පාර්ලිමේන්තු අත්පොත
ශ්රී ලංකාවේ මැතිවරණ ක්රමය
පාර්ලිමේන්තුවේ කටයුතු සිදුවන ආකාරය
පාර්ලිමේන්තුවේ කටයුතු
ප්රවේශ වී ඔබේ පාර්ලිමේන්තුව සමඟ සම්බන්ධ වන්න
2021-02-24
ශ්රී ලංකා පාකිස්ථාන පාර්ලිමේන්තු මිත්රත්ව සංගමයේ නව සභාපතිවරයා ලෙස කම්කරු අමාත්ය නිමල් සිරිපාල සිල්වා මහතා ඊයේ නිතරඟයෙන් පත්විය.
එම සංගමයේ උප සභාපතිවරුන් ලෙස රවුෆ් හකීම්, අරවින්ද කුමාර් සහ මොහොමඩ් මුසම්මිල් යන මන්ත්රීවරුන් තේරී පත් වූ අතර ලේකම් ධුරයට පත්වූයේ රිෂාඩ් බදුර්දීන් මහතාය.
මෙම පත් කිරීම් සිදු වුයේ කථානායක මහින්ද යාපා අබේවර්ධන මහතාගේ ආරාධනයෙන් ඊයේ (23) පාර්ලිමේන්තුවේදි පැවැති පාකිස්ථාන, ශ්රී ලංකා පාර්ලිමේන්තු මිත්රත්ව සංගමයේ රැස්වීමේදීය . මෙම අවස්ථාවට පාර්ලිමේන්තු මහ ලේකම් ධම්මික දසනායක මහතා සහ ශ්රී ලංකාවේ පකිස්ථාන මහ කොමසාරිස් ජෙනරාල් මොහොමඩ් සාද් කටාක් මහතා ඇතුළු පාර්ලිමේන්තු මන්ත්රීවරු විශාල පිරිසක් සහභාගි වූහ.
මෙහිදී අදහස් දැක්වූ කථානායක මහින්ද යාපා අබේවර්ධන මහතා ශ්රී ලංකාව හා පකිස්ථානය අතර පවතින දීර්ඝකාලීන මිත්රත්වය අගය කළ අතර මෙරට පාර්ලිමේන්තුවේත් , පාකිස්තාන පාර්ලිමේන්තුවේත් කාර්ය මණ්ඩල සාමාජිකයන්ගේ සාක්ෂරතාව වර්ධනය සඳහා අත්සන් කිරීමට නියමිත ද්විපාර්ශික ගිවිසුම සම්බන්ධයෙන්ද සඳහන් කළේය.
මෙහිදී අදහස් දැක්වූ සභාපති ධුරයට පත් වූ නිමල් සිරිපාල ද සිල්වා මහතා මෙරට වසර 30 කට අධික කාලයක් තුළ පැවති යුද්ධය අවසන් කිරීමට පකිස්ථානය දුන් සහයෝගය ඇගයීමට ලක්කරමින් පාකිස්ථානය ශ්රී ලංකාවේ සමීපතම මිතුරෙක් බව සඳහන් කළේය . එමෙන්ම මානව හිමිකම් කවුන්සලයේ දී ශ්රී ලංකාවට එරෙහිව ඉදිරිපත් වන යෝජනා පරාජය කිරීමට පාකිස්ථානය දැක්වූ සහයෝගයටද හෙතෙම ස්තුති කළේය.
එමෙන්ම, පකිස්ථානය හා ඉන්දියාව අතර ඇති අර්බුද පැවති සමයේ පකිස්ථානය ගුවන්යානා වලට මෙරටේදී ඉන්ධන ලබාගැනීමට ශ්රී ලංකාව ගනු ලැබූ පියවර සිහිපත් කළ ඒ මහතා 1996 වර්ෂයේ දී පාකිස්ථානයේ ලාහෝර් නුවර දී පැවැති ලෝක කුසලාන ක්රිකට් තරගාවලියේ ශූරතාව හිමිකර ගැනීමේ දී ශ්රී ලංකාවට පකිස්ථාන ක්රීඩාලෝලීන්ගෙන් ලැබුණු සහයෝගය සිහිපත් කළේය.
මෙම අවස්ථාවේදී අදහස් දැක්වූ පාකිස්ථාන මහ කොමසාරිස්වරයා ශ්රී ලංකාව හා පකිස්ථානය අතර පවතින ද්විපාර්ශවික සහයෝගීතාව ඉතා ශක්තිමත් බවත් අග්රාමාත්ය ඉම්රන් ඛාන් මහතාගේ ශ්රී ලංකා සංචාරය එම සහයෝගීතාවය වඩාත් ප්රවර්ධනය කිරීමට හේතු වන බවත් පෙන්වා දුන්නේය.
