3579/’13
ගරු සුජීව සේනසිංහ මහතා,— ප්රවාහන අමාත්යතුමාගෙන් ඇසීමට,—
(අ) (i) ශ්රී ලංකා ගමනාගමන මණ්ඩලයේ විශ්රාම යන සේවකයන්ට 2009 සිට පාරිතෝෂික මුදල් ගෙවා නොමැති බව දන්නේද;
(ii) එම වර්ෂයේ සිට පාරිතෝෂික මුදල් ගෙවීමට ඇති ශ්රී ලංගම සේවක / සේවිකාවන්ගේ නම් ලැයිස්තුවක් ඉදිරිපත් කරන්නේද;
(iii) ඉහත නම් සඳහන් සමස්ත සේවකයන්ට ගෙවීමට ඇති පාරිතෝෂික මුදලේ මුළු වටිනාකම කොපමණද;
(iv) ඔවුන්ට පාරිතෝෂික මුදල් ගෙවීමට කටයුතු කරන ආකාරය දින වකවානු සහිතව ඉදිරිපත් කරන්නේද;
යන්න එතුමා මෙම සභාවට දන්වන්නෙහිද?
(ආ) 2012 වර්ෂයේ සිට විශ්රාම ගිය ශ්රී ලංගම සේවකයින්ගේ පාරිතෝෂික මුදල් ගෙවීම ඔවුන් විශ්රාම ගෙන කොපමණ කලකින් සිදුකරන්නේද යන්න එතුමා සඳහන් කරන්නෙහිද?
(ඇ) නොඑසේ නම්, ඒ මන්ද?
අසන ලද දිනය
2013-08-08
අසන ලද්දේ
ගරු නීතිඥ අර්ජුන සුජීව සේනසිංහ මහතා, පා.ම.
අමාත්යාංශය
ප්රවාහන
ව්යවස්ථාදායකය
ශ්රී ලංකා ප්රජාතාන්ත්රික සමාජවාදී ජනරජයේ හත්වැනි පාර්ලිමේන්තුව
සභාවාරය
1 වැනි සභාවාරය
ගරු කුමාර වෙල්ගම මහතා (ප්රවාහන අමාත්යතුමා)
(மாண்புமிகு குமார வெல்கம - போக்குவரத்து அமைச்சர்)
(The Hon. Kumara Welgama - Minister of Transport)
ගරු නියෝජ්ය කථානායකතුමනි, මා එම ප්රශ්නයට පිළිතුර දෙනවා.
(අ) (i) ඔව්.
(ii) සේවකයින් 10,130යි. එම නම් ලැයිස්තුව කම්කරු දෙපාර්තමේන්තුව වෙත යවා ඇත.
(iii) රුපියල් මිලියන 3,600ක් පමණ වේ.
(iv) එම සේවකයින් සඳහා ගෙවිය යුතු පාරිතෝෂික මුදල් ශ්රී ලංගම පෞද්ගලික අර්ථසාධක මුදල කම්කරු දෙපාර්තමේන්තුවට පැවරීම මඟින් එහි අතිරික්ත මුදල් උපයෝගී කොට ගෙවීමට කම්කරු දෙපාර්තමේන්තුව කටයුතු යොදා ඇත. මෙහිදී කොටස් 3ක් යටතේ ගෙවීම් කටයුතු කම්කරු දෙපාර්තමේන්තුව විසින් සිදු කරනු ලබයි.
(ආ) 2012 දෙසැම්බර් මස 31වන දින දක්වාම විශ්රාම ගිය සියලුම සේවකයින්ට ඉහත සඳහන් කර ඇති ආකාරයට කම්කරු දෙපාර්තමේන්තුව මඟින් පාරිතෝෂික මුදල් ගෙවීම් සිදු කරනු ලබයි.
(ඇ) අදාළ නොවේ.
පිළිතුරු දුන් දිනය
2013-08-08
විසින් පිළිතුරු දෙන ලදී
ගරු කුමාර වෙල්ගම මහතා, පා.ම.
පාර්ලිමේන්තු අත්පොත
ශ්රී ලංකාවේ මැතිවරණ ක්රමය
පාර්ලිමේන්තුවේ කටයුතු සිදුවන ආකාරය
පාර්ලිමේන්තුවේ කටයුතු
© ශ්රී ලංකා පාර්ලිමේන්තුව.
සියලු හිමිකම් ඇවිරිණි.
නිර්මාණය සහ සංවර්ධනය TekGeeks
