ගරු ෂානක්කියන් රාජපුත්තිරන් රාසමාණික්කම් මහතා,— නිවාස, ඉදිකිරීම් සහ ජල සම්පාදන අමාත්යතුමාගෙන් ඇසීමට,— (1)
(අ) මඩකලපුව දිස්ත්රික්කය සඳහා —
(i) 2025 අයවැය මඟින් ජාතික ජල සම්පාදන හා ජලාපවහන මණ්ඩලයේ පානීය ජල ව්යාපෘති සඳහා වෙන් කර තිබූ ප්රතිපාදන ප්රමාණය කොපමණද;
(ii) ලබා දීමට අපේක්ෂා කරන ලද නව ජල සම්බන්ධතා සංඛ්යාව කොපමණද;
(iii) 2025.07.31 දින වනවිට ලබාදී ඇති නව ජල සම්බන්ධතා සංඛ්යාව කොපමණද;
යන්න එතුමා මෙම සභාවට දන්වන්නෙහිද?
(ආ) (i) මඩකලපුව දිස්ත්රික්කයේ පෝරතීවුපට්රු ප්රාදේශීය ලේකම් කොට්ඨාසයේ දික්ගොඩ ග්රාම නිලධාරි වසමට අයත් තුම්බාල ගම්මානය, සින්නවත්ත ග්රාම නිලධාරි වසමට අයත් සින්නවත්ත ඉහළ කොටස, පුදුමුන්මාරිච්චෝලෛ, පාලයියඩිවඩ්ඩෛ, නැගෙනහිර කන්නපුරම්, කන්නපුරම්, නෙල්ලික්කාඩු සහ මන්මුනෛ බටහිර ප්රාදේශීය ලේකම් කොට්ඨාසයේ ඉලුප්පඩිච්චනෛ ග්රාම නිලධාරි වසමට අයත් සින්නක්කාලපෝට්ටමඩු යන ගම්මානවල මණ්ඩලය විසින් ජල සම්බන්ධතාවයන් ලබාදී නොමැති බව දන්නේද;
(ii) එසේ නම්, එම ගම්මානවලට ජල සම්බන්ධතාවයන් ලබා දීමට කටයුතු කරනු ලබන දිනය කවරේද;
යන්නත් එතුමා මෙම සභාවට දන්වන්නෙහිද?
(ඇ) නොඑසේ නම්, ඒ මන්ද?
අසන ලද දිනය
2026-07-22
අසන ලද්දේ
ගරු ෂානක්කියන් රාජපුත්තිරන් රාසමාණික්කම් මහතා, පා.ම.
අමාත්යාංශය
නිවාස, ඉදිකිරීම් සහ ජල සම්පාදන
ව්යවස්ථාදායකය
ශ්රී ලංකා ප්රජාතාන්ත්රික සමාජවාදී ජනරජයේ දසවැනි පාර්ලිමේන්තුව
සභාවාරය
1 වැනි සභාවාරය
(අ) (i) 2025 වර්ෂයේ දී, CEDE අය වැය යටතේ මඩකලපුව දිස්ත්රික්කය සඳහා පහත සඳහන් ව්යාපෘති වෙනුවෙන් රුපියල් මිලියන 200ක මුදල් වෙන් කර තිබුණි.
|
අ/අ |
ව්යාපෘතිය |
2025 වර්ෂයේ වෙන් කිරීම (රුපියල් මිලියන) |
|
01 |
උන්නිච්චෛ සහ අවට ප්රදේශවල සේවා ආවරණය පුළුල් කිරීම |
170 |
|
02 |
මඩකලපුව දිස්ත්රික්කයේ බෙදාහැරීම් කටයුතු ව්යාප්ත කිරීම |
30 |
|
|
එකතුව |
200 |
(ii) 2025 වර්ෂයේදී සියලුම ජල යෝජනා ක්රම 13 තුළ නව ජල සම්බන්ධතා 3,000ක් ලබා දීමට අපේක්ෂා කරන ලදී.
