ගරු මුජිබුර් රහුමාන් මහතා,— ආරක්ෂක අමාත්‍යතුමාගෙන් ඇසීමට,— (1)
(අ) (i) මුහුදේ සිදු කරනු ලබන සෙවීම් සහ ගලවා ගැනීමේ මෙහෙයුම් සඳහා නාවික හමුදාව සහ ගුවන් හමුදාව අතර පවතින වර්තමාන ක්‍රියාපටිපාටිය කවරේද;
(ii) 2025 සහ 2026 වර්ෂවලදී මුහුදේ සිදු කළ සෙවීම් සහ ගලවා ගැනීමේ මෙහෙයුම් සංඛ්‍යාව කොපමණද;
(iii) ඉන් ගුවන් සහාය ලබා දුන් මෙහෙයුම් සංඛ්‍යාව කොපමණද;
(iv) එම මෙහෙයුම් සඳහා සාමාන්‍ය ප්‍රතිචාර කාලය කොපමණද;
යන්න එතුමා මෙම සභාවට දන්වන්නෙහිද?
(ආ) (i) ‘දිට්වා’ සුළිකුණාටුව සමයේ මුහුදු හා ගංගා ආශ්‍රිත ගලවා ගැනීම් සඳහා ගුවන් යානා යෙදවීමේදී හඳුනාගත් අඩුපාඩු සහ ඒවා නිවැරදි කිරීමට ගෙන ඇති පියවර කවරේද;
(ii) 2026 ජුනි මාසයේදී එක්සත් ජනපදයෙන් නාවික හමුදාවට ලැබුණු වෙරළාරක්ෂක නෞකාවට හෙලිකොප්ටර් මෙහෙයුම් සිදු කිරීමේ හැකියාව තිබේද;
(iii) එසේ නම්, එය මේ වනවිට භාවිත කර තිබේද;
යන්නත් එතුමා මෙම සභාවට දන්වන්නෙහිද?
(ඇ) නොඑසේ නම්, ඒ මන්ද?
අසන ලද දිනය
2026-10-07
අසන ලද්දේ
ගරු මුජිබුර් රහුමාන් මහතා, පා.ම.
අමාත්‍යාංශය
ආරක්ෂක
ව්‍යවස්ථාදායකය
ශ්‍රී ලංකා ප්‍රජාතාන්ත්‍රික සමාජවාදී ජනරජයේ දසවැනි පාර්ලිමේන්තුව
සභාවාරය
1 වැනි සභාවාරය
පාර්ලිමේන්තු අත්පොත
ශ්‍රී ලංකාවේ මැතිවරණ ක්‍රමය
පාර්ලිමේන්තුවේ කටයුතු සිදුවන ආකාරය
පාර්ලිමේන්තුවේ කටයුතු
© ශ්‍රී ලංකා පාර්ලිමේන්තුව.
සියලු හිමිකම් ඇවිරිණි.
නිර්මාණය සහ සංවර්ධනය TekGeeks
