1995/2026
ගරු රවී කරුණානායක මහතා,— වෙළඳ, වාණිජ, ආහාර සුරක්ෂිතතා සහ සමූපකාර සංවර්ධන අමාත්යතුමාගෙන් ඇසීමට,— (1)
(අ) 2026.03.20 දින ලංකා සතොස ආයතනය විසින් අත්යවශ්ය පාරිභෝගික භාණ්ඩ 100ක් සඳහා ප්රකාශයට පත් කළ මිල අඩු කිරීම් සම්බන්ධව —
(i) පාලිත වෙළඳපොළ අනුපාතවලට අඩුවෙන් විකිණීමට හැකි වන පිරිවැය ව්යුහය සහ ප්රසම්පාදන මිල ගණන් කවරේද;
(ii) එම අඩු කිරීම් සඳහා භාණ්ඩාගාර සහනාධාර, හරස්-සහනාධාර හෝ සැපයුම්කරු ණය විධිවිධාන මඟින් සහාය ලබාදී තිබේද;
(iii) එම වැඩසටහනෙන් පැන නගින මුළු මූල්ය පිරිවැය හෝ අවිනිශ්චිත වගකීම් කවරේද;
යන්න එතුමා මෙම සභාවට දන්වන්නෙහිද?
(ආ) (i) මෙවැනි මිලකරණය හේතුවෙන් පුළුල් සිල්ලර වෙළඳපොළ විකෘති වීම හෝ පෞද්ගලික වෙළඳුන්ට අවාසිදායක තත්ත්වයක් ඇතිවීම වැළැක්වීමට පියවර ගෙන තිබේද;
(ii) මුදල් ප්රවාහ තත්ත්වය සහ සැපයුම්කරුවන්ට සහ ණයහිමියන්ට ඇති මුළු හිඟ බැරකම් ඇතුළුව, 2024 සිට මේ දක්වා ලංකා සතොස ආයතනයේ විගණනය කරන ලද ලාභය/අලාභය වෙන් වෙන් වශයෙන් කවරේද;
(iii) ක්රියාත්මක වන අලෙවිසැල් සංඛ්යාව, ඒවායේ භූගෝලීය ව්යාප්තිය සහ අත්යවශ්ය පාරිභෝගික භාණ්ඩ සම්බන්ධයෙන් ඇස්තමේන්තුගත වෙළඳපොළ කොටස, වෙන් වෙන් වශයෙන් කවරේද;
යන්නත් එතුමා මෙම සභාවට දන්වන්නෙහිද?
(ඇ) නොඑසේ නම්, ඒ මන්ද?
අසන ලද දිනය
2026-05-20
අසන ලද්දේ
ගරු රවී කරුණානායක මහතා, පා.ම.
අමාත්යාංශය
වෙළෙඳ, වාණිජ, ආහාර සුරක්ෂිතතා සහ සමූපකාර සංවර්ධන
ව්යවස්ථාදායකය
ශ්රී ලංකා ප්රජාතාන්ත්රික සමාජවාදී ජනරජයේ දසවැනි පාර්ලිමේන්තුව
සභාවාරය
1 වැනි සභාවාරය
පාර්ලිමේන්තු අත්පොත
ශ්රී ලංකාවේ මැතිවරණ ක්රමය
පාර්ලිමේන්තුවේ කටයුතු සිදුවන ආකාරය
පාර්ලිමේන්තුවේ කටයුතු
© ශ්රී ලංකා පාර්ලිමේන්තුව.
සියලු හිමිකම් ඇවිරිණි.
නිර්මාණය සහ සංවර්ධනය TekGeeks
