117/2020 ගරු තුෂාර ඉඳුනිල් අමරසේන මහතා,— තරුණ හා ක්රීඩා අමාත්යතුමාගෙන් ඇසීමට,— (අ) 2015 වර්ෂයේ සිට මේ දක්වා ශ්රී ලංකා ක්රිකට් ආයතනයේ සේවය කළ/කරන එක් එක් නිලධාරියාගේ ලිපිනය සහ එක් එක් නිලධාරියාට මාසිකව ගෙවන ලද වැටුප්, දීමනා හා වෙනත් වරප්රසාද වෙන් වෙන් වශයෙන් කවරේද යන්න එතුමා මෙම සභාවට දන්වන්නෙහිද? (ආ) එම කාල සීමාව තුළ ඔවුන් ලැබූ වැටුප් හා වෙනත් වරප්රසාදවලට සාපේක්ෂව, ශ්රී ලංකාවේ ක්රිකට් ක්රීඩාව දියුණු කිරීමට ඔවුන්ගේ පාලන කාලය තුළ සමත් වී නැති බව එතුමා පිළිගන්නෙහිද? (ඇ) ශ්රී ලංකාවේ ක්රිකට් ක්රීඩාව තවදුරටත් වැඩි දියුණු කිරීමට අමාත්යාංශය ගනු ලබන ක්රියාමාර්ග කවරේද යන්නත් එතුමා මෙම සභාවට දන්වන්නෙහිද? (ඈ) නොඑසේ නම්, ඒ මන්ද?
අසන ලද දිනය
2020-09-25
අසන ලද්දේ
ගරු තුෂාර ඉඳුනිල් අමරසේන මහතා, පා.ම.
අමාත්යාංශය
තරුණ හා ක්රීඩා
ව්යවස්ථාදායකය
ශ්රී ලංකා ප්රජාතාන්ත්රික සමාජවාදී ජනරජයේ නවවැනි පාර්ලිමේන්තුව
සභාවාරය
1 වැනි සභාවාරය
ගරු කථානායකතුමනි, දීර්ඝ පිළිතුරක් තිබෙන නිසා මේ ගරු සභාවේ කාලය ඉතිරි කරගැනීම සඳහා මම එම ප්රශ්නයට පිළිතුර සභාගත* කරනවා. ඔබතුමාට අතුරු ප්රශ්න තිබෙනවා නම් අහන්න පුළුවන්, ගරු මන්ත්රීතුමනි.
* සභාමේසය මත තබන ලද පිළිතුර:
* சபாபீடத்தில் வைக்கப்பட்ட விடை :
* Answer tabled:
(අ) ඔව්.
(ආ) ක්රිකට් ක්රීඩාව තාක්ෂණික, යටිතල පහසුකම්, සම්පත් සහ දක්ෂතා යන සෑම අතින්ම ශ්රී ලංකා ක්රිකට් ක්රීඩාව දියුණු කිරීමට ශ්රී ලංකා ක්රිකට් ආයතනය කටයුතු කර ඇති බැවින් මෙම ප්රකාශය පිළිගත නොහැක.
(ඇ) ක්රිකට් ක්රීඩාව කෞශල්යයින් පාසල් මට්ටමින් තාක්ෂණිකව හඳුනාගැනීම.
(ඈ) පැන නොනඟී.
පිළිතුරු දුන් දිනය
2021-01-06
විසින් පිළිතුරු දෙන ලදී
ගරු නීතිඥ නාමල් රාජපක්ෂ මහතා, පා.ම.
පාර්ලිමේන්තු අත්පොත
ශ්රී ලංකාවේ මැතිවරණ ක්රමය
පාර්ලිමේන්තුවේ කටයුතු සිදුවන ආකාරය
පාර්ලිමේන්තුවේ කටයුතු
© ශ්රී ලංකා පාර්ලිමේන්තුව.
සියලු හිමිකම් ඇවිරිණි.
නිර්මාණය සහ සංවර්ධනය TekGeeks
