ගරු සුනිල් රාජපක්‍ෂ මහතා,— රාජ්‍ය පරිපාලන, පළාත් සභා සහ පළාත් පාලන අමාත්‍යතුමාගෙන් ඇසීමට,— (1)
(අ) (i) මුද්දර ගාස්තු ගණනය කිරීම සම්බන්ධයෙන් පළාත් සභා මට්ටමේ වගකීම දරන ආයතන කවරේද;
(ii) එම ගාස්තු ගණනය කිරීමේදී එක් එක් දේපළ වෙන වෙනම තක්සේරු කරනු ලබන්නේද;
(iii) මෙම ගාස්තු ගණනය කිරීම සඳහා දේපළ තක්සේරු කිරීමේදී ඉඩම්වල පිහිටි ගොඩනැගිලිද සැලකිල්ලට ගනු ලබන්නේද;
(iv) මුද්දර ගාස්තු සඳහා දේපළ තක්සේරු කිරීමේ කටයුතු සම්බන්ධයෙන් සුදුසුකම්ලත් නිලධාරින් පළාත් සභා මට්ටමේ ආයතනවල සේවයේ නියුතුව සිටින්නේද;
යන්න එතුමා මෙම සභාවට දන්වන්නෙහිද?
(ආ) (i) ශ්‍රී ලංකාවේ ඉඩම් හා දේපළ තක්සේරුව සඳහා බලයලත් පුද්ගලයන් සහ ආයතන කවරේද;
(ii) දේපළ තක්සේරුව නිසි පරිදි සිදුවන බවටත් ඒ අනුව අයවිය යුතු මුද්දර ගාස්තු පළාත් සභාවලට ලැබෙන බවටත් තහවුරු කිරීම සඳහා ක්‍රියාත්මක කර ඇති වැඩපිළිවෙළ කවරේද;
යන්නත් එතුමා මෙම සභාවට දන්වන්නෙහිද?
(ඇ) නොඑසේ නම්, ඒ මන්ද?
අසන ලද දිනය
2026-09-23
අසන ලද්දේ
ගරු සුනිල් රාජපක්‍ෂ මහතා, පා.ම.
අමාත්‍යාංශය
රාජ්‍ය පරිපාලන, පළාත් සභා සහ පළාත් පාලන
ව්‍යවස්ථාදායකය
ශ්‍රී ලංකා ප්‍රජාතාන්ත්‍රික සමාජවාදී ජනරජයේ දසවැනි පාර්ලිමේන්තුව
සභාවාරය
1 වැනි සභාවාරය
පාර්ලිමේන්තු අත්පොත
ශ්‍රී ලංකාවේ මැතිවරණ ක්‍රමය
පාර්ලිමේන්තුවේ කටයුතු සිදුවන ආකාරය
පාර්ලිමේන්තුවේ කටයුතු
© ශ්‍රී ලංකා පාර්ලිමේන්තුව.
සියලු හිමිකම් ඇවිරිණි.
නිර්මාණය සහ සංවර්ධනය TekGeeks
