ගරු අබූබකර් අතම්බාවා මහතා,— ධීවර, ජලජ සහ සාගර සම්පත් අමාත්‍යතුමාගෙන් ඇසීමට,— (1)
(අ) (i) අම්පාර දිස්ත්‍රික්කයේ ධීවර සහ වාණිජ වරායක් ලෙස ක්‍රියාත්මක කිරීමේ අරමුණින් ‘ඔලුවිල් වරාය’ පිහිටුවන ලද බව දන්නේද;
(ii) එම වරාය පිහිටුවා මෙහෙයුම් කටයුතු ආරම්භ කරන ලද දිනය කවරේද;
(iii) වරායේ ඉදිකිරීම් කටයුතු සඳහා මූල්‍ය ආධාර සැපයූ විදේශ රාජ්‍යය කවරේද;
(iv) ඒ සඳහා වැය කරන ලද සම්පූර්ණ මුදල කොපමණද;
(v) වරායේ මෝය කට වැලි තැන්පත් වීම හේතුවෙන් එහි මෙහෙයුම් කටයුතු අත්හැර දැමීමට පෙර, එය කාර්යක්ෂමව ක්‍රියාත්මකවූ කාලසීමාව කොපමණද;
(vi) එම වරාය අක්‍රිය තත්ත්වයට පත්ව මේ වනවිට ගතවී ඇති කාලය කොපමණද;
යන්න එතුමා මෙම සභාවට දන්වන්නෙහිද?
(ආ) (i) වරාය ආරම්භයේදී එමඟින් ප්‍රතිලාභ ලැබූ ධීවරයන්ගේ සංඛ්‍යාව කොපමණද;
(ii) මේ වනවිට එමඟින් ප්‍රතිලාභ ලබන ධීවරයන් සිටින්නේද;
(iii) එසේ නම්, එම ධීවරයන් සංඛ්‍යාව කොපමණද;
(iv) මෙම වරාය ජාතික මත්ස්‍ය නිෂ්පාදනයට සහ රටේ ආර්ථිකයට දායකත්වය ලබාදිය හැකි අයුරින් ප්‍රතිසංස්කරණය කිරීමට රජය සැලසුම් කර තිබේද;
(v) එසේ නම්, ඒ පිළිබඳ විස්තර කවරේද;
යන්නත් එතුමා මෙම සභාවට දන්වන්නෙහිද?
(ඇ) නොඑසේ නම්, ඒ මන්ද?
අසන ලද දිනය
2026-09-08
අසන ලද්දේ
ගරු අබූබකර් අතම්බාවා මහතා, පා.ම.
අමාත්‍යාංශය
ධීවර, ජලජ සහ සාගර සම්පත්
ව්‍යවස්ථාදායකය
ශ්‍රී ලංකා ප්‍රජාතාන්ත්‍රික සමාජවාදී ජනරජයේ දසවැනි පාර්ලිමේන්තුව
සභාවාරය
1 වැනි සභාවාරය
පාර්ලිමේන්තු අත්පොත
ශ්‍රී ලංකාවේ මැතිවරණ ක්‍රමය
පාර්ලිමේන්තුවේ කටයුතු සිදුවන ආකාරය
පාර්ලිමේන්තුවේ කටයුතු
© ශ්‍රී ලංකා පාර්ලිමේන්තුව.
සියලු හිමිකම් ඇවිරිණි.
නිර්මාණය සහ සංවර්ධනය TekGeeks
