පාර්ලිමේන්තු අත්පොත
ශ්රී ලංකාවේ මැතිවරණ ක්රමය
පාර්ලිමේන්තුවේ කටයුතු සිදුවන ආකාරය
පාර්ලිමේන්තුවේ කටයුතු
ප්රවේශ වී ඔබේ පාර්ලිමේන්තුව සමඟ සම්බන්ධ වන්න
2022-12-02
- ආර්ථිකය ස්ථායීකරණයට අදාළ ජාතික සභා අනු කමිටුවේ සභාපති පාඨලී චම්පික රණවක මහතා
ලබන වසරේ අපේක්ෂිත රජයේ ආදායම වන රුපියල් බිලියන 3500 ක මුදල උපයා ගැනීමට අදාළ යෝජනා සිය කමිටුවේ දෙවන වාර්තාව මගින් ඉදිරිපත් කිරීමට පියවර ගන්නා බව ආර්ථිකය ස්ථායීකරණයට අදාළ කෙටි සහ මධ්ය කාලීන වැඩසටහන් හඳුනා ගැනීම සඳහා වන ජාතික සභා අනු කමිටුවේ සභාපති පාර්ලිමේන්තු මන්ත්රී ගරු පාඨලී චම්පික රණවක මහතා පැවසීය.
ඒ් මහතා මේ බව සඳහන් කළේ, එළඹෙන වසරේ රජයේ ආදායම් ඉහළ නැංවීමට අදාළ කරුණු සාකච්ඡා කිරීම සඳහා දේශිය ආදායම් දෙපාර්තමේන්තුව, ශ්රී ලංකා රේගු දෙපාර්තමේන්තුව සහ සුරාබදු දෙපාර්තමේතුවේ නිලධාරීන් උක්ත කමිටුව වෙත පසුගියදා (නොවැ. 30) කැඳවූ අවස්ථාවේදීයි. 2023 වර්ෂය සඳහා අපේක්ෂිත ආදායම් ඉපයීම සඳහා ඉහත ආයතන ක්රියාත්මක කිරීමට බලාපොරොත්තු වන වැඩපිළිවෙල පිළිබඳ මෙහිදි සාකච්ඡා කෙරිණි.
විශේෂයෙන් රට ආර්ථික වශයෙන් බංකොලොත් භාවයට පත් වීමට හේතු වූ කරුණු මොනවාද? ඒ සඳහා බලපෑ හේතු අතර පවතින 2019 දෙසැම්බර් 01 වැනිදා සිට බලාත්මක කරන ලද බදු සංශෝධන හේතුවෙන් දේශීය ආදායම් දෙපාර්තමේන්තුවේ බදු ලිපිගොණු ප්රමාණය ලක්ෂ 14 සිට ලක්ෂ 5 දක්වා අඩුවීම සහ එහිදි රජයට අහිමිවූ බදු ආදායම් ප්රමාණය පිළිබඳ මෙහිදි දීර්ඝ වශයෙන් සාකච්ඡා විය.
එමෙන්ම රටතුළ සිදු කෙරෙන නිල වාර්තා රහිත ගෙවිම් (වෛද්ය ගාස්තු, නීතිඥ ගාස්තු, උපකාරක පංති ගාස්තු ආදී) හේතුවෙන් සංසරණය වන විශාල මුදලක් පවතින බවත් ඒ සඳහා බදු අය කර ගැනීමේ නිසි ක්රමවේදයක් සැකසිය යුතු බවත් මෙහිදි අදහස් පළවිය.
මෙහිදී අදහස් දැක්වූ සභාපතිවරයා සඳහන් කළේ ගෝලීය අඛණ්ඩතාවය පිළිබඳ වාර්ෂික වාර්තාව මගින් හෙළිදරව් කරන පරිදි (Annual Report on Global Integrity) මෙරට ආනයන අපනයන ක්රියාවලිය තුළ වැඩි මිලක් පෙන්වීම (Over Invoice) හෝ අඩු මිලක් පෙන්වීම (Under Invoice) හේතුවෙන් මෙන්ම ගුවන් යානා මගින් හෝ නැව් මගින්ද විශාල ධනයක් වාර්ෂිකව රටින් පිටවන බවයි.
