ශ්‍රී ලංකා පාර්ලිමේන්තුව

පනත් කෙටුම්පත් පිළිගැන්වීම

විසර්ජන (2011)

අග්‍රාමාත්‍යතුමා සහ බුද්ධ ශාසන හා ආගමික කටයුතු අමාත්‍යතුමා විසින් 2011 මුදල් වර්ෂයේ සේවා වියදම් සඳහා විධිවිධාන සැලසීම සඳහා ද; ඒ සේවා කාර්ය සඳහා ශ්‍රී ලංකාව තුළ හෝ ඉන් බැහැර හෝ ණය ලබා ගැනීමට බලය දීම සඳහා ද; ඒ මුදල් වර්ෂය තුළ ආණ්ඩුවේ ඇතැම් කටයුතු වෙනුවෙන් මූල්‍ය ප්‍රතිපාදන සැපයීම සඳහා ද; එම කටයුතු වෙනුවෙන් ඒ මුදල් වර්ෂය තුළ වියදම් සඳහා අවශ්‍ය වන මුදල් ඒකාබද්ධ අරමුදලින් හෝ ආණ්ඩුවේ හෝ ආණ්ඩුවට සුදුස්සක් කළ හැකි වෙනත් යම් අරමුදලකින් හෝ මුදල්වලින් හෝ අත්තිකාරම් වශයෙන් ගෙවීමට ඉඩ සැලසීම සඳහා ද; ඒකාබද්ධ අරමුදලට ඒ මුදල් ආපසු ගෙවීමට විධිවිධාන සැලසීම සහ ඉහත කී කරුණු හා සම්බන්ධ හෝ එයට ආනුෂංගික කරුණු සම්බන්ධයෙන් විධිවිධාන සැලසීම ‍සඳහා ද වූ පනත් කෙටුම්පත ඉදිරිපත් කරන ලදී.

ගරු (පූජ්‍ය) අතුරලියේ රතන හිමියන්ට "සත්ව සුභ සාධනය" පනත් කෙටුම්පත ඉදිරිපත් කිරීමට අවසර දෙන ලදී.

ගරු ජානක බණ්ඩාර මහතාට "ශ්‍රී ධම්මාලංකාර සමාජ සේවා පදනම (සංස්ථාගත කිරීමේ)" පනත් කෙටුම්පත ඉදිරිපත් කිරීමට අවසර දෙන ලදී.

අද දින සභාවේ ප්‍රධාන කටයුතු

මහජන ආරක්ෂක ආඥාපනත යටතේ යෝජනාව

1959 අංක 8 දරන පනතින් ද ජාතික රාජ්‍ය සභාවේ 1978 අංක 6 දරන පනතින් සහ 1988 අංක 28 දරන පනතින් ද සංශෝධිත (40 වන අධිකාරය වූ) මහජන ආරක්ෂක ආඥාපනතේ 2 වැනි වගන්තිය යටතේ අතිගරු ජනාධිපතිතුමා විසින් ඉහත කී ආඥාපනතේ II වැනි කොටසේ විධිවිධාන 2010 ඔක්තෝබර් මස 15 වැනි දින සිට ශ්‍රී ලංකාව මුළුල්ලේම ක්‍රියාත්මක කරමින් කරන ලද ප්‍රකාශය ගරු අග්‍රාමාත්‍ය, බුද්ධ ශාසන හා ආගමික කටයුතු අමාත්‍යවරයා විසින් ඉදිරිපත් කරනු ලදුව සම්මත විය.

ඒ අනුව, හදිසි නීතිය තවත් මසකට දීර්ඝ කරමින් හදිසි නීති යෝජනාව වැඩි ඡන්ද 99 කින් සම්මත විය. යෝජනාවට පක්ෂව ඡන්ද 118 ක් ප්‍රකාශ වූ අතර ඊට විරුද්ධව ඡන්ද 19 ක් ප්‍රකාශ විය.

තුන්වැනි වර කියවීම සඳහා ඡන්ද විමසීමක් (පක්ෂව 100; විරුද්ධව 05) පැවැත්වීමෙන් අනතුරුව සිවිල් ගුවන් සේවා පනත් කෙටුම්පත සභාව විසින් සංශෝධන සහිතව සම්මත කරන ලදී.

(2010 ඔක්තෝබර් මස 06 වැනි දින විවාදය කල් තබනු ලැබූ ප්‍රශ්නය)

අනතුරුව, පාර්ලිමේන්තුව පැය 1905 ට 2010 ඔක්තෝබර් මස 20 වැනි බදාදා පැය 1300 දක්වා කල් තබන ලදී.

සභාවේ කටයුතු

සභාවේ කටයුතු

මෙය සංස්කරණය නොකරන ලද අනුවාදයකි. මෙදින කටයුතුවල නිල වාර්තාව සඳහා කරුණාකර හැන්සාඩ් වාර්තාව බලන්න.

පාර්ලි‌මේන්තුව නරඹන්න

දැනුමට

සම්බන්ධ වන්න

පාර්ලි‌මේන්තුවේ මන්ත්‍රීවරු

මුල් පිටුව

පාර්ලිමේන්තුවේ කටයුතු

පාර්ලිමේන්තු මහලේකම් කාර්යාලය

පාර්ලිමේන්තුව සජීවීව

අපි ඔබගේ පෞද්ගලිකත්වය අගය කරමු

"හරි" ක්ලික් කිරීමෙන්, ඔබ පහත සඳහන් දේට එකඟ වේ: