ගරු ඩබ්ලිව්. එච්. එම්. ධර්මසේන මහතා,— මුදල්, ක්‍රමසම්පාදන සහ ආර්ථික සංවර්ධන අමාත්‍යතුමාගෙන් ඇසීමට,— (1)
(අ) (i) 2026 ජූලි 31 දින වනවිට ‘අස්වැසුම’ සුබසාධක ප්‍රතිලාභීන් සංඛ්‍යාව කොපමණද;
(ii) එම අයදුම්කරුවන්ගේ තොරතුරු යාවත්කාලීන කිරීම සම්පූර්ණ කළ පවුල් සංඛ්‍යාව සහ එය සම්පූර්ණ නොකිරීම හේතුවෙන් ප්‍රතිලාභ අහිමිවූ පවුල් සංඛ්‍යාව දිස්ත්‍රික්කය අනුව වෙන් වෙන් වශයෙන් කොපමණද;
(iii) දෙවන අදියරේ සුදුසුකම්ලාභී නාම ලේඛන සම්බන්ධයෙන් ලැබී ඇති අභියාචනා හා විරෝධතා සංඛ්‍යාව, ඉන් විභාග කර අවසන් කර ඇති සංඛ්‍යාව සහ මුල් තීරණය සංශෝධනයවූ අවස්ථා සංඛ්‍යාව වෙන් වෙන් වශයෙන් කොපමණද;
(iv) දෝෂ සහිත දත්ත හේතුවෙන් සුදුසුකම් නොලබන පවුල් ප්‍රතිලාභ ලබා ඇති සහ සුදුසුකම් සහිත පවුල් සඳහා ප්‍රතිලාභ අහිමිවූ බවට හඳුනාගෙන ඇති අවස්ථා සංඛ්‍යාව කොපමණද;
(v) සුදුසුකම් නොලැබූ පවුල් සඳහා ප්‍රතිලාභ ලබාදීම හේතුවෙන් සිදුවී ඇති රාජ්‍ය මූල්‍ය පාඩුව කොපමණද;
(vi) වත්මන් නිර්ණායක සංශෝධනය කර නව නිර්ණායක යටතේ ප්‍රතිලාභීන් තෝරා ගැනීම සම්බන්ධයෙන් රජයේ මුදල් පිළිබඳ කාරක සභාව ලබා දුන් උපදෙස් ක්‍රියාත්මක කිරීමේ ප්‍රගතිය කවරේද;
යන්න එතුමා මෙම සභාවට දන්වන්නෙහිද?
(ආ) නොඑසේ නම්, ඒ මන්ද?
අසන ලද දිනය
2026-09-24
අසන ලද්දේ
ගරු ඩබ්ලිව්. එච්. එම්. ධර්මසේන මහතා, පා.ම.
අමාත්‍යාංශය
මුදල්, ක්‍රම සම්පාදන සහ ආර්ථික සංවර්ධන
ව්‍යවස්ථාදායකය
ශ්‍රී ලංකා ප්‍රජාතාන්ත්‍රික සමාජවාදී ජනරජයේ දසවැනි පාර්ලිමේන්තුව
සභාවාරය
1 වැනි සභාවාරය
පාර්ලිමේන්තු අත්පොත
ශ්‍රී ලංකාවේ මැතිවරණ ක්‍රමය
පාර්ලිමේන්තුවේ කටයුතු සිදුවන ආකාරය
පාර්ලිමේන්තුවේ කටයුතු
© ශ්‍රී ලංකා පාර්ලිමේන්තුව.
සියලු හිමිකම් ඇවිරිණි.
නිර්මාණය සහ සංවර්ධනය TekGeeks