විදුලි බිල, දුරකථන බිල සහ වාහන අයිතිය වැනි වාස්තවික කරුණු පදනම් කරගෙන බදු අය කිරීමේ ක්රමවේදයක් හඳුන්වා දිම පිළිබඳවද මෙහිදී අදහස් පළවිය. එමෙන්ම රටේ එතනෝල් නිෂ්පාදන අතිරික්තයක් පවති බවත් එම ප්රමාණය අපනයනය කිරීමට කටයුතු කිරිම පිළිබඳ කරුණු ඉදිරිපත් වූ අතර සුරාබදු කොමසාරිස් ජනරාල්වරයා සඳහන් කලේ මේ වන විට පොල් රා සහ කිතුල් රා කැනඩාවට අපනයනය කිරිම ආරම්භ කොට ඇති බවයි.
මෙහිදී ඉදිරිපත් වූ අදහසක් වන්නේ රන්, මුදල්, ගෙවීම්, සුරැකුම් ණය සහ ආනයන, අපනයන, දේපල පැවරුම් වැනි අංශ පිළිබඳ කටයුතු පරිපාලනය කිරීමට අවසර දීම හා සීමාකිරීම් පැනවීමටත් ඒ සම්බන්ධ වු කරුණු සම්පාදනයටත් බලය ලබා දී තිබූ 1953 අංක 24 දරන විනිමය පාලන පනත අවලංගු කොට ඒ වෙනුවට බලාත්මක කරන ලද 2017 අංක 12 දරන විදේශ විනිමය පනතින් රන් ඉවත් කිරීම නිසා රන් ආභරණ ලෙස කිසිදු ගෙවීමකින් තොරව මෙරටට ගෙනඒම විශාල ගැටළුවක් වී ඇති බවයි.
මෙහිදී කමිටුවේ සභාපතිවරයා ඉල්ලා සිටියේ දේශීය ආදායම් ක්රියාවලිය කාර්යක්ෂම කිරීම සඳහා සංශෝධනය වියයුතු අණපනත් පිළිබඳවද අදහස් හා යෝජනා ලබා දෙන ලෙසයි.
මෙම රැස්වීමට පාර්ලිමේන්තු මන්ත්රී එම්. රාමේෂ්වරන් මහතා ඇතුළු පිරිසක් එක්ව සිටියහ.
2026-11-18
ගම්පහ දිස්ත්රික් “සණස” සංගමයේ සිදුව ඇති මූල්ය අක්රමිකතා සහ තැන්පත්කරුවන්ගේ මුදල් ආපසු ගෙවීමට නොහැකි වීම සම්බන්ධයෙන් සාකච්ඡා කිරීම සඳහා රජයේ ගිණුම් පිළිබඳ කාරක සභාව විසින් පත් කරන ලද සමූපකාර ක්ෂේත්රයේ පවතින අර්බුදය සම්බන්ධයෙන් පරීක්ෂා කිරීම සඳහා වන අනු කාරක සභාව එහි සභාපති ගරු පාර්ලිමේන්තු මන්ත්රී රුවන්තිලක ජයකොඩි මහතාගේ සභාපතිත්වයෙන් පසුගියදා (නොවැ. 16) පාර්ලිමේන්තුවේ දී රැස් විය.ගම්පහ දිස්ත්රික් “සණස” සංගමයේ කළමනාකරණ දුර්වලතා පිළිබඳ විගණකාධිපති වාර්තාවේ කරුණු මෙහිදී විමර්ශනයට ලක් වූ අතර, සංගමයේ මුදල් අදාළ අනුමැතියකින් තොරව පෞද්ගලික ආයතනවල ආයෝජනය කිරීම හේතුවෙන් මතුව ඇති මූල්ය අර්බුදය පිළිබඳව දීර්ඝ ලෙස සාකච්ඡා කෙරිණි. එම ආයෝජන හේතුවෙන් සාමාජිකයන්ගේ මෙන්ම බාහිර තැන්පත්කරුවන්ගේ තැන්පතු මුදල් ආපසු ගෙවීමට නොහැකි තත්ත්වයක් උද්ගත වී ඇති බව මෙහිදී අනාවරණය විය.