2025-12-03
පුවත් කාණ්ඩ : කාරක සභා පුවත්
2025-12-03
දිස්ත්රික් මට්ටමින් රජයේ ආයතන GovPay ව්යාපෘතිය සමඟ සම්බන්ධවීම සඳහා ඩිජිටල් ආර්ථික අමාත්යාංශය මගින් යාන්ත්රණයක් සකස් කර ක්රියාත්මක කිරීමේ වැදගත්කම විද්යා, තාක්ෂණය සහ ඩිජිටල් පරිණාමනය පිළිබඳ ආංශික අධීක්ෂණ කාරක සභාවේ සභාපති ගරු පාර්ලිමේන්තු මන්ත්රී (වෛද්ය) ජනක සේනාරත්න මහතා අවධාරණය කළේය.ඩිජිටල් ආර්ථික අමාත්යාංශය සහ විද්යා හා තාක්ෂණ අමාත්යාංශය සඳහා 2025 අයවැය යෝජනා සම්බන්ධයෙන් ලබා ඇති ප්රගතිය සමාලෝචනය කිරීම සඳහා විද්යා, තාක්ෂණය සහ ඩිජිටල් පරිණාමනය පිළිබඳ ආංශික අධීක්ෂණ කාරක සභාව පසුගියදා (නොවැ. 25) පාර්ලිමේන්තුවේදී රැස්වූ අවස්ථාවේදී ඒ මහතා මේ අදහස් පළ කළේය.ඩිජිටල්කරණ වැඩසටහන යටතේ රජය විසින් හඳුන්වා දී ඇති GovPay ව්යාපෘතිය සඳහා දිස්ත්රික් මට්ටමින් බොහෝ රාජ්ය ආයතන සම්බන්ධ වීමේ අවශ්යතාවය පිළිබඳව ද කාරක සභා සභාපතිවරයා මෙහිදී කරුණු දක්වමින් පෙන්වා දුන්නේය. ඒ අනුව මෙය වඩාත් ඵලදායී ලෙස ක්රියාත්මක කරමින් ඉදිරියට ගෙන යාම සඳහා අමාත්යාංශ මට්ටමින් සම්බන්ධීකරණය සිදු කළ යුතු බව ඔහු අවධාරණය කළේය.තවද රජයේ ආයතන ඩිජිටල්කරණය කිරීමේ වැඩපිළිවෙළේදී සෑම රාජ්ය ආයතනයකම ඩිජිටල් තාක්ෂණය පිළිබඳ දැනුමක් සහිත නිලධාරීන් පත් කිරීමේ අවශ්යතාව ද කාරක සභා සභාපතිවරයා පෙන්වා දුන්නේය.මෙම රැස්වීම සඳහා ඩිජිටල් ආර්ථික අමාත්යාංශය යටතේ ඇති ආයතනවල නිලධාරීහු සහභාගී වී සිටි අතර, ඔවුහු ඩිජිටල් අංශයේ වර්ධනයන් සහ ඒ සඳහා මෙතෙක් ගෙන ඇති පියවර පිළිබඳව කාරක සභාව දැනුවත් කළහ.මේ අතර, විද්යා හා තාක්ෂණ අමාත්යාංශය යටතේ සිදු කරනු ලබන කාර්යභාරය පිළිබඳව ද කාරක සභාව අවධානය යොමු කරන ලදී. නව සොයාගැනීම් ඇතුළු පර්යේෂණ ප්රවර්ධනය කිරීම සඳහා අමාත්යාංශය විසින් සිදු කරනු ලබන කාර්ය භාරය පිළිබඳව මෙහිදී දීර්ඝ ලෙස සාකච්ඡා විය.මෙම රැස්වීම සඳහා බලශක්ති ගරු නියෝජ්ය අමාත්ය අර්කම් ඉල්යාස්, ගරු පාර්ලිමේන්තු මන්ත්රීවරුන් වන චන්දිම හෙට්ටිආරච්චි, ලසිත් භාෂණ ගමගේ, නීතිඥ හසාරා ලියනගේ, චතුර ගලප්පත්ති, ජනාධිපති නීතිඥ එම්. නිසාම් කාරියප්පර් යන මහත්ම මහත්මීහු සහභාගී වූහ.
