ගරු මුජිබුර් රහුමාන් මහතා,— ආරක්ෂක අමාත්‍යතුමාගෙන් ඇසීමට,— (1)
(අ) එක්සත් ජනපදය විසින් මෑතකදී ශ්‍රී ලංකාවට ලබා දුන් ‘TH-57 සී රේන්ජර්’ හෙලිකොප්ටර් යානා —
(i) ලබා ගැනීම සඳහා ශ්‍රී ලංකා රජය ඉල්ලීමක් කළ දිනය සහ එක්සත් ජනපදයේ අනුමැතිය ලැබුණු දිනය කවරේද;
(ii) ලබා ගැනීමේ ගිවිසුම අත්සන් කළ දිනය, එහි පාර්ශ්වකරුවන් සහ ලැබුණු ආකාරය (පරිත්‍යාගයක්ද, ණයක්ද, විකුණුමක්ද) කවරේද;
(iii) ඇස්තමේන්තුගත වෙළඳපොළ වටිනාකම එක්සත් ජනපද ඩොලර්වලින් කොපමණද;
(iv) අතිරික්ත ආරක්ෂක උපකරණ (EDA) ලේඛනවල දැක්වෙන මුල් මිලදී ගැනීමේ වටිනාකම සහ වත්මන් වටිනාකම කවරේද;
(v) යෙදවීමට අපේක්ෂිත ප්‍රධාන කාර්යයන් කවරේද;
(vi) මෙරටට ගෙන්වා ගැනීම දක්වා ශ්‍රී ලංකා රජය දැරූ මුළු වියදම කොපමණද;
(vii) ලැබීමෙන් පසු අලුත්වැඩියා කිරීම, යළි ගුවන්ගත කිරීම සහ සහතික කිරීම සඳහා වැය කළ මුදල කොපමණද;
(viii) මේ දක්වා ගුවන්ගතවී ඇති මුළු පියාසර පැය ගණන සහ ඉතිරි පියාසර පැය ගණන එක් එක් යානයේ ලියාපදිංචි අංකය අනුව වෙන් වෙන් වශයෙන් කොපමණද;
යන්න එතුමා මෙම සභාවට දන්වන්නෙහිද?
(ආ) නොඑසේ නම්, ඒ මන්ද?
අසන ලද දිනය
2026-10-06
අසන ලද්දේ
ගරු මුජිබුර් රහුමාන් මහතා, පා.ම.
අමාත්‍යාංශය
ආරක්ෂක
ව්‍යවස්ථාදායකය
ශ්‍රී ලංකා ප්‍රජාතාන්ත්‍රික සමාජවාදී ජනරජයේ දසවැනි පාර්ලිමේන්තුව
සභාවාරය
1 වැනි සභාවාරය
පාර්ලිමේන්තු අත්පොත
ශ්‍රී ලංකාවේ මැතිවරණ ක්‍රමය
පාර්ලිමේන්තුවේ කටයුතු සිදුවන ආකාරය
පාර්ලිමේන්තුවේ කටයුතු
© ශ්‍රී ලංකා පාර්ලිමේන්තුව.
සියලු හිමිකම් ඇවිරිණි.
නිර්මාණය සහ සංවර්ධනය TekGeeks
