ගරු නීතිඥ චිත්‍රාල් ප්‍රනාන්දු මහතා,— අධිකරණ සහ ජාතික ඒකාබද්ධතා අමාත්‍යතුමාගෙන් ඇසීමට,— (1)
(අ) (i) ස්වාධීන මහජන අභිචෝදක කාර්යාලයක් පිහිටුවීමේ අවශ්‍යතාවය රජය පිළිගන්නේද;
(ii) එසේ නම්, එම කාර්යාලය පිහිටුවීමේ අරමුණු කවරේද;
(iii) මෙම කාර්යාලයට පැවරීමට අපේක්ෂිත කාර්යභාරය කවරේද;
(iv) කාර්යාලය ස්ථාපිත කිරීම සඳහා අවශ්‍ය මානව සම්පත් සහ භෞතික සම්පත් පිළිබඳ විස්තර කවරේද;
යන්න එතුමා මෙම සභාවට දන්වන්නෙහිද?
(ආ) නොඑසේ නම්, ඒ මන්ද?
අසන ලද දිනය
2026-09-10
අසන ලද්දේ
ගරු නීතිඥ චිත්‍රාල් ප්‍රනාන්දු මහතා, පා.ම.
අමාත්‍යාංශය
අධිකරණ සහ ජාතික ඒකාබද්ධතා
ව්‍යවස්ථාදායකය
ශ්‍රී ලංකා ප්‍රජාතාන්ත්‍රික සමාජවාදී ජනරජයේ දසවැනි පාර්ලිමේන්තුව
සභාවාරය
1 වැනි සභාවාරය
(අ) (i) ඔව්
(ii) අපරාධ නඩු සම්බන්ධයෙන් සාධාරණ හා අපක්ෂපාතී නඩු පැවරීම සහතික කිරීමට, නඩු පවරනු ලබන පද්ධතියේ ස්වාධීනත්වය සහ කාර්යක්ෂමතාව ශක්තිමත් කිරීමට සහ අඛණ්ඩතාව සහ විනිවිදභාවයෙන් යුත් ක්‍රියාවලියක් සහතික කිරීමට එවැනි ස්වාධීන කාර්යාලයක් පිහිටුවීම ඉතා වැදගත් වන බව රජයේ අරමුණ වේ.
(iii) පවතිනු ලබන ක්‍රමයට සමානව, එහෙත් ස්වාධීනව, සාධාරණව හා අපක්ෂපාතීව සියලුම අපරාධ ක්‍රියා සම්බන්ධයෙන් පුළුල් නඩු පැවරීමේ කාර්ය භාරයක් මෙම කාර්යාලයටද පැවරෙනු ඇත.
(iv) අමාත්‍ය මණ්ඩලයේ අනුමැතිය ඇතිව මෙම කාර්යාලය පිහිටුවීම සඳහා සුදුසු ආයතනික යන්ත්‍රණයක් නිර්දේශ කිරීම සඳහා මා විසින් පත් කරන ලද කමිටුවේ නිර්දේශ ඇතුළත් වාර්තාව ලැබීමෙන් පසු අවශ්‍ය මානව සම්පත් සහ භෞතික සම්පත් සලකා බැලීම සහ සුදුසු ක්‍රියාමාර්ග ගැනීම රජය අපේක්ෂා කරනු ලැබේ.
(ආ) පැන නොනඟී.
පිළිතුරු දුන් දිනය
2026-09-10
විසින් පිළිතුරු දෙන ලදී
ගරු (වෛද්‍ය) නලින්ද ජයතිස්ස මහතා, පා.ම.
පාර්ලිමේන්තු අත්පොත
ශ්‍රී ලංකාවේ මැතිවරණ ක්‍රමය
පාර්ලිමේන්තුවේ කටයුතු සිදුවන ආකාරය
පාර්ලිමේන්තුවේ කටයුතු
© ශ්‍රී ලංකා පාර්ලිමේන්තුව.
සියලු හිමිකම් ඇවිරිණි.
නිර්මාණය සහ සංවර්ධනය TekGeeks
