ගරු අමිර්තනාදන් අඩෛක්කලනාදන් මහතා,— රාජ්‍ය පරිපාලන, පළාත් සභා සහ පළාත් පාලන අමාත්‍යතුමාගෙන් ඇසීමට,— (1)
(අ) මන්නාරම සහ මුලතිව් දිස්ත්‍රික්කවල —
(i) ප්‍රමාණවත් ගිනි නිවීම් සේවා පහසුකම් නොමැති බව දන්නේද;
(ii) මේ වනවිට ක්‍රියාත්මක ගිනි නිවීම් මධ්‍යස්ථාන සහ ගිනි නිවන රථවාහන සංඛ්‍යාව කොපමණද;
(iii) ගිනි ගැනීම්වලදී ක්ෂණික සහාය සැපයීම සඳහා ගත වන සාමාන්‍ය කාලය කොපමණද;
යන්න එතුමා මෙම සභාවට දන්වන්නෙහිද?
(ආ) එම දිස්ත්‍රික්කවල —
(i) ගිනි නිවීම් සේවා සඳහා අනුමත සේවක සංඛ්‍යාව සහ පවතින පුරප්පාඩු සංඛ්‍යාව කොපමණද;
(ii) පසුගිය වර්ෂ 03 තුළ ගිනි නිවීම් සේවා සංවර්ධනය සඳහා වෙන් කරන ලද සහ වැය කරන ලද මුදල වෙන් වෙන් වශයෙන් කොපමණද;
(iii) ගිනි නිවන භටයින්ට නවීන ආරක්ෂණ උපකරණ සහ විශේෂ මුදාගැනීමේ පුහුණුව ලබාදී තිබේද;
යන්නත් එතුමා මෙම සභාවට දන්වන්නෙහිද?
(ඇ) එම දිස්ත්‍රික්කවල —
(i) සියලු පහසුකම්වලින් සමන්විත නවීන ගිනි නිවීම් මධ්‍යස්ථාන පිහිටුවීමට කටයුතු කරන්නේද;
(ii) නව ගිනි නිවන වාහන සහ ජල බවුසර් ලබා දීමට අපේක්ෂිත දිනය කවරේද;
(iii) ගිනි නිවීම් සේවා සංවර්ධනය සඳහා කඩිනම් සැලසුම් නොමැති නම්, ඊට හේතු කවරේද;
යන්න තවදුරටත් එතුමා මෙම සභාවට දන්වන්නෙහිද?
(ඈ) නොඑසේ නම්, ඒ මන්ද?
අසන ලද දිනය
2026-09-25
අසන ලද්දේ
ගරු අමිර්තනාදන් අඩෛක්කලනාදන් මහතා, පා.ම.
අමාත්‍යාංශය
රාජ්‍ය පරිපාලන, පළාත් සභා සහ පළාත් පාලන
ව්‍යවස්ථාදායකය
ශ්‍රී ලංකා ප්‍රජාතාන්ත්‍රික සමාජවාදී ජනරජයේ දසවැනි පාර්ලිමේන්තුව
සභාවාරය
1 වැනි සභාවාරය
පාර්ලිමේන්තු අත්පොත
ශ්‍රී ලංකාවේ මැතිවරණ ක්‍රමය
පාර්ලිමේන්තුවේ කටයුතු සිදුවන ආකාරය
පාර්ලිමේන්තුවේ කටයුතු
© ශ්‍රී ලංකා පාර්ලිමේන්තුව.
සියලු හිමිකම් ඇවිරිණි.
නිර්මාණය සහ සංවර්ධනය TekGeeks
