ගරු ඉම්රාන් මහරූෆ් මහතා,— සමාජ සවිබලගැන්වීම් හා සුබසාධන අමාත්යතුමාගෙන් ඇසීමට,—
(අ) (i) ත්රිකුණාමලය දිස්ත්රික්කයේ දිවිනැගුම දිස්ත්රික් අධ්යක්ෂ තනතුර කොපමණ කාලයක සිට පුරප්පාඩුව පවතින්නේද;
(ii) පුරප්පාඩු කාල සීමාවේදී එම තනතුරෙහි වැඩබැලූ අයගේ නම්, සුදුසුකම් සහ වෙනත් විස්තර කවරේද;
(iii) මේ දක්වා ස්ථිර නිලධාරියෙක් පත් නොකිරීමට හේතුව කවරේද;
යන්න එතුමා මෙම සභාවට දන්වන්නෙහිද?
(ආ) (i) මෙම පුරප්පාඩුව පිරවීම සඳහා ත්රිකුණාමල දිස්ත්රික් ලේකම් විසින් නිලධාරියෙකු නිර්දේශ කරන ලද බවත්;
(ii) එම නිලධාරියා ශ්රී ලංකා සැලසුම් සේවයට අයත් වීම හේතුවෙන් දිවිනැගුම දෙපාර්තමේන්තුව එම නිර්දේශය අනුමත නොකළ බවත්;
(iii) එබැවින් එම තනතුර දිගින් දිගටම පුරප්පාඩු වී පවතින බවත්;
එතුමා දන්නෙහිද?
(ඇ) (i) ත්රිකුණාමලය දිවිනැගුම දිස්ත්රික් අධ්යක්ෂ ධූරයේ පුරප්පාඩුව පිරවීම හෝ දිස්ත්රික් ලේකම් නිර්දේශ කළ නිලධාරියාට එම පත්වීම ලබාදීම හෝ මේ දක්වා සිදු නොකිරීමට හේතුව කවරේද;
(ii) දිස්ත්රික් ලේකම් විසින් නිර්දේශ කළ නිලධාරියාට එම පත්වීම පිරිනැමීමෙන් දිවිනැගුම වැඩසටහනට බාධාවක් සිදුවිය හැකිද;
(iii) ත්රිකුණාමලය දිස්ත්රික් ලේකම් නිර්දේශ කළ නිලධාරියා ත්රිකුණාමලය දිවිනැගුම දිස්ත්රික් අධ්යක්ෂ වශයෙන් පත් කිරීමට කටයුතු කරන්නේද;
යන්නත් එතුමා මෙම සභාවට දන්වන්නෙහිද?
(ඈ) නොඑසේ නම්, ඒ මන්ද?
අසන ලද දිනය
2016-11-11
අසන ලද්දේ
ගරු ඉම්රාන් මහරූෆ් මහතා, පා.ම.
අමාත්යාංශය
සමාජ සවිබල ගැන්වීම් හා සුභසාධන
ව්යවස්ථාදායකය
ශ්රී ලංකා ප්රජාතාන්ත්රික සමාජවාදී ජනරජයේ අටවැනි පාර්ලිමේන්තුව
සභාවාරය
1 වැනි සභාවාරය
පාර්ලිමේන්තු අත්පොත
ශ්රී ලංකාවේ මැතිවරණ ක්රමය
පාර්ලිමේන්තුවේ කටයුතු සිදුවන ආකාරය
පාර්ලිමේන්තුවේ කටයුතු
© ශ්රී ලංකා පාර්ලිමේන්තුව.
සියලු හිමිකම් ඇවිරිණි.
නිර්මාණය සහ සංවර්ධනය TekGeeks