මෙම රැස්වීමේ දී පාර්ලිමේන්තු මන්ත්රී සුරේෂ් වඩිවෙල් මහතා සහකාර ලේකම් ධුරයට පත්වූ අතර පාර්ලිමේන්තු මන්ත්රි වීරසුමන වීරසිංහ මහතා භාණ්ඩාගාරික තනතුරට පත්වූහ.
2026-11-21
අයවැය කාල සීමාව තුළ පනත් කෙටුම්පත් ත්රිත්වයක දෙවැනිවර කියවීමේ විවාදයන් පැවැත්වීමට ඊයේ (නොවැ. 20) කථානායක වෛද්ය ජගත් වික්රමරත්න මහතාගේ සභාපතීත්වයෙන් රැස්වූ පාර්ලිමේන්තු කටයුතු පිළිබඳ කාරක සභාවේ දී තීරණය වූ බව පාර්ලිමේන්තුවේ මහ ලේකම් කුෂානි රෝහණදීර මහත්මිය පැවසුවාය.ඒ අනුව, නොවැම්බර් 23 සඳුදා, පෙ.ව. 11.00 සිට ප.ව. 6.00 දක්වා විදේශ කටයුතු, විදේශ රැකියා සහ සංචාරක අමාත්යාංශයේ වැය ශීර්ෂය විවාදයට ගැනීමෙන් අනතුරුව, ප.ව. 6.00 සිට ප.ව. 6.30 දක්වා විදේශීය ත්රස්තවාදී සටන්කරුවන් වැළැක්වීමේ පනත් කෙටුම්පත දෙවැනිවර කියවීමේ විවාදය පැවැත්වීමට මෙහිදී තීරණය වී තිබේ. තවද, දෙසැම්බර් 05 සෙනසුරාදා, පෙ.ව. 11.00 සිට ප.ව. 6.00 දක්වා තරුණ කටයුතු සහ ක්රීඩා අමාත්යාංශයේ සහ කාන්තා සහ ළමා කටයුතු අමාත්යාංශයේ වැය ශීර්ෂ විවාදයට ගැනීමෙන් අනතුරුව, ප.ව. 6.00 සිට ප.ව. 9.00 දක්වා ශ්රී ලංකා ක්රිකට් පනත් කෙටුම්පත විවාදයට ගැනීමටත් (දෙවැනිවර කියවීම) නියමිතව ඇත.එසේම, දෙසැම්බර් 07 සඳුදා, පෙ.ව. 11.00 සිට ප.ව. 6.00 දක්වා රාජ්ය පරිපාලන, පළාත් සභා සහ පළාත් පාලන අමාත්යාංශයේ සහ කම්කරු අමාත්යාංශයේ වැය ශීර්ෂ විවාදයට ගැනීමෙන් අනතුරුව ප.ව. 6.00 සිට ප.ව. 6.30 දක්වා ජලභීතිකා රෝගය තුරන් කිරීමේ සහ සුනඛයන් ලියාපදිංචි කිරීමේ පනත් කෙටුම්පතට අදාළ කාරක සභා අවස්ථාව සහ තෙවැනිවර කියවීම පැවැත්වීමටත් මෙහිදී තීරණය වී තිබේ. (මෙම පනත් කෙටුම්පත 2026 ඔක්තෝබර් 23 දින දෙවැනිවර කියවීමේ විවාදය පවත්වා කල් තබා ඇත) ඒ අනුව ඉහත දිනයන්හි සභාව කල් තබන අවස්ථාවේ යෝජනා විවාදයට නොගැනේ.මේ අතර, පාර්ලිමේන්තු විශේෂ කාරක සභා පත් කිරීමට අදාළ යෝජනා ත්රිත්වයකට ද පාර්ලිමේන්තු කටයුතු පිළිබඳ කාරක සභාවේ අනුමතිය හිමි වී තිබේ. ඒ අනුව, කොවිඩ්-19 වසංගතය හේතුවෙන් ශ්රී ලංකාවේ දී මියගිය පුද්ගලයන්ගේ මෘත දේහයන් බැහැර කිරීමේදී නිර්දේශිත ප්රමිතීන් සහ ආරක්ෂිත ක්රියාපටිපාටීන්, සංස්කෘතික වටිනාකම් සහ ආගමික නිදහස උල්ලංඝනය කරමින් කටයුතු කර ඇති බවට එල්ල වී ඇති චෝදනා ඇතුළු ඒ සම්බන්ධ කරුණු පිළිබඳව විමර්ශනය කර පාර්ලිමේන්තුවට වාර්තා කිරීම සඳහා වන පාර්ලිමේන්තු විශේෂ කාරක සභාවක් පත් කිරීම, ස්වාධීන තරුණ කොමිෂන් සභාවක් පිහිටුවීම සම්බන්ධයෙන් කරුණු සලකා බලා නිර්දේශ ඉදිරිපත් කිරීම සඳහා පාර්ලිමේන්තුවේ විශේෂ කාරක සභාවක් පත් කිරීම සහ කාවන්තිස්ස ඇතාගේ මරණය, ඊට අදාළ බලධාරීන්ගේ ක්රියාකලාපය සහ වනජීවී ආරක්ෂණ නීති ක්රියාත්මක කිරීම පරීක්ෂා කර බැලීම, එවැනි සිද්ධියක් නැවත සිදුවීම වළක්වා ගැනීම උදෙසා නිර්දේශ ඉදිරිපත් කිරීමට විශේෂ කාරක සභාවක් පත් කිරීම සඳහා වන යෝජනා ත්රිත්වයට පාර්ලිමේන්තු කටයුතු පිළිබඳ කාරක සභාවේ අනුමතිය හිමිව ඇත.
