සඳහන් එන්නත් සම්පූර්ණයෙන්ම භාවිතයට ගනු ලැබුවේද;
(iii) ඉතිරි වූයේ නම්, එම ඉතිරි වූ ප්රමාණය එක් එක් එන්නත් වර්ගය අනුව වෙන් වෙන් වශයෙන් කොපමණද;
යන්නත් එතුමා මෙම සභාවට දන්වන්නෙහිද?
(ඇ) (i) නියමිත එන්නත් මාත්රා ලබා ගත් පුද්ගලයන්ට සංකූලතා ඇති වූයේද;
(ii) එසේ නම්, එම පුද්ගලයන් සංඛ්යාව කොපමණද;
යන්න තවදුරටත් එතුමා මෙම සභාවට දන්වන්නෙහිද?
(ඈ) නොඑසේ නම්, ඒ මන්ද?
අසන ලද දිනය
2023-06-22
අසන ලද්දේ
ගරු නීතිඥ චන්දිම වීරක්කොඩි මහතා, පා.ම.
අමාත්යාංශය
සෞඛ්ය
ව්යවස්ථාදායකය
ශ්රී ලංකා ප්රජාතාන්ත්රික සමාජවාදී ජනරජයේ නවවැනි පාර්ලිමේන්තුව
සභාවාරය
4 වැනි සභාවාරය
පාර්ලිමේන්තු අත්පොත
ශ්රී ලංකාවේ මැතිවරණ ක්රමය
පාර්ලිමේන්තුවේ කටයුතු සිදුවන ආකාරය
පාර්ලිමේන්තුවේ කටයුතු
© ශ්රී ලංකා පාර්ලිමේන්තුව.
සියලු හිමිකම් ඇවිරිණි.
නිර්මාණය සහ සංවර්ධනය TekGeeks
