59/2020 ගරු චමින්ද විජේසිරි මහතා,— තරුණ හා ක්රීඩා අමාත්යතුමාගෙන් ඇසීමට,— (අ) 2015 වර්ෂයේ සිට මේ දක්වා ශ්රී ලංකා ක්රිකට් ආයතනයට බඳවා ගනු ලැබූ; (i) ස්ථිර; (ii) අනියම්; (iii) ආදේශක; සේවක සංඛ්යාව කොපමණද යන්න එතුමා මෙම සභාවට දන්වන්නෙහිද? (ආ) (i) එසේ බඳවා ගනු ලැබූ සේවකයන්ගේ නම් හා බඳවා ගනු ලැබූ තනතුරු කවරේද; (ii) එම එක් එක් තනතුර සඳහා අනුමත වැටුප් හා දීමනා කවරේද; යන්නත් වෙන් වෙන් වශයෙන් එතුමා මෙම සභාවට දන්වන්නෙහිද? (ඇ) ශ්රී ලංකා ක්රිකට් ආයතනයට; (i) සේවකයන් බඳවා ගැනීමේ; (ii) වැටුප් හා දීමනා ගෙවීමේ; පටිපාටිය විධිමත් කිරීමට ගනු ලබන ක්රියාමාර්ග කවරේද යන්න වැඩිදුරටත් එතුමා මෙම සභාවට දන්වන්නෙහිද? (ආ) නොඑසේ නම්, ඒ මන්ද?
අසන ලද දිනය
2020-10-06
අසන ලද්දේ
ගරු චමින්ද විජේසිරි මහතා, පා.ම.
අමාත්යාංශය
තරුණ හා ක්රීඩා
ව්යවස්ථාදායකය
ශ්රී ලංකා ප්රජාතාන්ත්රික සමාජවාදී ජනරජයේ නවවැනි පාර්ලිමේන්තුව
සභාවාරය
1 වැනි සභාවාරය
(අ) (i), (ii), (iii) 2015 සිට මේ දක්වා ශ්රී ලංකා ක්රිකට් ආයතනයට බඳවා ගනු ලැබූ ස්ථිර හා කොන්ත්රාත් සේවක සංඛ්යාව වෙන් වෙන් වශයෙන් පහත පරිදි වේ.
|
|
2015 |
2016 |
2017 |
2018 |
2019 |
2020 |
|
කොන්ත්රාත් |
221 |
256 |
201 |
211 |
147 |
138 |
|
ස්ථිර |
10 |
10 |
28 |
28 |
28 |
28 |
|
එකතුව |
231 |
266 |
229 |
239 |
175 |
166 |
(ආ) (i), (ii) සඳහා දීර්ඝ පිළිතුරක් ඇමුණුමක් වශයෙන් තිබෙන්නේ. ඇමුණුම සභාගත* කරමි.
(ඇ) (i) සේවකයන් බඳවා ගැනීමේ පටිපාටිය විධිමත් කිරීමට ගනු ලබන ක්රියාමාර්ග
* රැකියා විස්තරය අනුව පරිපූර්ණ සේවක පැතිකඩ නිර්වචනය කිරීම.
* පහත සඳහන් දෑ සහතික කිරීම සඳහා පූර්ණ ඇගයීම් ක්රියාවලියක් සිදු කිරීම.
රැකියා විස්තරය අනුව පරිපූර්ණ සේවක පැතිකඩ නිර්වචනය කිරීම.
අයදුම්කරුගේ සුදුසුකම් තහවුරු කිරීම.
සාක්ෂරතාවය, සංජානන හැකියාව හා මෘදු/ දෘඪ කුසලතා පරීක්ෂා කිරීම.
සන්නිවේදන හැකියාව, චර්යාත්මක හා තාක්ෂණික කුසලතා
සංස්කෘතික යෝග්යතාව
* අවශ්ය විටදී පූර්ව රැකියා පරීක්ෂණ පැවැත්වීම.
* තනතුරට අදාළ කාර්යශූරත්වය (පූර්වයේ දී කරන ලද රැකියා පිළිබඳ පුළුල් විමසුමක්)
(ii) වැටුප් හා දීමනා ගෙවීමේ පටිපාටිය විධිමත් කිරීමට ගනු ලබන ක්රියාමාර්ග
* දිරි දීමනා හා කාර්ය සාධනය සඳහා ගෙවීම් වැනි වැටුප් ව්යූහ හඳුන්වා දීම.
* සියලු සේවකයන් සඳහා වැටුප් සමාලෝචනයක් මඟින් වාර්ෂික කාර්ය සාධන ඇගයීම් අනුගමනය කිරීම.
* සමාගම විසින් සකසා ඇති ප්රධාන කාර්ය සාධන දර්ශක මත පදනම්ව එක් එක් සේවකයා අදාළ දෙපාර්තමේන්තු ප්රධානියා විසින් ඇගයීමට ලක් කිරීම.
(ඈ) අදාළ නොවේ.
පිළිතුරු දුන් දිනය
2020-10-06
විසින් පිළිතුරු දෙන ලදී
ගරු නීතිඥ නාමල් රාජපක්ෂ මහතා, පා.ම.
පාර්ලිමේන්තු අත්පොත
ශ්රී ලංකාවේ මැතිවරණ ක්රමය
පාර්ලිමේන්තුවේ කටයුතු සිදුවන ආකාරය
පාර්ලිමේන්තුවේ කටයුතු
© ශ්රී ලංකා පාර්ලිමේන්තුව.
සියලු හිමිකම් ඇවිරිණි.
නිර්මාණය සහ සංවර්ධනය TekGeeks
