218/2020
ගරු මොහමඩ් මුසම්මිල් මහතා,— වෙළඳ අමාත්‍යතුමාගෙන් ඇසීමට,—
(අ) වර්ෂ 2015 සිට 2019 දක්වා එක් එක් වර්ෂය තුළ—
(i) ශ්‍රී ලංකාවට ආනයනය කළ කව්පි ප්‍රමාණය කොපමණද;
(ii) ඒ සඳහා වැය වූ මුදල කොපමණද;
(iii) එම කව්පි ආනයනය කළ රටවල්වල නම් කවරේද;
(iv) එම කව්පි ආනයනය කළ සමාගම්වල නම් කවරේද;
යන්න වෙන් වෙන් වශයෙන් එතුමා මෙම සභාවට දන්වන්නෙහිද?
(ආ) එම කාලසීමාව තුළ ශ්‍රී ලංකාවට කව්පි ආනයනය කිරීම සඳහා වැය වූ මුළු මුදල කොපමණද යන්නත් එතුමා මෙම සභාවට දන්වන්නෙහිද?
(ඇ) නොඑසේ නම්, ඒ මන්ද?
අසන ලද දිනය
2020-10-09
අසන ලද්දේ
ගරු මොහමඩ් මුසම්මිල් මහතා, පා.ම.
අමාත්‍යාංශය
වෙළෙඳ
ව්‍යවස්ථාදායකය
ශ්‍රී ලංකා ප්‍රජාතාන්ත්‍රික සමාජවාදී ජනරජයේ නවවැනි පාර්ලිමේන්තුව
සභාවාරය
1 වැනි සභාවාරය
(අ) (i) මුදල් අමාත්‍යාංශය යටතේ පවතින ශ්‍රී ලංකා රේගුව විසින් ලබා දී ඇති තොරතුරු අනුව ශ්‍රී ලංකාවට ආනයනය කළ සම්පූර්ණ කව්පි ප්‍රමාණය කිලෝග්‍රෑම් 34,157,735කි. විස්තර ඇමුණුම් 01හි* දක්වා ඇත.
(ii) ශ්‍රී ලංකා රේගු විසින් ලබා දී ඇති තොරතුරු අනුව ශ්‍රී ලංකාවට ආනයනය කළ කව්පි සඳහා වැය වූ මුදල රුපියල් 4,112,131,622කි. විස්තර ඇමුණුම් 02හි* දක්වා ඇත.
(iii) ශ්‍රී ලංකා රේගුව විසින් ලබා දී ඇති තොරතුරු අනුව කව්පි ආනයනය කළ රටවල් ඇමුණුම් 03හි* දක්වා ඇත.
(iv) ශ්‍රී ලංකා රේගුව විසින් ලබා දී ඇති තොරතුරු අනුව එම කව්පි ආනයනය කළ සමාගම්වල නම් ඇමුණුම් 04හි* දක්වා ඇත.
(ආ) ශ්‍රී ලංකා රේගුව විසින් ලබා දී ඇති තොරතුරු අනුව එම කාල සීමාව තුළ ශ්‍රී ලංකාවට කව්පි ආනයනය සඳහා වැය වූ මුළු මුදල රුපියල් 4,112,131,622කි.
(ඇ) පැන නොනඟී.
ඇමුණුම් 01, 02, 03 සහ 04 සභාගත* කරනවා.
පිළිතුරු දුන් දිනය
2020-11-25
විසින් පිළිතුරු දෙන ලදී
ගරු (ආචාර්ය) බන්දුල ගුණවර්ධන මහතා, පා.ම.
පාර්ලිමේන්තු අත්පොත
ශ්‍රී ලංකාවේ මැතිවරණ ක්‍රමය
පාර්ලිමේන්තුවේ කටයුතු සිදුවන ආකාරය
පාර්ලිමේන්තුවේ කටයුතු
© ශ්‍රී ලංකා පාර්ලිමේන්තුව.
සියලු හිමිකම් ඇවිරිණි.
නිර්මාණය සහ සංවර්ධනය TekGeeks
