680/’18
ගරු කනක හේරත් මහතා,— ප්රාථමික කර්මාන්ත හා සමාජ සවිබලගැන්වීම් අමාත්යතුමාගෙන් ඇසීමට,—
(අ) (i) ශ්රී ලංකාවේ වෙසෙන වැඩිහිටි (අවු. 60 ඉක්ම වු) ජනතාව සඳහා රජය විසින් සලසන සුබසාධන පහසුකම් කවරේද;
(ii) 2001 සහ 2011 වර්ෂවලදී ශ්රී ලංකාවේ වැඩිහිටි ජනගහන ප්රතිශතය එක් එක් වර්ෂය අනුව කොපමණද;
(iii) පුරෝකථනයන්ට අනුව 2021 වර්ෂය වනවිට එම ප්රතිශතය කොපමණ විය හැකිද;
(iv) ශ්රී ලංකාවේ වැඩිහිටි ජනගහන ප්රතිශතය වාර්ෂිකව සීග්රයෙන් ඉහළ යන බව දන්නේද;
(v) එසේ නම්, ඉහළ යන මෙම වැඩිහිටි ජනගහනයේ සුරක්ෂිතතාවය සහ සුබසාධනය සඳහා යම් වැඩපිළිවෙළක් දියත් කර තිබේද;
යන්න එතුමා මෙම සභාවට දන්වන්නෙහිද?
(ආ) (i) වැඩිහිටියන් සඳහා ලබාදෙනු ලබන ජ්යෙෂ්ඨ පුරවැසි හැඳුනුම්පතෙන් රජය බලාපොරොත්තු වන සහන ඉටු වන්නේද;
(ii) ජ්යෙෂ්ඨ පුරවැසියන්ගේ ස්ථාවර තැන්පතු සඳහා අය කරනු ලබන බද්දෙන් ඔවුන් නිදහස් කිරීම සඳහා ඔබ අමාත්යාංශය මැදිහත් වන්නේද;
යන්නත් එතුමා මෙම සභාවට දන්වන්නෙහිද?
(ඇ) (i) ශ්රී ලංකාවේ තිබෙන වැඩිහිටි නිවාස සංඛ්යාව කොපමණද;
(ii) එම වැඩිහිටි නිවාසවල ප්රමිතිය සලකා බැලීම සඳහා යොදා ගනු ලබන නිර්ණායක කවරේද;
යන්න එතුමා තවදුරටත් මෙම සභාවට දන්වන්නෙහිද?
(ඈ) නොඑසේ නම්, ඒ මන්ද?
අසන ලද දිනය
2019-03-29
අසන ලද්දේ
ගරු කනක හේරත් මහතා, පා.ම.
අමාත්යාංශය
ප්රාථමික කර්මාන්ත සහ සමාජ සවිබලගැන්වීම්
ව්යවස්ථාදායකය
ශ්රී ලංකා ප්රජාතාන්ත්රික සමාජවාදී ජනරජයේ අටවැනි පාර්ලිමේන්තුව
සභාවාරය
3 වැනි සභාවාරය
----
පිළිතුරු දුන් දිනය
2019-03-29
විසින් පිළිතුරු දෙන ලදී
ගරු සෙය්යිඩ් අලී සාහීර් මවුලානා මහතා, පා.ම.
පාර්ලිමේන්තු අත්පොත
ශ්රී ලංකාවේ මැතිවරණ ක්රමය
පාර්ලිමේන්තුවේ කටයුතු සිදුවන ආකාරය
පාර්ලිමේන්තුවේ කටයුතු
© ශ්රී ලංකා පාර්ලිමේන්තුව.
සියලු හිමිකම් ඇවිරිණි.
නිර්මාණය සහ සංවර්ධනය TekGeeks