2026-11-20
2027 වසර සඳහා වන විසර්ජන පනත් කෙටුම්පත දෙවැනිවර කියවීම වැඩි ඡන්ද 97 කින් පාර්ලිමේන්තුවේ දී අද (නොවැ. 20) සම්මත විය. අද ප.ව. 6.50 ට පමණ දෙවැනිවර කියවීමේ ඡන්ද විමසීම පැවැත්වූ අතර එහිදී අයවැයට පක්ෂව ඡන්ද 157 ක් ද විරුද්ධව ඡන්ද 60ක් ද හිමිය. 2027 වසර සදහා වන විසර්ජන පනත් කෙටුම්පත දෙවැනිවර කියවීම හෙවත් ‘අයවැය කථාව’ මුදල් අමාත්යවරයා ලෙස ගරු ජනාධිපති අනුර කුමාර දිසානායක මහතා පසුගිය 12 වැනිදා පාර්ලිමේන්තුවට ඉදිරිපත් කළේය. අනතුරුව නොවැම්බර් 13 සිට අද (20) දක්වා, දින 7 ක් විසර්ජන පනත් කෙටුම්පත (අයවැය) දෙවැනිවර කියවීමේ විවාදය පැවැත්විණි.කාරක සභා අවස්ථා විවාදය නොවැම්බර් 21 සිට දෙසැම්බර් 14 වැනිදා දක්වා දින 19 ක් පැවැත්වේ. මේ අනුව, 2027 මූල්ය වර්ෂය සදහා වන අයවැය තෙවනවර කියවීමේ ඡන්ද විමසීම දෙසැම්බර් 14 වැනිදා ප.ව. 6.00 ට පැවැත්වීමට නියමිතය.
2026-11-20
වැව් රක්ෂිතයේ පාමුල හෝ ආරක්ෂිත කලාපය තුළ හෝ අනවසරෙන් ඉදිකර ඇති ව්යාපාරික ස්ථාන සහ පදිංචි ස්ථාන 2196 න් 1417 ක් වාරිමාර්ග දෙපාර්තමේන්තුව යටතේ ඇති වැව් ආශ්රිතවත්, ඉතිරි 779 ශ්රී ලංකා මහවැලි අධිකාරිය යටතේ ඇති වැව් ආශ්රිතවත් සිදු වී ඇති බවත් ඉඩම් සහ වාරිමාර්ග ගරු නියෝජ්ය අමාත්ය අරවින්ද සෙනරත් මහතා පැවසීය. ගරු පාර්ලිමේන්තු මන්ත්රී සුරංග රත්නායක මහතා වාචික පිළිතුරු අපේක්ෂාවෙන් යොමු කළ ප්රශ්නවලට පාර්ලිමේන්තුවේ දී පිළිතුරු ලබා දෙමින් නියෝජ්ය අමාත්යවරයා මේ බව සඳහන් කළේය.වාරිමාර්ග දෙපාර්තමේන්තුව යටතේ ඇති වැව් ආශ්රිත අනවසර ඉදිකිරීම් 102 ක් 2022 සිට මේ දක්වා ඉවත් කර ඇති බවත්, ශ්රී ලංකා මහවැලි අධිකාරිය යටතේ ඇති වැව් ආශ්රිතව ඉදිකිරීම් 779 ක් තවදුරටත් ඉවත් කිරීමට ඇති බවත් නියෝජ්ය අමාත්යවරයා කීවේය.වාරිමාර්ග දෙපාර්තමේන්තුව යටතේ ලියාපදිංචි වී ඇති වැව් 700 ක් ඇති බවත්, ශ්රී ලංකා මහවැලි අධිකාරිය යටතේ ලියාපදිංචි වී ඇති වැව් 483 ක් ඇති බවත් පෙන්වාදුන් නියෝජ්ය අමාත්යවරයා අනවසර ඉදිකිරීම් ඉවත් කර වැව් රක්ෂිත ප්රදේශ නීත්යානුකූලව සංරක්ෂණය කිරීම සඳහා වාරිමාර්ග දෙපාර්තමේන්තුව සහ ශ්රී ලංකා මහවැලි අධිකාරිය ක්රියාමාර්ග ගෙන ඇති බව ද වැඩිදුරටත් ප්රකාශ කළේය.
