.
අසන ලද දිනය
2026-03-04
අසන ලද්දේ
ගරු සුරංග රත්නායක මහතා, පා.ම.
අමාත්යාංශය
කෘෂිකර්ම, පශු සම්පත්, ඉඩම් සහ වාරිමාර්ග
ව්යවස්ථාදායකය
ශ්රී ලංකා ප්රජාතාන්ත්රික සමාජවාදී ජනරජයේ දසවැනි පාර්ලිමේන්තුව
සභාවාරය
1 වැනි සභාවාරය
(අ) (i) ඔව්.
(ii) අපේ රටේ ඇති වී ගබඩා කලාප මට්ටමින් නම් කර තිබෙනවා.
වයඹ කලාපයේ තිබෙන මුළු වී ගබඩා ප්රමාණය 31යි. වයඹ කලාපයට කුරුණෑගල, පුත්තලම, මාතලේ සහ ගම්පහ කියන දිස්ත්රික්ක අයත් වනවා. ඒ අනුව එම ගබඩාවලට වී මෙට්රික් ටොන් 40,950ක් ලබා ගැනීමේ හැකියාව තිබෙනවා.
ඊළඟට, අම්පාර කලාපය. අම්පාර කලාපයේ සමස්ත වී ගබඩා 56ක් තිබෙනවා. ඒ කලාපයට අම්පාර, මහනුවර ඇතුළු දිස්ත්රික්ක කිහිපයක් ඇතුළත් වනවා. ඒ ගබඩා 56 තුළ වී මෙට්රික් ටොන් 65,315ක් ගබඩා කරන්න පුළුවන්.
ඊළඟට, නැඟෙනහිර කලාපය. නැඟෙනහිර කලාපයේ වී ගබඩා 34ක් තිබෙනවා. ත්රිකුණාමලය සහ මඩකලපුව දිස්ත්රික්ක එම කලාපයට අයත් වනවා. එම ගබඩා තුළ වී මෙට්රික් ටොන් 23,650ක් ගබඩා කිරීමේ පහසුකම තිබෙනවා.
ඊළඟට, දකුණු කලාපය. දකුණු කලාපයේ වී ගබඩා 32ක් තිබෙනවා. මොනරාගල, හම්බන්තොට, මාතර, ගාල්ල සහ රත්නපුරය කියන දිස්ත්රික්ක එම කලාපයට අයත් වනවා. එම ගබඩාවල වී මෙට්රික් ටොන් 66,800ක් ගබඩා කිරීමේ පහසුකම තිබෙනවා.
අනුරාධපුර කලාපයේ වී ගබඩා 59ක් තිබෙනවා. එම ගබඩාවල වී මෙට්රික් ටොන් 47,730ක් ගබඩා කිරීමේ පහසුකම තිබෙනවා.
ඊළඟට, උතුර කලාපයට කිලිනොච්චිය, වවුනියාව, මුලතිව්, මන්නාරම ආදී දිස්ත්රික්ක අයත් වනවා. උතුරු කලාපයේ වී ගබඩා 29ක් තිබෙනවා. එහි වී මෙට්රික් ටොන් 25,900ක් ගබඩා කිරීමේ පහසුකම තිබෙනවා.
ඊළඟට, පොළොන්නරුව කලාපය. එම කලාපයට පොළොන්නරුව සහ මාතලේ දිස්ත්රික්ක අයත් වනවා. එහි වී ගබඩා 41ක් තිබෙනවා. ඒ තුළ වී මෙට්රික් ටොන් 47,440ක් ගබඩා කිරීමේ පහසුකම තිබෙනවා. ඒ අනුව අපේ රට තුළ සමස්ත වී ගබඩා 282ක් තිබෙනවා. මේවායේ වී මෙට්රික් ටොන් 317,785ක් ගබඩා කිරීමේ පහසුකම තිබෙනවා.
(iii) ගිය යල කන්නයේ අස්වැන්න ගැන ඔබතුමා අහන්නේ. ඒ ප්රමාණය මෙට්රික් ටොන් මිලියන 2.27යි.
(iv) මෙට්රික් ටොන් 48,000ක් ගන්න තමයි අපි සැලසුම් කරලා තිබුණේ.
(v) ඒක මුළු නිෂ්පාදනයෙන් සියයට 2.11යි.
(vi) 1. දැනට ක්රියාත්මක වැඩ පිළිවෙළ නව්යතාවෙන් යුතුව ශක්තිමත්ව ඉදිරියට සිදු කරගෙන යනවා.
2. දේශීය වී නිෂ්පාදනය වැඩි කරගැනීමට අදාළව විශේෂයෙන්ම "පුනරුදයට අරුණළු" ජාතික කෘෂිකර්ම වැඩසටහනට සමගාමීව යාය වැඩසටහනක් මේ වනකොට අපි හඳුන්වා දීලා තිබෙනවා. අපි පළමු වටයේදී යාය 500ක් තෝරා ගත්තා. එහි යම් සාර්ථකභාවයකුත් තිබෙනවා, අසාර්ථකභාවයකුත් තිබෙනවා. ඒ අත්දැකීම් පාවිච්චි කරලා මේක තවත් විධිමත්ව ඉස්සරහට අරගෙන යන්න අපි සැලසුම් කරලා තිබෙනවා. 2028 වසර වනකොට යාය 5,000ක් සැලසුම් කරලා ඉස්සරහට කටයුතු කරගෙන යන එක තමයි අපේ සැලසුම. පස පරීක්ෂා කරලා, ඒ නිර්දේශවලට අනුව පොහොර සහ යෙදවුම් පාවිච්චි කිරීමත්, විද්යාත්මකව බිම සකස් කිරීමත් ඇතුළු කාරණා මත එම යායවල් තුළින් අස්වැන්න වැඩි කරලා පෙන්වීමට වැඩ පිළිවෙළක් ක්රියාත්මක වනවා. ඒ අනුව 2028 වසර අවසන් වනකොට අපි අද ගන්න වී නිෂ්පාදනයට වඩා වැඩි මට්ටමකට අපේ වී නිෂ්පාදනය ඔසවා තැබීම සඳහා තමයි කෘෂිකර්ම අමාත්යාංශය විධියට අපි මේ ක්රියාවලිය මේ වනකොට දියත් කරලා තිබෙන්නේ.
ඒකට අදාළ තව ගොඩක් විස්තර මේ වාර්තාවේ තිබෙනවා, ගරු මන්ත්රීතුමනි.
(ආ) අදාළ නොවේ.
පිළිතුරු දුන් දිනය
2026-03-04
විසින් පිළිතුරු දෙන ලදී
ගරු නාමල් කරුණාරත්න මහතා, පා.ම.
පාර්ලිමේන්තු අත්පොත
ශ්රී ලංකාවේ මැතිවරණ ක්රමය
පාර්ලිමේන්තුවේ කටයුතු සිදුවන ආකාරය
පාර්ලිමේන්තුවේ කටයුතු
© ශ්රී ලංකා පාර්ලිමේන්තුව.
සියලු හිමිකම් ඇවිරිණි.
නිර්මාණය සහ සංවර්ධනය TekGeeks