(iii) 2025.07.31 දින වන විට සමස්ත ජල යෝජනා ක්රම 13 හරහා නව ජල සම්බන්ධතා 2,512ක් ලබා දී තිබුණි. කෙසේ වෙතත්, 2025 වර්ෂය අවසාන වන විට නව ජල සම්බන්ධතා 4,298ක මුළු ප්රමාණයක් ලබා දී තිබුණි
(ආ) (i) (1) ප්රාදේශීය ලේකම් කොට්ඨාසය - පෝරතීවුපත්තු ගම්මානය - තික්කොඩෛ ග්රාම නිලධාරි වසමට අයත් තුම්බාල ගම්මානය සහ පුදුමුන්මාරිච්චෝලෛ
තත්ත්වය -
Ø පවතින පොම්ප කිරීමේ නළ මාර්ග කොටස් ප්රතිස්ථාපනය කිරීම සහ හිමිදුරාව ජල පිරිපහදු මධ්යස්ථානයේ සිට තුම්බාල සහ පුදුමුන්මාරිච්චෝලෛ ගම්මාන වෙත ජල සම්බන්ධතා ලබා දීම සඳහා බූස්ටර් පොම්ප කිරීමේ ක්රමවේදයක් හඳුන්වා දීම මඟින් මෙම ප්රදේශ ආවරණය කිරීම තාක්ෂණික වශයෙන් සිදු කළ හැකිය.
Ø මෙම වැඩිදියුණු කිරීමේ කාර්යය සඳහා තත්කාලීන ඇස්තමේන්තුගත පිරිවැය රුපියල් මිලියන 100ක් පමණ වේ.
Ø ප්රසම්පාදන කටයුතු මෙම වසර තුළ අවසන් කිරීමට සැලසුම් කර ඇති අතර, පුනරුත්ථාපන ප්රතිපාදන යටතේ භෞතික කටයුතු ඉදිරි වසර තුළ නිම කිරීමට නියමිතය.
(2) ප්රාදේශීය ලේකම් කොට්ඨාසය - පෝරතීවුපත්තු ගම්මානය - සින්නවත්ත ග්රාම නිලධාරි වසමට අයත් සින්නවත්ත ඉහළ කොටස
තත්ත්වය -
Ø හිමිදුරාව ජල පිරිපහදු මධ්යස්ථානයේ සිට අපේක්ෂිත පාරිභෝගික සම්බන්ධතා 31ක් ලබා දීම සඳහා අතිරේක නළ මාර්ගයක් (විෂ්කම්භය මි.මී.90, HDPE, දිග කි.මී.1.5) එළීම මඟින් මෙම ප්රදේශය ආවරණය කිරීම තාක්ෂණික වශයෙන් සිදු කළ හැකි අතර, දැනට එහි භෞතික කටයුතු O&M - අම්පාර කණ්ඩායම විසින් ඍජුවම සිදු කරනු ලබයි.
Ø මි.මී. 90 විෂ්කම්භයෙන් යුත් නළ එළීමේ කටයුතු මීටර් 1,080ක දික ප්රමාණයකට නිම කර ඇත.
Ø අවසාන සම්බන්ධතාව සහ පාරිභෝගික සම්බන්ධතා ඉදිරි මාස 03 ඇතුළත ලබා දිය හැකිය.
(3) ප්රාදේශීය ලේකම් කොට්ඨාසය - පෝරතීවුපත්තු ගම්මානය - පාලයියඩිවඩ්ඩෛ, නැඟෙනහිර කන්නපුරම්, කන්නපුරම් සහ නෙල්ලිකාඩු තත්ත්වය -
Ø පවතින හිමිදුරාව ජල පිරිපහදු මධ්යස්ථානයේ නළ ජාලය මඟින් මෙම ප්රදේශය ආවරණය කිරීම දැනට තාක්ෂණික වශයෙන් සිදු කළ නොහැක.
Ø කෙසේ වෙතත්, මෙම ප්රදේශයට සපයන ජල ධාරිතාව ඉහළ නැංවීම සඳහා සහ පවතින නළ මාර්ග වෙනුවට විශාල විෂ්කම්භයකින් යුත් නළ මාර්ග සහ බූස්ටර් පොම්ප කිරීමේ ක්රමවේද ප්රතිස්ථාපනය කිරීම මඟින් උස් බිම් ප්රදේශවල ජල සැපයුම අඛණ්ඩව පවත්වාගෙන යෑම සඳහා වන සැලසුම් කටයුතු/පද්ධති විශ්ලේෂණ දැනට සිදු කෙරෙමින් පවතී.
(4) ප්රාදේශීය ලේකම් කොට්ඨාසය - මන්මුනෛ බටහිර
ගම්මානය - සින්නක්කාලපෝට්ටමඩු ගම්මානය
තත්ත්වය - යෝජිත උන්නිච්චෛ පැකේජ ජල පිරිපහදු මධ්යස්ථාන ව්යාපෘතිය යටතේ ක්රියාත්මක කිරීමට නියමිත නළ එළීමේ කටයුතුවල සේවා ආවරණ කලාපය තුළට මෙම ගම්මානය ඇතුළත් කර ඇත. ශ්රී ලංකා රජයේ ප්රතිපාදන යටතේ 2027 වර්ෂය අවසාන වන විට මෙම ව්යාපෘතිය නිම කිරීමට අපේක්ෂා කෙරේ.