තවද, සමූපකාර දෙපාර්තමේන්තුවේ අධීක්ෂණ හා නියාමන ක්රියාවලියේ පැවති දුර්වලතා, සංගමයේ වත්කම් නිරවුල් කිරීමේ ගැටලු, අධිකරණ තහනම් නියෝග සහ අදාළ වගකිවයුතු පාර්ශ්වයන්ට එරෙහිව නීතිමය ක්රියාමාර්ග ගැනීමේ අවශ්යතාව පිළිබඳව ද සාකච්ඡා කෙරිණි.තැන්පත්කරුවන්ගේ මුදල් ආපසු ලබා දීම සඳහා සංගමය සතු වත්කම් තක්සේරු කර ඒවා විකිණීමේ හැකියාව සොයා බැලීම, අධිකරණය මඟින් පනවා ඇති වත්කම් බැහැර කිරීමේ තහනම් නියෝග ඉවත් කර ගැනීමට අවශ්ය පියවර ගැනීම සහ දැනට පවතින මුදල් තැන්පත්කරුවන් අතර සාධාරණ පදනමකින් බෙදා හැරීම පිළිබඳව ද මෙහිදී අවධානය යොමු විය.එමෙන්ම, අනුමත නොකළ ආයෝජන සිදුකිරීම සම්බන්ධයෙන් වගකිවයුතු හිටපු අධ්යක්ෂ මණ්ඩල සාමාජිකයන්ගෙන් අධිභාර අයකර ගැනීම, අදාළ පෞද්ගලික සමාගමට එරෙහිව නීතිමය ක්රියාමාර්ග ගැනීම සහ නිම නොකළ ව්යාපෘති අවසන් කර ඒවායින් ආදායම් උපයා ගැනීමේ හැකියාව පිළිබඳව ද සාකච්ඡා කෙරිණි.තැන්පත්කරුවන්ගේ මුළු තැන්පතු මුදල ආපසු ලබා දීම සඳහා පැහැදිලි හා ප්රායෝගික ක්රමවේදයක් ඉදිරිපත් කිරීමේ අවශ්යතාව අවධාරණය වූ අතර, ඉදිරි ක්රියාමාර්ග පිළිබඳව සමූපකාර සංවර්ධන දෙපාර්තමේන්තුවේ බස්නාහිර පළාත් සහ ගම්පහ දිස්ත්රික් නිලධාරීන් සමඟ ද මෙහිදී සාකච්ඡා සිදු විය.මෙම රැස්වීම සඳහා අනු කාරක සභාවේ ගරු මන්ත්රීවරයන් වන නීතීඥ තුෂාරි ජයසිංහ, ටී. කේ. ජයසුන්දර සහ සුසන්ත කුමාර නවරත්න යන මහත්ම මහත්මීහු සහභාගී වූහ.
2026-11-17
පාර්ලිමේන්තුවේ විද්යා, තාක්ෂණය සහ ඩිජිටල් පරිණාමනය පිළිබඳ ආංශික අධීක්ෂණ කාරක සභාව විද්යා හා තාක්ෂණ අමාත්යාංශය යටතේ පවතින ආයතන කිහිපයක නිරීක්ෂණ චාරිකාවක නිරත විය. ඒ අනුව, කාරක සභාව අද (නොවැ. 17) ශ්රී ලංකා නැනෝ තාක්ෂණ ආයතනය (පුද්ගලික) සමාගම (SINTEC) සහ ශ්රී ලංකා ජෛව තාක්ෂණ ආයතනය (පුද්ගලික) සමාගම (SLIBTEC) යන ආයතන සිය නිරීක්ෂණයට ලක් කළ අතර, අදාළ ආයතනවල 2025/2026 වසරවල ප්රගතිය සමාලෝචනය කිරීම, 2027 වසර සඳහා ක්රියාකාරී සැලැස්ම සලකා බැලීම සහ ආයතන පරිශ්රවල කටයුතු නිරීක්ෂණය කිරීම මෙම චාරිකාවේ අරමුණයි.කාරක සභාවේ ගරු සභාපති පාර්ලිමේන්තු මන්ත්රී වෛද්ය ජනක සේනාරත්න මහතාගේ ප්රධානත්වයෙන් සිදු කරන ලද උක්ත නිරීක්ෂණ චාරිකාවට ගරු පාර්ලිමේන්තු මන්ත්රීවරුන් වන තනුර දිසානායක, ලසිත් භාෂණ ගමගේ සහ චතුර ගලප්පත්ති යන මහතුවරු එක්ව සිටියහ.