2025-12-03
කීරි සම්බා වෙනුවට ආනයනික පොන්නි සම්බා ආදේශයක් ලෙස භාවිතා කිරීම කෙතරම් දුරට සාර්ථක ද ? - කාරක සභාව ප්රශ්න කරයිආනයන හා අපනයන පාලන පනත යටතේ නිකුත් කරන ලද ගැසට් පත්ර දෙකක්, රාජ්ය ණය කළමනාකරණ පනත යටතේ ගැසට් පත්රයක් සහ 2025 වසර සඳහා පරිපූරක ඇස්තමේන්තුවක් රජයේ මුදල් පිළිබඳ කාරක සභාවේදී පසුගියදා සළකා බැලිණි. ඒ එම කාරක සභාව ගරු පාර්ලිමේන්තු මන්ත්රී ආචාර්ය හර්ෂ ද සිල්වා මහතාගේ සභාපතීත්වයෙන් පසුගියදා (නොවැ. 27) පාර්ලිමේන්තුවේදී රැස්වූ අවස්ථාවේදීය. 1969 අංක 1 දරන ආනයන හා අපනයන පාලන පනත යටතේ 2025.10.15 දිනැති අංක 2458/43 දරන අතිවිශේෂ ගැසට් පත්රයේ පළ කරන ලද රෙගුලාසි පිළිබඳව දීර්ඝ ලෙස සළකා බැලීමෙන් අනතුරුව කාරක සභාවේ අනුමතිය හිමිවිය. වෙළඳපොලේ පවතින කීරී සම්බා සහල් හිගයට පිළියමක් ලෙස 2025.10.15 දින සිට 2025.10.28 දක්වා සහල් ආනයනය කිරීම සඳහා මෙමගින් ඉඩ සලසා තිබූ බව නිලධාරීහු පැවසූහ. කීරි සම්බා සහල් වෙනුවට ආදේශකයක් ලෙස පොන්නි සම්බා සහල් ඉන්දියාවෙන් ආනයනය කළ බවත් එම සහල් මෙට්රික් ටොන් 64000ක් ආනයනය කොට ඇති බවත් ඔවුහු කාරක සභාවට දැනුම් දුන්හ.සහල් ආනයනය කළ ද වෙළඳපොලේ කීරි සම්බා සහල් තවදුරටත් ඉහළ මිලක පැවතීම පිළිබඳව කාරක සභාව විසින් විමසන ලදී. පොන්නි සම්බා ආනයනය කළ ද එය කීරි සම්බා වෙනුවට ආදේශකයක් ලෙස භාවිතා කිරීම සාර්ථක වී නොමැති බව පෙනීයන බවත් කාරක සභාව විසින් පෙන්වා දෙන ලදී. සහල් සඳහා පාලන මිලක් පැවතියද ප්රායෝගික තත්ත්වය තුළ බිල්පත් ව්යාජ ලෙස දක්වමින් මහාපරිමාණ සහල් නිෂ්පාදකයන් කීරි සම්බා සහල් වැඩිමිලට විකිණීම සිදුකරන බවත් මෙම තත්ත්වය නතර කිරීමට මැදිහත්විය විය යුතු බවත් කාරක සභාව විසින් අවධාරණය කරන ලදී. මෙහිදී වාර්ෂික සහල් ඉල්ලුම, සහල් නිෂ්පාදන ප්රමාණයන් සහ නිෂ්පාදන වියදම් පිළිබඳ කාරක සභාව කෘෂිකර්ම අමාත්යාංශයේ නිලධාරීන්ගෙන් ප්රශ්න කළ අතර නිවැරදි යාවත්කාලීන වූ දත්ත නොමැතිවීම බරපතල ගැටලුවක් බවත් පෙන්වා දුන්නේය. මේ අතර වාහන ආනයනයට අදාළ 1969 අංක 1 දරන ආනයන හා අපනයන පාලන පනත යටතේ 2025.10.24 දිනැති අංක 2459/46 දරන අතිවිශේෂ ගැසට් පත්රයේ පළ කරන ලද