ගරු රෝහිණි කුමාරි විජේරත්න මහත්මිය,— රාජ්‍ය පරිපාලන, පළාත් සභා සහ පළාත් පාලන අමාත්‍යතුමාගෙන් ඇසීමට,— (1)
(අ) (i) මධ්‍යම පළාත් සභාවේ ක්‍රීඩා අමාත්‍යාංශය මඟින් වාර්ෂිකව පළාත් ක්‍රීඩා තරඟාවලියක් පවත්වනු ලබන බවත්;
(ii) එම තරඟාවලියට අදාළව ජයග්‍රාහකයන් සඳහා වර්ෂයට අදාළව ක්‍රීඩා වර්ණ ප්‍රදානෝත්සවයක් පවත්වනු ලබන බවත්;
(iii) එය එළඹෙන වර්ෂයේ පළාත් ක්‍රීඩා තරඟයේ අවසන් දිනට පෙර පවත්වා වර්ණ ප්‍රදානය කරන බවත්;
එතුමා දන්නෙහිද?
(ආ) (i) 2025 වර්ෂයේ මධ්‍යම පළාත් ක්‍රීඩා වර්ණ ප්‍රදානෝත්සවය සඳහා ප්‍රතිපාදන වෙන් කර තිබේද;
(ii) එසේ නම්, වෙන් කළ ප්‍රතිපාදන ප්‍රමාණය කොපමණද;
(iii) ප්‍රතිපාදන වෙන් කිරීමෙන් පසුව වර්ණ ප්‍රදානෝත්සවය පැවැත්වීමට නියම කරනු ලැබූ දිනය කල් තබා තිබේද;
(iv) එසේ නම්, කල් දමන ලද වාර ගණන කොපමණද;
(v) වර්ණ ප්‍රදානෝත්සවය මේ වනවිට පවත්වා අවසන් කර තිබේද;
(vi) නොඑසේ නම්, පැවැත්වීමට නියමිත දිනය කවරේද;
(vii) එම උත්සවය නොපවත්වන්නේ නම්, ඒ සඳහා වෙන් කළ ප්‍රතිපාදනවල වර්තමාන තත්ත්වය කවරේද;
(viii) 2026 වර්ෂයට අදාළ මධ්‍යම පළාත් ක්‍රීඩා අවසන් මහා තරඟය සඳහා දින නියම කර තිබේද;
(ix) එසේ නම්, එම දිනය කවරේද;
යන්න එතුමා මෙම සභාව‍‍ට දන්වන්නෙහිද?
(ඇ) නොඑසේ නම්, ඒ මන්ද?
අසන ලද දිනය
2026-10-06
අසන ලද්දේ
ගරු රෝහිණි කුමාරි විජේරත්න මහත්මිය, පා.ම.
අමාත්‍යාංශය
රාජ්‍ය පරිපාලන, පළාත් සභා සහ පළාත් පාලන
ව්‍යවස්ථාදායකය
ශ්‍රී ලංකා ප්‍රජාතාන්ත්‍රික සමාජවාදී ජනරජයේ දසවැනි පාර්ලිමේන්තුව
සභාවාරය
1 වැනි සභාවාරය
පාර්ලිමේන්තු අත්පොත
ශ්‍රී ලංකාවේ මැතිවරණ ක්‍රමය
පාර්ලිමේන්තුවේ කටයුතු සිදුවන ආකාරය
පාර්ලිමේන්තුවේ කටයුතු
© ශ්‍රී ලංකා පාර්ලිමේන්තුව.
සියලු හිමිකම් ඇවිරිණි.
නිර්මාණය සහ සංවර්ධනය TekGeeks