2026-11-17
ගුරු සේවයේ සිට විදුහල්පති සේවයට පත්වීමේදී ඇතිවන වැටුප් විෂමතා පිළිබඳව අධ්යාපනය, ශ්රම බලකාය සහ මානව ප්රාග්ධනය පිළිබඳ ආංශික අධීක්ෂණ කාරක සභාව විසින් පත් කරන ලද අනුකමිටුවේදී තවදුරටත් සාකච්ඡා කෙරිණි.එම අනුකමිටුව එහි සභාපති ගරු පාර්ලිමේන්තු මන්ත්රී සුනිල් රාජපක්ෂ මහතාගේ ප්රධානත්වයෙන් පසුගියදා රැස්වූ අවස්ථාවේදී මෙම කරුණු සාකච්ඡාවට ලක් විය.මෙම සාකච්ඡාව සඳහා අධ්යාපන, උසස් අධ්යාපන සහ වෘත්තීය අධ්යාපන අමාත්යාංශය, මුදල්, ක්රමසම්පාදන සහ ආර්ථික සංවර්ධන අමාත්යාංශය, රාජ්ය පරිපාලන පළාත් සභා සහ පළාත් පාලන අමාත්යාංශය සහ රාජ්ය සේවා කොමිෂන් සභාව නියෝජනය කරමින් ජ්යෙෂ්ඨ නිලධාරීහු සහභාගී වූහ.ගුරු සේවයේ නිලධාරීන් විදුහල්පති සේවයට පත්වීමේදී ඇතිවී තිබෙන වැටුප් වර්ධක පරතරයන් සහ විෂමතාවයන් පිළිබඳව මෙහිදී දීර්ඝ වශයෙන් සාකච්ඡා විය. එක් සේවාවකට පමණක් වෙන් වෙන්ව වැටුප් සංශෝධන සිදු කිරීමෙන් සමස්ත රාජ්ය සේවයේ අනෙකුත් සේවාවන් සමඟ සංසන්දනාත්මකව ගැටලු මතුවන බවට මෙහිදී කරුණු ඉදිරිපත් කෙරිණි.සේවා ව්යවස්ථාව සහ බඳවා ගැනීමේ වයස් සීමා සංශෝධනය, විදුහල්පති විශේෂ දීමනා සහ ප්රවාහන පහසුකම්, පාසල් වර්ගීකරණය සහ පුරප්පාඩු සම්පූර්ණ කිරීම, විධිමත් ස්ථාන මාරු ප්රතිපත්තිය, ගුරු සහ විදුහල්පති නිල නිවාස ප්රතිසංස්කරණය ඇතුළු කරුණු පිළිබඳව අනුකාරක සභාව විසින් නිලධාරීන් සමඟ දීර්ඝ ලෙස සාකච්ඡා කරන ලදී.මේ සම්බන්ධයෙන් තවදුරටත් සාකච්ඡා කිරීමෙන් අනතුරුව යෝජනා සහිත අවසාන වාර්තාව ආංශික අධීක්ෂණ කාරක සභාවට ඉදිරිපත් කිරීමට නියමිතය.මෙම රැස්වීමට ගරු පාර්ලිමේන්තු මන්ත්රීවරුන් වන අබූබකර් අතම්බාවා, සුගත් වසන්ත ද සිල්වා, සුජීව දිසානායක සහ චානක මාදුගොඩ යන මහත්වරු ද සහභාගී වූහ.