රෙගුලාසි ද කාරක සභාවේදී දීර්ඝ ලෙස සළකා බැලිණි. මෝටර් වාහන ආනයනයේදී සැපිරිය යුතු කොන්දේසි දක්වමින් 2013.04.03 දිනැති අංක 1804/17 දරන අතිවිශේෂ ගැසට් පත්රයේ පළ කරන ලද 2013 අංක 2 දරන ආනයන හා අපනයන පාලන රෙගුලාසිවල අංක 5 රෙගුලාසියට අනුකූල ලෙස වාහන ආනයනය නොකිරීම මත එම වාහන ශ්රී ලංකා රේගුව විසින් රදවා තබාගෙන ඇති අතර ඒ සම්බන්ධව නඩුවක් විභාග වෙමින් පවති. එම තත්ත්වය මත මුදල් අමාත්යාංශය විසින් නීතිපති දෙපාර්තමේන්තුව වෙත ඉදිරිපත් කරන ලද එකඟතා කොන්දේසි මත හා අදාළ පාර්ශ්ව සමග පැවති සාකච්ඡාවලින් අනතුරුව අධිකරණය ඉදිරියේ එකඟවූ පරිදි මෙම රෙගුලාසි නිකුත් කර ඇති බව මෙහිදී නිලධාරීහු පැවසූහ. මෙහිදී කාරක සභාව පෙන්වා දුන්නේ මෙම එකඟතාව නීතිපති දෙපාර්තමෙින්තුව මගින් ලිඛිතව කාරක සභාවට ඉදිරිපත් කරන ලෙසයි. අනුව ඉදිරියේදී අදාළ අනුමතිය පිළිබඳ සළකා බලන බව කාරක සභාව විසින් නිලධාරීන්ට දැනුම් දෙන ලදී. තවද මෙහිදී 2024 අංක 33 දරන රාජ්ය ණය කළමනාකරණ පනත යටතේ 2025.10.24 දිනැති අංක 2459/52 දරන ගැසට් පත්රයේ පළ කරන ලද නියෝග ද සළකා බැලිණි. රාජ්ය ණය කළමනාකරණ පනතෙහි 35 සහ 31 (7) වන වගන්ති ප්රකාරව මුදල් විෂයභාර අමාත්යවරයාට පැවරී ඇති බලතල අනුව, කිසිදු නීතිමය බාධාවකින් තොරව ප්රාථමික අලෙවිකරුවන් සහ අනෙකුත් නම් කරන ලද වෙළෙඳ පොළ සහභාගිවන්නන් සමඟ කටයුතු කිරීමට රාජ්ය ණය කළමනාකරණ කාර්යාලය වෙත බලය පැවරීම සඳහා මෙම නියෝග ඉදිරිපත් කර ඇත. දීර්ඝ විමසීමකින් අනතුරුව කාරක සභාව විසින් මෙම නියෝග සඳහා අනුමතිය ලබා දෙන ලදී. තවද 2025 වර්ෂය සඳහා රුපියල් බිලියන 31.5 ක සහ රුපියල් බිලියන 18.5 ක පරිපූරක ඇස්මේන්තු පාර්ලිමේන්තුවට ඉදිරිපත් කිරීම සඳහා ද දීර්ඝ කරුණු වමිසීමකින් අනතුරුව කාරක සභාවේ අනුමතිය මෙහිදී හිමිවිය. කාරක සභා සාමාජික, ගරු නියෝජ්ය අමාත්ය ආචාර්ය කෞෂල්යා ආරියරත්න, ගරු පාර්ලිමේන්තු මන්ත්රීවරයන් වන රවුෆ් හකීම්, රවි කරුණානායක, නිමල් පලිහේන, චිත්රාල් ප්රනාන්දු, විජේසිරි බස්නායක, සුනිල් රාජපක්ෂ, තිළිණ සමරකෝන්, චම්පික හෙට්ටිආරච්චි සහ නීතීඥ ලක්මාලි හේමචන්ද්ර යන මහත්ම මහත්මීහු මෙම කාරක සභා රැස්වීමට සහභාගී වූහ.
