642/2025
ගරු කිංස් නෙල්සන් මහතා,— බලශක්ති අමාත්යතුමාගෙන් ඇසීමට,— (1)
(අ) (i) 2025.02.09 දින මුළු ශ්රී ලංකාවම ආවරණය වන පරිදි විදුලිය ඇන හිටීමක් සිදුවූ බව දන්නේද;
(ii) ඒ සම්බන්ධයෙන් පරීක්ෂා කිරීම සඳහා බලශක්ති අමාත්යාංශයෙන් සහ ලංකා විදුලිබල මණ්ඩලයෙන් පත් කරන ලද කමිටු සංඛ්යාව වෙන් වෙන් වශයෙන් කොපමණද;
(iii) එම එක් එක් කමිටුවේ සාමාජිකයන්ගේ නම් වෙන් වෙන් වශයෙන් කවරේද;
(iv) එම කමිටු වාර්තා මඟින් අනාවරණයවූ කරුණු කවරේද;
(v) එම විදුලිය ඇන හිටීමට සෘජුව වගකිව යුතු නිලධාරින්ගේ නම් හා තනතුරු නාම කවරේද;
(vi) ඉහත කමිටු වාර්තා මඟින් අනාවරණයවූ කරුණු සම්බන්ධයෙන් ගනු ලබන ක්රියාමාර්ග කවරේද;
යන්න එතුමා මෙම සභාවට දන්වන්නෙහිද?
(ආ) නොඑසේ නම්, ඒ මන්ද?
අසන ලද දිනය
2026-05-05
අසන ලද්දේ
ගරු කිංස් නෙල්සන් මහතා, පා.ම.
අමාත්යාංශය
බලශක්ති
ව්යවස්ථාදායකය
ශ්රී ලංකා ප්රජාතාන්ත්රික සමාජවාදී ජනරජයේ දසවැනි පාර්ලිමේන්තුව
සභාවාරය
1 වැනි සභාවාරය
(අ) (i) ඔව්.
(ii) බලශක්ති අමාත්යාංශය විසින් එක් කමිටුවක් ද, එවකට පැවැති ලංකා විදුලිබල මණ්ඩලය විසින් එක් කමිටුවක් වශයෙන් කමිටු 02ක් පත් කර තිබේ.
(iii) බලශක්ති අමාත්යාංශය පත් කළ කමිටුවේ සාමාජිකයන්:
ලංකා විදුලිබල මණ්ඩලය පත් කළ කමිටුවේ සාමාජිකයන්:
(iv) බලශක්ති අමාත්යාංශයෙන් පත් කළ කමිටුව මඟින් නිර්දේශ කිහිපයක් ඉදිරිපත් කර තිබෙනවා. එම සම්පූර්ණ වාර්තාව ඇමුණුම 01 හැටියට මම ඉදිරිපත් කරනවා. මම එහි සාරාංශයක් ඉදිරිපත් කරන්නම්. එහි පහත සඳහන් නිර්දේශ දක්වා තිබෙනවා.
i. පුනර්ජනනීය බලශක්ති නිෂ්පාදනය සහ පද්ධති ස්ථාවරත්වය සැලකිල්ලට ගනිමින් වර්තමාන භ්රමණ සංචිත - spinning reserves -මාර්ගෝපදේශය/නිර්ණායකය සමාලෝචනය කිරීම.
ii. වර්තමාන සන්දර්භය තුළ පෝෂකවලට එකතු කරන ලද කාවැද්දූ උත්පාදනය සලකා බැලීමෙන්, දැනට පවතින සියලු සංඛ්යාත බර අඩු කිරීමේ - UFLS - නිර්ණායක සම්පූර්ණයෙන්ම සමාලෝචනය කළ යුතුය.
iii. හැකි සෑම තැනකම සමමුහුර්ත කන්ඩෙන්සර් - synchronous condenser - ආකාරයෙන් ජල හා තාප බලාගාර ක්රියාත්මක කිරීම.
iv. බලශක්ති ගබඩා පද්ධති ක්රියාත්මක කිරීම.