(ii)
තත්ත්වය - ප්රසම්පාදන කටයුතු මෙම වසර තුළ අවසන් කිරීමට සැලසුම් කර ඇති අතර, පුනරුත්ථාපන ප්රතිපාදන භාවිත කරමින් භෞතික කටයුතු ඉදිරි වසර තුළ නිම කිරීමට නියමිතය.
Ø පවතින හිමිදුරාව ජල පිරිපහදු මධ්යස්ථානයේ නළ ජාලය මඟින් මෙම ප්රදේශය ආවරණය කිරීම දැනට තාක්ෂණික වශයෙන් සිදු කළ නොහැක.
Ø කෙසේ වෙතත්, මෙම ප්රදේශයට සපයන ජල ධාරිතාව ඉහළ නැංවීම සඳහා සහ පවතින නළ මාර්ග වෙනුවට විශාල විෂ්කම්භයකින් යුත් නළ මාර්ග සහ බූස්ටර් පොම්ප කිරීමේ ක්රමවේද ප්රතිස්ථාපනය කිරීම මඟින් උස් බිම් ප්රදේශවල ජල සැපයුම අඛණ්ඩව පවත්වාගෙන යෑම සඳහා වන සැලසුම් කටයුතු/පද්ධති විශ්ලේෂණ දැනට සිදු කෙරෙමින් පවතී.
Ø පෝරතීවුපත්තු ප්රාදේශීය ලේකම් කොට්ඨාසයේ ජල සැපයුම වැඩිදියුණු කිරීම සඳහා හිමිදුරාව ජල පිරිපහදු මධ්යස්ථානය ඉහළ නැංවීම සඳහා හිමිදුරාව ජලාශයෙන් අතිරේක අමු ජලය (වසරකදී වසරකට MCM 5.5ක්) ලබා ගැනීම සඳහා අවසර ඉල්ලා ඇති අතර, ඒ සඳහා වාරිමාර්ග දෙපාර්තමේන්තුවේ ප්රතිචාරය අපේක්ෂා කෙරේ. ඉහත සදහන් කරුණුවලට අමතරව මඩකලපුව දිස්ත්රික්කය තුළ පහත සඳහන් ප්රධාන ව්යාපෘති ක්රියාත්මක වෙමින් පවතී.
1. වාලච්චේනෛ ජල සැපයුම් ව්යාපෘතිය මඟින් කෝරළේපත්තු, කෝරළේපත්තු මධ්යම, කෝරළේපත්තු බටහිර, කෝරළේපත්තු දකුණ සහ එරාවුර්පත්තු ප්රාදේශීය ලේකම් කොට්ඨාස ආවරණය වන අතර, රාජ්ය ආයෝජන වැඩසටහන යටතේ 2027 වර්ෂයේදී මෙම ව්යාපෘතිය ක්රියාත්මක කිරීමට සැලසුම් කර ඇත.
2. යෝජිත මඩකලපුව දකුණ ජල සැපයුම් ව්යාපෘතිය මඟින් පෝරතීවුපත්තු සහ මන්මුනෛ දකුණ එරුවිල්පත්තු ප්රාදේශීය ලේකම් කොට්ඨාස ආවරණය කෙරේ. අම්පාර දිස්ත්රික්කයේ පිහිටි හිමිදුරාව වැව මෙහි යෝජිත ජල මූලාශ්රය වේ.
3. යෝජිත මඩකලපුව උතුර ජල සැපයුම් ව්යාපෘතිය මඟින් කෝරළේපත්තු උතුර ප්රාදේශීය ලේකම් කොට්ඨාසය ආවරණය කෙරේ. මෙහි යෝජිත ජල මූලාශ්රය වන්නේ කට්ටුමුරිච්චි වැවයි.
පිළිතුරු දුන් දිනය
2026-07-22
විසින් පිළිතුරු දෙන ලදී
ගරු (වෛද්ය) සුසිල් රණසිංහ මහතා, පා.ම.
පාර්ලිමේන්තු අත්පොත
ශ්රී ලංකාවේ මැතිවරණ ක්රමය
පාර්ලිමේන්තුවේ කටයුතු සිදුවන ආකාරය
පාර්ලිමේන්තුවේ කටයුතු
© ශ්රී ලංකා පාර්ලිමේන්තුව.
සියලු හිමිකම් ඇවිරිණි.
නිර්මාණය සහ සංවර්ධනය TekGeeks