2025-12-02
රාජ්ය ආයතන කිහිපයක කාර්යසාධන වාර්තා සහ වාර්ෂික වාර්තා සම්බන්ධයෙන් ආර්ථික සංවර්ධනය සහ අන්තර් ජාතික සබඳතා පිළිබඳ ආංශික අධීක්ෂණ කාරක සභාවේදී සලකා බලන ලදි. ඒ එම කාරක සභාව එහි සභාපති ගරු පාර්ලිමේන්තු මන්ත්රී (නීතිඥ) ලක්මාලි හේමවන්ද්ර මෙනවියගේ ප්රධානත්වයෙන් 2025.11.21 වැනිදා පාර්ලිමේන්තුවේදී රැස්වූ අවස්ථාවේදී ය.මේ අනුව මුදල්, ක්රම සම්පාදන සහ ආර්ථික සංවර්ධන අමාත්යාංශයට අයත් පහත සඳහන් ආයතනවල වාර්තා සලකා බලන ලදි.1. ආනයන හා අපනයන පාලන දෙපාර්තමේන්තුව2. ජාතික ක්රම සම්පාදන දෙපාර්තමේන්තුව3. රාජ්ය ව්යාපාර දෙපාර්තමේන්තුව4. තක්සේරු දෙපාර්තමේන්තුව5. ශ්රී ලංකා රේගුව6. විදේශ සම්පත් දෙපාර්තමේන්තුව7. සංවර්ධන මූල්ය දෙපාර්තමේන්තුව8. ජන ලේඛන හා සංඛ්යාලේකන දෙපාර්තමේන්තුව9. රාජ්ය මූල්ය ප්රතිපත්ති දෙපාර්තමේන්තුව10. රාජ්ය මුදල් දෙපාර්තමේන්තුවමෙහිදී මෙම දෙපාර්තමේන්තුවල කාර්යයන්, ඉදිරි සැලසුම්, අවශ්යතා ආදිය පිළිබඳව ඉතා දීර්ඝ වශයෙන් සාකච්ඡා කරන ලදි.මෙම කාරක සභාව සඳහා ගරු පාර්ලිමේන්තු මන්ත්රීවරුන් වන ලක්ෂ්මන් නිපුණආරච්චි සහ විජේසිරි බස්නායක යන මහත්වරුන් සහභාගී විය.
2025-11-28
• අනවසර ඉදිකිරීම් සම්බන්ධයෙන් කාරක සභාවේ අවධානය• දෙපාර්තමේන්තුව සතු දැනට භාවිත කරන සහ දෙපාර්තමේන්තුව භාරයේ නොමැති වාහන සම්බන්ධයෙන් වාර්තාවක් කැඳවයි• ගිණුම් අංශයේ කාර්ය මණ්ඩලයේ පවතින නිලධාරී හිඟය පියවීම සම්බන්ධයෙන් කාරක සභාවේ අවධානය.වාරිමාර්ග දෙපාර්තමේන්තුව යටතේ ක්රියාත්මක කර, අපේක්ෂිත අරමුණු ඉටු වී නොමැති හා අතහැර දැමූ ව්යපෘති 11 ක් සම්බන්ධයෙන් රජයේ ගිණුම් පිළිබඳ කාරක සභාවේදී (COPA) අවධානය යොමු විය.මේ පිළිබඳ කරුණු සාකච්ඡා වුයේ වාරිමාර්ග දෙපාර්තමේන්තුවේ 2023 වර්ෂයේ විගණකාධිපති වාර්තාව සහ වර්තමාන කාර්ය සාධනය පිළිබඳ පරික්ෂා කිරීම සඳහා ගරු පාර්ලිමේන්තු මන්ත්රී කබීර් හෂීම් මහතාගේ සභාපතිත්වයෙන් රජයේ ගිණුම් පිළිබඳ කාරක සභාව (COPA) 2025.11.25 වන දින රැස්වූ අවස්ථාවේදීය.මෙහිදී කාරක සභාව පෙන්වා දුන්නේ දෙපාර්තමේන්තුව යටතේ ක්රියාත්මක කර තිබූ ඇස්තමේන්තුගත වටිනාකම රු. මිලියන 55,078 ක් හා වියදම රු. මිලියන 4,047.43 ක් වූ සංවර්ධන ව්යාපෘති 11ක් මේ වන විට අතහැර දමා හෝ තාවකාලිකව නවතා දමා ඇති බවත් මෙම ව්යාපෘති අතර උමා ඔය පහළ නිම්න සංවර්ධන ව්යාපෘතිය, පහළ මල්වතු ඔය සංවර්ධන ව්යාපෘතිය හා යාන් ඔය ජලාශ සංවර්ධන ව්යාපෘතිය පවතින බවත්ය.