v. කොළඹ නගරය තුළ විදුලිය විසන්ධි කිරීමේ ප්රතිසංස්කරණ යෝජනා ක්රමයක් - blackout restoration scheme - වහාම ක්රියාත්මක කිරීම.
vi. ලක්විජය බලාගාරය තුළ ආරක්ෂිතව ක්රියාවිරහිත කිරීමේ ක්රියා පටිපාටිය ක්රියාත්මක කිරීම.
vii. පද්ධති ස්ථායිතාව ආරක්ෂා කිරීම සඳහා සියලු බල ප්රභව කළමනාකරණය කිරීම.
viii. ස්මාට් මීටර සඳහා අතිරේක ක්රියාකාරීත්වයක් හඳුන්වා දීම.
ix. බැටරි බලශක්ති ගබඩා පද්ධති සමඟින් ගෘහස්ථ වහල මත සූර්ය බලශක්ති ස්ථාපනය ප්රවර්ධනය කිරීම.
x. ඉරිදා සහ රජයේ නිවාඩු දිනවල කර්මාන්ත සහ කුඩා හා මධ්ය පරිමාණ ව්යාපාර අංශ සඳහා තීරුබදු දිරිගැන්වීම් - tariff incentives - ආරම්භ කිරීම.
xi. තරගකාරී ලංසු තැබීමේ ක්රියාවලිය අනුගමනය කිරීමෙන් බැටරි බලශක්ති ගබඩා පද්ධති ක්රියාත්මක කිරීම.
xii. සම්පත් පුරෝකථන පද්ධතියක් සහිත පුනර්ජනනීය බලශක්ති Desks ස්ථාපිත කිරීම.
ලංකා විදුලිබල මණ්ඩලය පත් කළ කමිටුව
කමිටු වාර්තාවේ පරිච්ඡේද 3, 4, 5, 6 හා 7 යටතේ කමිටුව මඟින් අනාවරණ කර ගත් කරුණු සවිස්තරාත්මකව සඳහන් කර ඇත. වාර්තාවේ ඉහත පරිච්ඡේද ඇමුණුම 02 ලෙස දක්වා ඇත.
ඇමුණුම් 01 සහ 02 සභාගත* කරමි.
(v) ඉහත කමිටු වාර්තා දෙකෙහිම ඍජු වග කිවයුතු නිලධාරින් සම්බන්ධයෙන් සඳහන් වී නොමැත.
(vi) බලශක්ති අමාත්යාංශය පත් කළ කමිටුවේ නිර්දේශ ක්රියාත්මක කිරීම සඳහා ලංකා විදුලිබල මණ්ඩලය වෙත දන්වා ඇති අතර, ඒ සඳහා 4දෙනෙකුගෙන් යුත් කමිටුවක් පත්කොට ඇත.
ලංකා විදුලිබල මණ්ඩලය පත් කළ කමිටුවේ නිර්දේශ
ඉහත කමිටු වාර්තාවේ නිර්දේශ 24ක් පමණ සඳහන් වන අතර, ඒවායෙන් පහත නිර්දේශ මේ වන විට ක්රියාත්මක වෙමින් පවතී.
කමිටු වාර්තාවේ ඉතිරි නිර්දේශද ඉදිරියේදී ක්රියාත්මක කිරීමට බලාපොරොත්තු වේ.
(ආ) අදාළ නොවේ.
පිළිතුරු දුන් දිනය
2026-05-05
විසින් පිළිතුරු දෙන ලදී
ගරු අනුර කරුණාතිලක මහතා, පා.ම.
පාර්ලිමේන්තු අත්පොත
ශ්රී ලංකාවේ මැතිවරණ ක්රමය
පාර්ලිමේන්තුවේ කටයුතු සිදුවන ආකාරය
පාර්ලිමේන්තුවේ කටයුතු
© ශ්රී ලංකා පාර්ලිමේන්තුව.
සියලු හිමිකම් ඇවිරිණි.
නිර්මාණය සහ සංවර්ධනය TekGeeks