2026-11-16
පරිසරය, කෘෂිකර්මය සහ සම්පත් තිරසාරත්වය පිළිබඳ ආංශික අධීක්ෂණ කාරක සභාව එහි සභාපති ගරු පාර්ලිමේන්තු මන්ත්රී හෙක්ටර් අප්පුහාමි මහතාගේ සභාපතිත්වයෙන් පසුගියදා (නොවැ. 13) පාර්ලිමේන්තුවේ දී රැස් විය.මෙහිදී අලි-මිනිස් ගැටුම පාලනය කිරීම, වල් අලින්ගේ සංක්රමණ රටා හඳුනාගැනීම සහ අලි සංරක්ෂණය සඳහා නව තාක්ෂණය යොදාගැනීම පිළිබඳව පුළුල් ලෙස සාකච්ඡා කෙරිණි. එමෙන්ම කාවන්තිස්ස ඇතාගේ මරණය සම්බන්ධයෙන් ද අවධානය යොමු විය.අලින්ගේ වාසස්ථාන අහිමි වීම, සාම්ප්රදායික අලි මංකඩ අවහිර වීම සහ ජනාවාස හා වගාබිම් ආශ්රිතව ආහාර සොයා යාම, අලි-මිනිස් ගැටුම වර්ධනය වීමට බලපාන ප්රධාන හේතු ලෙස මෙහිදී සාකච්ඡා විය. අලින්ගේ සංක්රමණ රටා හඳුනාගැනීම සඳහා GPS සහ සැටලයිට් කොලර් තාක්ෂණය යොදාගැනීමේ වැදගත්කම ද මෙහිදී අවධාරණය කෙරිණි.අලි-මිනිස් ගැටුම අවම කිරීම සඳහා ප්රාදේශීය මට්ටමින් වනජීවී නිලධාරීන්, ග්රාම නිලධාරීන් සහ ගම්වාසීන් සම්බන්ධ කරගත් ඒකාබද්ධ කමිටු පිහිටුවීම, ප්රජා සහභාගීත්වය ශක්තිමත් කිරීම සහ පූර්ව අනතුරු ඇඟවීමේ සන්නිවේදන ජාල ක්රියාත්මක කිරීම පිළිබඳව ද අදහස් හුවමාරු විය.එසේම රෝගී හා තුවාල ලැබූ අලින්ට ප්රතිකාර කිරීමේදී වනජීවී පශු වෛද්යවරුන් මුහුණ දෙන අභියෝග පිළිබඳව ද සාකච්ඡා කෙරිණි. වනජීවී දෙපාර්තමේන්තුවේ පශු වෛද්ය නිලධාරීන්ගේ සේවය, අලින් නිර්වින්දනය කිරීමේදී පවතින අවදානම් සහ ක්ෂේත්රයේදී ප්රතිකාර කිරීම සඳහා අවශ්ය ජංගම වෛද්ය පහසුකම් හා ජංගම එක්ස්-රේ යන්ත්ර වැනි තාක්ෂණික උපකරණවල අවශ්යතාවය ද මෙහිදී අවධානයට ලක් විය.මෙම අවස්ථාවට ගරු පාර්ලිමේන්තු මන්ත්රීවරුන් වන කිංස් නෙල්සන්, උපුල් කිත්සිරි, නීතීඥ එම්. ඒ. සී. එස්. චතුරි ගංගානි, සුදත් බලගල්ල, කිට්නන් සෙල්වරාජ් සහ නීතීඥ භාග්ය ශ්රී හේරත් යන මහත්ම මහත්මීහු සහභාගී වූහ.
පාර්ලිමේන්තු අත්පොත
ශ්රී ලංකාවේ මැතිවරණ ක්රමය
පාර්ලිමේන්තුවේ කටයුතු සිදුවන ආකාරය
පාර්ලිමේන්තුවේ කටයුතු
© ශ්රී ලංකා පාර්ලිමේන්තුව.
සියලු හිමිකම් ඇවිරිණි.
නිර්මාණය සහ සංවර්ධනය TekGeeks