මේ අනුව කාරක සභාව පෙන්වා දුන්නේ රටට වැදගත් ව්යාපෘති ප්රමුඛතා පිළිවෙළකට අනුව වහාම අවසන් කළ යුතු බවයි. එසේම ඇතැම් ව්යාපෘති අවශ්ය ප්රමුඛත්වය හඳුනා නොගෙන ආරම්භ කොට ඇති බව කාරක සභාව පෙන්වා දුන් අතර මහජන මුදල් සම්බන්ධයෙන් වඩාත් වකීමෙන් කටයුතු කළ යුතු බව වැඩි දුරටත් අවධාරණය කළේය.එසේම ඇල මාර්ගයක්, ජල මාර්ගයක්, හෝ වැවක් අවහිර කරන හෝ අයුතු ලෙස අල්ලාගන්නා යම් හෝ වාරිමාර්ග ඉදිකිරීමකට හානිකරන අනවසර ඉදිකිරීම් සම්බන්ධයෙන් කාරක සභාවේ අවධානය යොමු වූ අතර කාරක සභාව පෙන්වා දුන්නේ මේ සම්බන්ධයෙන් වන සාකච්ඡාව ඉදිරි දිනකදී නැවත සිදු කිරීමට කටයුතු කරන බවයි.දෙපාර්තමේන්තුව සතු දැනට භාවිත කරන සහ දෙපාර්තමේන්තුව භාරයේ නොමැති වාහන සම්බන්ධයෙන්ද කාරක සභාවේ අවධානය යොමු වූ අතර කාරක සභාව පෙන්වා දුන්නේ 2022 අගෝස්තු 31 වන විට වාහන 2004 ක් වාරිමාර්ග දෙපාර්තමේන්තුවේ ලිපිනයට ලියාපදිංචි වී තිබුණද දෙපාර්තමේන්තුවේ වාහන ලේඛන අනුව පවතින වාහන ගණන 1560 ක් බවයි. ඒ අනුව වාහන 464 ක් දෙපාර්තමේන්තුව භාරයේ නොමැති බව පෙන්වා දුන් කාරක සභාව මේ සම්බන්ධයෙන් සියලු දත්ත ඇතුළත් වාර්තාවක් කාරක සභාවට ලබා දෙන ලෙස නිර්දේශ කළේය. ගිණුම් අංශයේ කාර්ය මන්ඩලයේ පවතින නිලධාරී හිඟය පියවීම සම්බන්ධයෙන්ද කාරක සභාවේ අවධානය යොමු වූ අතර මෙම පත්කිරීම් සඳහා අවශ්ය ඉල්ලීම සිදු කරමින් කළමනාකරණ සේවා දෙපාර්තමේන්තුවට ලිපියක් යොමු කරන ලෙසත් කාරක සභාවටද එහි පිටපතක් ලබා දෙන ලෙසත් නිර්දේශ කළේය.මෙම රැස්වීම සඳහා කාරක සභා සාමාජික ගරු නියෝජ්ය අමාත්යවරුන් වන මේජර් ජෙනරාල් (විශ්රාමික) අරුණ ජයසේකර, සුගත් තිලකරත්න කාරක සභා සාමාජික ගරු මන්ත්රීවරයන් වන රෝහිත අබේගුණවර්ධන, කාවින්ද ජයවර්ධන, හෙක්ටර් අප්පුහාමි, චාමර සම්පත්, ඔෂානි උමංගා, ලාල් ප්රේමනාත් සහ සුනිල් රත්නසිරි යන මහත්ම මහත්මීන් සහභාගී වූහ.
පාර්ලිමේන්තු අත්පොත
ශ්රී ලංකාවේ මැතිවරණ ක්රමය
පාර්ලිමේන්තුවේ කටයුතු සිදුවන ආකාරය
පාර්ලිමේන්තුවේ කටයුතු
© ශ්රී ලංකා පාර්ලිමේන්තුව.
සියලු හිමිකම් ඇවිරිණි.
නිර්මාණය සහ සංවර්ධනය TekGeeks