2026-11-20
පුරාවිද්යා දෙපාර්තමේන්තුව විසින් මොණරාගල දිස්ත්රික්කය තුළ සංරක්ෂණය කර ඇති ස්ථාන අතරින් දේශීය සහ විදේශීය සංචාරකයින් සඳහා නැරඹීමට ස්ථාන 05 ක් විවෘත කර ඇති බවත්, බුදුරුවගල, මාලිගාවිල, යුධගනාව සහ ගලබැද්ද පුරාවිද්යා ස්ථාන මෙන්ම දෙමටමල් විහාරය මෙලෙස විවෘතව පවතින බවත් බුද්ධශාසන, ආගමික සහ සංස්කෘතික කටයුතු ගරු අමාත්ය ආචාර්ය හිනිදුම සුනිල් සෙනෙවි මහතා පැවසීය.ගරු පාර්ලිමේන්තු මන්ත්රී නීතිඥ සරත් කුමාර මහතා වාචික පිළිතුරු අපේක්ෂාවෙන් ඉදිරිපත් කළ ප්රශ්නවලට පිළිතුරු ලබා දෙමින් අමාත්යවරයා මේ බව ප්රකාශ කළේය. මොණරාගල දිස්ත්රික්කය තුළ පිහිටා ඇති මේ වන විට ලියාපදිංචි කර ඇති පුරාවිද්යා ස්ථාන සංඛ්යාව 137 ක් බව ද ඒවා ගලබැද්ද, මාලිගාවිල, බුදුරුවගල සහ බිබිල යන පුරාවිද්යා කලාප 04 කට අයත් වන බව ද අමාත්යවරයා කිවේය. මෙම කලාපවලට අයත් භුමි ප්රමාණය විග්රහ කළ අමාත්යවරයා, ගලබැද්ද කලාපයට වර්ග කිලෝමීටර 2000.1 ක්, මාලිගාවිල කලාපයට වර්ග කිලෝමීටර 1199.2 ක්, බුදුරුවගල කලාපයට 1426.2 ක් සහ බිබිල කලාපයට 713.1 ක් අයත් බව ද සඳහන් කළේය.නැරඹීමට පැමිණෙන දේශීය හා විදේශීය සංචාරකයින් සඳහා බුදුරුවගල පුරාවිද්යා ස්ථානයට මධ්යම සංස්කෘතික අරමුදල මඟින් ද, යුධගනාව පුරාවිද්යා ස්ථානයට විහාරස්ථානය මඟින් ද, දෙමටමල් විහාරයට විහාරස්ථානය මඟින් ද සනීපාරක්ෂක පහසුකම් සහ අනෙකුත් යටිතල පහසුකම් ප්රමාණවත් පරිදි සපයා තිබෙන බවත්, මාලිගාවිල පුරාවිද්යා ස්ථානයේ සහ ගලබැද්ද පුරාවිද්යා ස්ථානයේ ඇති යටිතල පහසුකම් තවදුරටත් දියුණු කළ යුතු බවත් අමාත්යවරයා වැඩිදුරටත් පෙන්වා දුන්නේය.
පාර්ලිමේන්තු අත්පොත
ශ්රී ලංකාවේ මැතිවරණ ක්රමය
පාර්ලිමේන්තුවේ කටයුතු සිදුවන ආකාරය
පාර්ලිමේන්තුවේ කටයුතු
© ශ්රී ලංකා පාර්ලිමේන්තුව.
සියලු හිමිකම් ඇවිරිණි.
නිර්මාණය සහ සංවර්ධනය TekGeeks

